کونسی کافی عمر میں اضافہ کرسکتی ہے؟ ماہرین نے بتا دیا
اشاعت کی تاریخ: 20th, June 2025 GMT
ماہرین کے مطابق روزانہ ایک یا دو کپ کافی پینے سے آپ کو لمبی عمر میں مدد مل سکتی ہے لیکن صرف اس صورت میں جب آپ کریم اور چینی کے بغیر پیئں۔
جرنل آف نیوٹریشن میں شائع ہونے والی تحقیق میں بتایا گیا ہے کہ بلیک کافی یا صرف تھوڑی سی چینی اور سیچوریٹڈ چکنائی کے ساتھ کافی پینے سے قبل از وقت موت کا خطرہ کم ہوتا ہے۔ لیکن جب لوگ بہت میٹھے یا کریم کے ساتھ کافی پیتے ہیں تو صحت کے فوائد ختم ہو جاتے ہیں۔
ٹفٹس یونیورسٹی کے سینئر مصنف فینگ فینگ ژانگ نے ایک نیوز ریلیز میں کہا، "کافی دنیا میں سب سے زیادہ پینے والے مشروبات میں سے ایک ہے، اور تقریباً نصف امریکی بالغ افراد روزانہ کم از کم ایک کپ پیتے ہیں، ہمارے لیے یہ جاننا ضروری ہے کہ اس کا صحت کے لیے کیا مطلب ہو سکتا ہے۔"
اس کیلئے محققین نے 1999 اور 2018 کے درمیان قومی صحت کے سروے میں حصہ لینے والے 46,000 سے زیادہ امریکی بالغوں کے ڈیٹا کو دیکھا۔ انہوں نے تجزیہ کیا کہ لوگ کس قسم کی کافی پیتے ہیں کیفین والی یا ڈی کیف اور کتنی چینی اور کریم شامل کرتے ہیں۔
انہوں نے اس ڈیٹا کا موازنہ کسی بھی وجہ سے ہونے والی اموات کے ساتھ ساتھ دل کی بیماری اور کینسر سے کیا اور پایا کہ کریم اور چینی کے بغیر بلیک کافی دل کی صحت اور کینسر کے خطرات کو کم کرکے عمر میں اضافہ کرسکتی ہے۔
.ذریعہ: Express News
پڑھیں:
سیکڑوں برس قبل تہذیب انسانی ہڈیوں سے کیا کرتی تھی؟
ماہرینِ آثارِ قدیمہ نے ایسی قدیم ہڈیاں دریافت کی ہیں جو ازٹیک تہذیب سے متعلق حیران کن معلومات فراہم کرتی ہیں۔
تاریخ دانوں نے ملنے والی باقیات پر موجود تفصیلات کی نشان دہی کی جو بتاتی ہیں کہ ان ہڈیوں کو غیر معمولی کاموں میں استعمال کیا جاتا ہوگا۔
ماہرینِ آثارِ قدیمہ نے جنوبی ٹیکساس کے ساحل سے دریافت ہونے والی 29 قبل از تاریخ انسانی ہڈیوں کا بغور جائزہ لیا۔
ہڈیوں پر غیر معمولی نشانات دیکھ یہ اندازہ لگایا گیا کہ یہ شاید موت کے بات کسی مقصد کے لیے جسم سے نکالی گئی ہوں۔
تاریخ دانوں نے بتایا کہ شکاریوں اور غذا اکٹھا کرنے والا گروپ جو کبھی یہاں آباد تھا ممکنہ طور پر انسانی ہڈیوں کو موسیقی کے آلات میں ڈھال کر گانا بجانا کرتاہو۔
جورجیا کی آگسٹا یونیورسٹی سے تعلق رکھنے والے ڈاکٹر میتھیو ٹیلر نے باقیات کا مطالعہ کرتے وقت میوزیکل راسپ کی طرح کے آلے کی نشان دہی کی جو کہ انسانی بازو کی ہڈی سے بنا تھا۔
29 ہڈیوں کے تجزیے میں معلوم ہوا کہ 27 چیزیں بازو یا ٹانگ کی ہڈیوں سے بنی تھیں۔
تحقیق کے مطابق یہ باقیات شمالی امریکا میں قبل از تاریخ دور کے آخر (700-1500 عیسوی) سے تعلق رکھتی ہیں۔ جبکہ علاقے کی تاریخ 1528 عیسوی سے باقاعدہ ریکارڈ ہونا شروع ہوئی ہے۔
روس میں کرپشن کریک ڈاؤن، درجنوں عہدیدار گرفتار