قطر پر ایرانی میزائل حملوں پر یو این چیف کو تشویش
اشاعت کی تاریخ: 24th, June 2025 GMT
اسلام آباد (اُردو پوائنٹ ۔ UN اردو۔ 24 جون 2025ء) ایران کی طرف سے قطر پر میزائل داغنے پر اقوام متحدہ کے سربراہ انتونیو گوتیرش نے تشویش کا اظہار کرتے ہوئے ان تمام فریقین کی مذمت کی ہے جو عسکری کارروائیوں سے مشرق وسطیٰ کے تنازعہ کو بڑھاوا دے رہے ہیں۔
اطلاعات کے مطابق ایران نے سوموار کو قطر میں قائم امریکی فوجی اڈے کو نشانہ بنایا جہاں 10,000 کے قریب اہلکار تعینات ہیں۔
کہا جا رہا ہے کہ ایران کی طرف سے 7 میزائل داغے گئے جن میں سے چھ کو فضاء میں ہی مار گرایا گیا۔(جاری ہے)
قطر پر ایرانی میزائل حملوں میں کسی کے ہلاک یا زخمی ہونے کی اطلاع سامنے نہیں آئی۔
اپنے ترجمان کے ذریعے جاری کیے گئے بیان میں سیکرٹری جنرل کا کہنا ہے کہ وہ مشرق وسطیٰ میں تنازعات کے مزید بڑھنے سے سخت پریشان ہیں۔
سکریٹری جنرل نے بارہا اس تنازعہ میں کسی طرح کی بھی شدت لانے والی کارروائیوں کی مذمت کی ہے، جس میں قطر پر ایران کا حملہ بھی شامل ہے۔ انہوں نے تمام فریقین سے فوری طور پر لڑائی بند کرنے کا کہا ہے۔
سیکرٹری جنرل نے تمام رکن ممالک پر زور دیا ہے کہ وہ اقوام متحدہ کے چارٹر اور بین الاقوامی قوانین کے دیگر قواعد کے تحت اپنی ذمہ داریاں نبھائیں۔
.ذریعہ: UrduPoint
کلیدی لفظ: تلاش کیجئے
پڑھیں:
ایران کی اسرائیل کے وسطی، شمالی اور جنوبی علاقوں پر پھر میزائل حملوں کی بارش
ایران نے 23 جون بروز منگل کی صبح ایک بار پھر اسرائیل پر میزائل برسا دیے، جس کے نتیجے میں اسرائیل کے وسطی، جنوبی اور شمالی علاقوں میں مسلسل سائرن بج رہے ہیں۔ اسرائیلی حکام لوگوں کو پناہ گاہوں میں چھپنے کو کہہ رہے ہیں۔
قبل ازیں آج صبح سویرے اسرائیلی فوج نے ایران کے مختلف علاقوں میں واقع 6 ایئر پورٹس پر فضائی حملوں کا دعویٰ کیا تھا جبکہ ایرانی میڈیا کے مطابق ایران نے جدید ترین اسرائیلی جاسوس ڈرون مار گرایا ہے۔
ایران کے 6 ایئرپورٹس پر اسرائیلی حملہاسرائیلی فوج نے دعویٰ کیا ہے کہ اس نے ایران کے مغربی، مشرقی اور وسطی علاقوں میں واقع 6 ایئر پورٹس پر فضائی حملے کیے ہیں۔
یہ اعلان اسرائیلی فوج کی عبرانی زبان میں ایکس (سابقہ ٹوئٹر) پر جاری کردہ ایک بیان میں کیا گیا، جس کے ساتھ ایک تصویر بھی منسلک تھی جس میں مہرآباد، مشہد، اور دزفول کے ایئر پورٹس کو ہدف بنائے گئے مقامات کے طور پر ظاہر کیا گیا ہے۔
اسرائیلی دعویٰ کے مطابق حملے ریموٹ کنٹرول ڈرونز کے ذریعے کیے گئے۔ ان حملوں میں 15 ایرانی طیارے اور ہیلی کاپٹر تباہ کیے گئے۔
رن ویز، زیرِ زمین بنکرز، ایک ایندھن بھرنے والا طیارہ، اور F-14، F-5، AH-1 جیسے جنگی جہاز کو نشانہ بنایا گیا۔
اسرائیلی فوج کے دعوے میں کہا گیا ہے کہ فضائیہ نے ان ہوائی اڈوں سے پرواز کی صلاحیت اور ایرانی فوج کی فضائی طاقت کی آپریشنل حیثیت کو متاثر کیا ہے۔
ایران نے جدید ترین اسرائیلی جاسوس ڈرون مار گرایادوسری طرف ایرانی میڈیا نے ایک ویڈیو جاری کی ہے جس میں اسرائیلی ڈرون ہرمس 900 کا ملبہ دکھایا گیا ہے، جسے آج ایرانی افواج نے مار گرایا۔
تفصیلات کے مطابق، اسلامی انقلابی گارڈ کور نے صوبہ لورستان کے شہر خرم آباد میں کارروائی کے دوران اس ڈرون کو نشانہ بنایا۔ ایرانی نیوز آؤٹ لیٹ لورستان نیوز نے ٹیلیگرام پر ایک پوسٹ میں تصدیق کی کہ یہ کارروائی آج صبح انجام دی گئی۔
واضح رہے کہ ہرمس 900 ایک جدید ترین اسرائیلی جاسوس ڈرون ہے، جو طویل فاصلے تک پرواز اور نگرانی کی صلاحیت رکھتا ہے۔ ایرانی حکام کے مطابق، یہ ڈرون ممکنہ طور پر ایران کی فضائی حدود کی خلاف ورزی کر رہا تھا۔
ویڈیو میں ڈرون کے جلے ہوئے ٹکڑے، اس کے پرزے، اور تباہ شدہ الیکٹرانک نظام واضح طور پر دکھائی دیتے ہیں، جو IRGC کے اہلکاروں کے زیرِ قبضہ ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل ایران جنگ
ہم نے مسلم دنیا کو جوڑا، اب دنیا کو امن کی طرف لانا ہے، بیرسٹر عقیل ملک