پوٹن ایرانی سپریم لیڈر جیسا رویہ اپنائے ہوئے ہیں، زیلنسکی
اشاعت کی تاریخ: 21st, June 2025 GMT
اسلام آباد (اُردو پوائنٹ ۔ DW اردو۔ 21 جون 2025ء) یوکرینی صدر وولودومیر زیلسنکی نے جمعے کی رات اپنے ایک ویڈیو پیغام میں روسی صدر ولادیمیر پوٹن اور ایرانی سپریم لیڈر آیت اللہ علی خامنہ کا موازنہ کرتے ہوئے کہا کہ روسی صدر بھی ویسا ہی ردعمل ظاہر کر رہے ہیں، جیسا ایرانی رہبر اعلیٰ کا ہے۔
صدر زیلنسکی نے اپنے روسی ہم منصب کو ''آیت اللہ پوٹن‘‘ قرار دیتے ہوئے الزام عائد کیا کہ وہ امن میں دلچسپی ہی نہیں رکھتے ہیں۔
یوکرین کے صدر ولادیمیر زیلنسکی نے کہا ہے کہ روسی صدر ولادیمیر پوٹن کی سینٹ پیٹرز برگ اکنامک فورم میں کی گئی باتوں کے برعکس، روسی معیشت زوال کا شکار ہے اور وہ چاہتے ہیں کہ یہ عمل مزید تیز ہو۔
صدر زیلنسکی نے کہا کہ روسی معیشت پہلے ہی تباہی کے دہانے پر ہے اور وہ اس عمل کو مزید آگے بڑھائیں گے۔
(جاری ہے)
انہوں نے طنزیہ انداز اختیار کرتے ہوئے مزید کہا، ''آیت اللہ پوٹن اپنے ایرانی دوستوں کی طرف دیکھ لیں کہ ایسے انتہا پسندانہ نظام اپنے ملکوں کو کہاں لے جاتے ہیں۔
‘‘زیلنسکی کے بقول، ''روس جنگ چاہتا ہے۔‘‘ ان کے بقول روس کی طرف سے مسلسل دی جانے والی دھمکیاں یہ ظاہر کرتی ہیں کہ 'دنیا کی جانب سے ڈالا جانے والا دباؤ اب تک ان کے لیے ناکافی ثابت ہو رہا ہے‘۔
یاد رہے کہ صدر پوٹن نے سینٹ پیٹرز برگ منعقدہ اکنامک فورم میں ایک بار پھر یوکرین پر روس کے حق کا دعویٰ دہرایا اور یوکرین کے علاقائی دارالحکومت سومی پر قبضے کی دھمکی دی۔
پوٹن نے کہا تھا، ''میری نظر میں روسی اور یوکرینی ایک ہی قوم ہیں۔ اسی لیے پورا یوکرین ہمارا ہے۔‘‘
انہوں نے مزید کہا تھا، ''جہاں روسی فوجی قدم رکھے گا، وہ زمین روس کی ہو جائے گی۔‘‘ یوکرین گزشتہ تین سال سے زیادہ عرصے سے روسی جارحیت کا شکار ہے۔
روس کے ڈرون اور میزائل حملے، یوکرین میں توانائی کا بنیادی ڈھانچہ متاثریوکرینی فوجی حکام نے بتایا ہے کہ روس کی جانب سے جمعے اور ہفتے کی درمیانی رات کیے گئے ڈرون اور میزائلوں کے حملے میں یوکرین میں توانائی کے بنیادی ڈھانچے کو نقصان پہنچا ہے۔
پولٹاوا کے فوجی گورنر وولودیمیر کوہوت نے ٹیلیگرام پر بتایا کہ کریمینچک ضلع میں ''براہِ راست حملے‘‘ کی اطلاعات ملی ہیں۔ اس حملے میں ایک شخص زخمی ہوا ہے تاہم نقصان کی مزید تفصیلات جاری نہیں کی گئیں۔
بتایا گیا ہے کہ گزشتہ رات روس نے 272 ڈرونز سے حملہ کیا تاہم یوکرین کے فضائی دفاعی نظام نے 252 ڈرون تباہ یا مار گرائے۔
یوکرینی فوج کا دعویٰ ہے کہ اس نے چار روسی کروز میزائل اور ایک ہائپر سونک میزائل بھی تباہ کر دیا ہے۔ تاہم جنگ زدہ علاقے سے ان اطلاعات کی آزاد ذرائع سے تصدیق ممکن نہیں ہو سکی۔
فروری میں ٹرمپ انتظامیہ کی ثالثی میں ہونے والے مذاکرات میں روس اور یوکرین نے اتفاق کیا تھا کہ فریقین تیس دنوں کے لیے توانائی کے بنیادی ڈھانچوں پر فضائی حملے روک دیں گے لیکن دونوں ممالک نے ایک دوسرے پر اس معاہدے کی خلاف ورزی کا الزام لگایا۔
براہ راست جنگ بندی مذاکرات بھی یوکرین میں امن قائم کرنے کے لیے کوئی پیش رفت نہیں لا سکے۔
ادارت: شکور رحیم
.ذریعہ: UrduPoint
کلیدی لفظ: تلاش کیجئے کہ روس
پڑھیں:
یو کرین کا روس کے آئل ڈپو پر ڈرون حملہ، آگ بھڑک اٹھی، قریبی ہوائی اڈے پر پروازیں معطل
یو کرین کا روس کے آئل ڈپو پر ڈرون حملہ، آگ بھڑک اٹھی، قریبی ہوائی اڈے پر پروازیں معطل WhatsAppFacebookTwitter 0 3 August, 2025 سب نیوز
کیف (سب نیوز)یو کرین کے ڈرون حملے میں روس کے بحیرہ اسود کے تفریحی مقام سوچی کے قریب بڑے آئل ڈپو میں آگ لگ گئی، سوچی کے قریبی ہوائی اڈے پر پروازیں معطل کر دی گئیں، روسی حکام نے بھی اس کی تصدیق کی ہے۔ رپورٹ کے مطابق کراسنوڈار ریجن کے گورنر وینیامین کوندراتیو نے ٹیلی گرام پر بتایا کہ ڈرون کا ملبہ ایندھن کے ایک ٹینک سے ٹکرایا، اور 127 فائر فائٹرز آگ بجھانے میں مصروف ہیں۔
ادھر، یوکرین کے جنوبی شہر میکولائیف میں روسی میزائل حملے نے گھروں اور سول انفرااسٹرکچر کو تباہ کر دیا۔مقامی حکام کے مطابق میزائل حملے میں کم از کم 7 شہری زخمی ہوئے ہیں، یوکرین کی اسٹیٹ ایمرجنسی سروس کے مطابق، زخمیوں میں سے 3 کو ہسپتال میں داخل کیا گیا ہے۔روسی حکام کے مطابق، سوچی ریفائنری پر ڈرون حملہ یوکرین کی طرف سے ہفتے کے آخر میں شروع کیے گئے کئی حملوں میں سے ایک تھا، جن کا ہدف جنوبی روس کے شہروں ریازان، پینزا اور وورونژ میں تنصیبات تھیں، وورونژ کے گورنر کا کہنا ہے کہ ایک ڈرون حملے میں 4 افراد زخمی ہوئے۔
روسی وزارتِ دفاع کا کہنا ہے کہ اس کی فضائی دفاعی نظام نے راتوں رات 93 یوکرینی ڈرونز کو روکا، جن میں سے 60 بحیرہ اسود کے علاقے میں تھے۔یوکرین کی فضائیہ کے مطابق، روس نے رات کے وقت 83 یا 76 ڈرون اور 7 میزائل فائر کیے، جن میں سے 61 کو مار گرایا گیا، 16 ڈرون اور 6 میزائل 8 مختلف مقامات پر ہدف تک پہنچے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسعودی عرب میں ایک ہفتے کے دوران 22ہزار سے زائدغیرقانونی تارکین گرفتار،سعودی وزارت داخلہ سعودی عرب میں ایک ہفتے کے دوران 22ہزار سے زائدغیرقانونی تارکین گرفتار،سعودی وزارت داخلہ سندھ حکومت نے بجلی صارفین کو مفت سولر سسٹم دینے کا فیصلہ کر لیا بنوں کی سینٹرل جیل کے قیدی دل دراز خان نے میٹرک امتحان میں تیسری پوزیشن حاصل کر لی شوگر مافیا کا تعلق حکمران طبقے سے ہے، اسی لئے کوئی روکنے والا نہیں،بیرسٹر سیف سی ایس ایس امتحانات 2026 کے شیڈول کا اعلان احتجاج سے متعلق تیاریاں مکمل ، عمران خان کی رہائی ایک گھنٹے میں ہوسکتی ہے لیکن وہ ڈیل نہیں کرینگے، اسد قیصرCopyright © 2025, All Rights Reserved
رابطہ کریں ہمارے بارے ہماری ٹیم
معیشت کی ڈیجیٹائز یشن سے شفافیت آئے گی ‘ پلان پر موثرعمل کیلئے صوبوں سے مشاورت کی جائے : وزیراعظم