’میں 3 بڑی بیماریوں سے لڑ رہا ہوں‘، بالی ووڈ اداکار سلمان خان کے انکشافات
اشاعت کی تاریخ: 23rd, June 2025 GMT
بالی ووڈ کے معروف اداکار سلمان خان حال ہی میں دی گریٹ انڈین کپل شو کے نئے سیزن کے پہلے مہمان کے طور پر اسکرین پر واپس آئے۔ اگرچہ ان کی صحت سے متعلق حالیہ افواہیں گردش کر رہی تھیں، تاہم شو میں شرکت کے دوران وہ جسمانی طور پر توانا نظر آئے۔ اس کے باوجود، انہوں نے میزبان کپل شرما سے گفتگو کرتے ہوئے انکشاف کیا کہ وہ متعدد سنگین طبی مسائل کا سامنا کر رہے ہیں۔
سلمان خان نے پروگرام میں مزید بتایا کہ وہ برین انیورزم، اے وی اسی طرح اے وی مالفارمیشن اور ٹریجیمینل نیورالجیا جیسے بیماریوں سے لڑ رہے ہیں۔
#SalmanKhan casually reveals he has brain aneurysm, AV malformation:
‘Iske bawajood kaam kar rahe hain’ pic.
— Sanatan Mahto ???? (@sanatanmahto01) June 22, 2025
سلمان خان نے شادی سے متعلق سوال کے جواب میں ہلکے پھلکے انداز میں کہا کہ شادی کے بعد اگر شریک حیات آدھی دولت لے جائے تو اُن کی عمر میں دوبارہ زندگی ازسرِنو شروع کرنا ممکن نہیں۔
انہوں نے اپنی بات کو بڑھاتے ہوئے کہ کہ ایک طرف زندگی میں یہ مسائل ہیں اور دوسری طرف اگر کسی دن بیوی کا موڈ خراب ہوگیا تو آدھا مال لے کر چلی جائے گی۔ اگر یہ سب جوانی میں ہوتا تو ٹھیک تھا، دوبارہ کما لیتے مگر اب دوبارہ سے سب کچھ شروع کرنا مشکل ہے۔
یہ بھی پڑھیں: سلمان خان کی وضع قطع میں تبدیلی، مداح حیران رہ گئے
واضح رہے کہ سلمان خان نے پہلی بار 2017 میں دبئی میں فلم ٹیوب لائٹ کی تشہیر کے دوران اپنی بیماری ٹریجیمینل نیورالجیا کا انکشاف کیا تھا۔ یہ ایک انتہائی تکلیف دہ مرض ہے جو چہرے کی نس کو متاثر کرتا ہے اور عام سرگرمیوں جیسے دانت صاف کرنا یا چبانا شدید درد کا باعث بن سکتا ہے۔ اسی وجہ سے اسے خودکشی کی بیماری بھی کہا جاتا ہے۔
حالیہ شو کے دوران سلمان نے مزید بتایا کہ انہیں برین انیورزم اور اے وی مالفارمیشن جیسی پیچیدہ طبّی بیماریاں بھی لاحق ہیں۔ برین انیورزم ایک دماغی شریان کی کمزور دیوار پر بننے والا اُبھار ہوتا ہے جو پھٹنے کی صورت میں جان لیوا فالج کا سبب بن سکتا ہے۔
ان تمام چیلنجز کے باوجود سلمان خان کا کہنا تھا کہ وہ مسلسل کام کر رہے ہیں اور زندگی کی جدوجہد جاری رکھے ہوئے ہیں، جو ان کے جذبے اور عزم کا مظہر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بالی ووڈ دی گریٹ کپل شرما شو سلمان خان سلمان خان بیماری سلمان خان فلمیں کپل شرما شوذریعہ: WE News
کلیدی لفظ: بالی ووڈ سلمان خان فلمیں کپل شرما شو
پڑھیں:
اداکار نبیل ظفر بھی مہنگائی اور بجلی کے بلوں سے پریشان
کراچی(شوبز ڈیسک) پاکستان کے معروف اداکار، ہدایتکار، اور پروڈیوسر نبیل ظفر نے ملک میں بڑھتی ہوئی مہنگائی اور بجلی کے بلوں کے حوالے سے اپنی تشویش کا اظہار کیا ہے۔ نبیل ظفر کا کہنا ہے کہ مہنگائی اس قدر بڑھ گئی ہے کہ اب وہ ناقابلِ برداشت ہوچکی ہے اور بجلی کے بل کو دیکھ کر کسی کو بھی ہارٹ اٹیک آسکتا ہے۔
نبیل ظفر حال ہی میں سنو ٹی وی کے پروگرام ’سنو تو سہی‘ میں شریک ہوئے جہاں انہوں نے اپنے ذاتی تجربات اور ملکی مسائل پر کھل کر گفتگو کی۔ ایک سوال کے جواب میں نبیل ظفر نے بتایا کہ وہ اپنے والدین کی کمی کو اپنی زندگی میں شدت سے محسوس کرتے ہیں۔ ان کا کہنا تھا کہ ان کے والد کا انتقال ان کی جوانی کے دوران ہو گیا تھا اور اس کے بعد ان کی والدہ کے ساتھ ان کا رشتہ مزید گہرا ہو گیا تھا۔
انہوں نے کہا کہ یہ دونوں رشتے انسان کی زندگی کا ایک بہت اہم حصہ ہوتے ہیں اور ان کی قدر انسان اس وقت تک نہیں کرتا جب تک وہ زندگی سے رخصت نہ ہو جائیں۔ نبیل ظفر نے افسوس کا اظہار کیا کہ والد کے انتقال کے بعد ہی انہیں یہ سمجھ آیا کہ والدین کی وفات کے بعد انسان کو کیا احساسات اور مشکلات کا سامنا کرنا پڑتا ہے۔ وہ یاد کرتے ہوئے کہتے ہیں کہ جب تک ان کے والد زندہ تھے، وہ جب بھی کسی کے والد یا والدہ کی وفات کی خبر سنتے، تو دل سے یہی کہتے کہ ’بہت دکھ ہوا‘، لیکن جب یہ بات خود ان کے ساتھ پیش آئی تو ان الفاظ کا درد اور گہرائی محسوس ہوئی۔
نبیل ظفر نے ملک میں بڑھتی ہوئی مہنگائی کے اثرات پر بھی تبصرہ کیا۔ انہوں نے کہا کہ آج کل کے حالات میں وہ اکثر اپنے چھوٹے بھائی سے یہ مذاق کرتے ہیں کہ ان کے اندر شاید ان کے والد کی روح آ گئی ہے۔ جب وہ گھر میں کسی اضافی لائٹ یا پنکھے کو کھلا دیکھتے ہیں، تو فوراً یہی کہتے ہیں کہ ’او بھائی، اسے بند کرو، بل بہت آئے گا‘۔
اداکار نے کہا کہ بڑھتے ہوئے بجلی کے بلوں کی وجہ سے انہیں شدید پریشانی کا سامنا ہے اور کئی بار تو ایسا محسوس ہوتا ہے کہ کسی کو بھی ان بلوں کو دیکھ کر دل کا دورہ پڑ سکتا ہے۔ ان حالات سے بچنے کے لیے انہوں نے اپنے گھر میں سولر سسٹم نصب کروا لیا ہے، تاہم ان کا کہنا ہے کہ کراچی میں کبھی کبھار بادلوں کی وجہ سے سولر پینل کی کارکردگی متاثر ہوتی ہے تو وہ دل ہی دل میں بادلوں سے یہ کہتے ہیں کہ ’یا تو برس پڑو یا کراچی سے چلے جاؤ، تمہاری وجہ سے ہمارا سولر کام نہیں کر رہا‘۔
اداکار نے آخر میں کہا کہ موجودہ حالات میں مہنگائی اور توانائی کے بحران نے لوگوں کی زندگیوں کو مشکل بنا دیا ہے، اور ان کے لیے ان مسائل کا حل نکالنا ضروری ہے تاکہ عوام کو مزید مشکلات کا سامنا نہ کرنا پڑے۔
Post Views: 3
امریکا اور جنوبی کوریا کے درمیان 350 ارب ڈالر کا تجارتی معاہدہ طے پا گیا