پاکستان اسٹاک مارکیٹ میں زبردست تیزی؛ انڈیکس میں 950 پوائنٹس کا اضافہ
اشاعت کی تاریخ: 25th, June 2025 GMT
کراچی:
پاکستان اسٹاک مارکیٹ میں آج زبردست تیزی کا رجحان ہے، جس کے سبب انڈیکس میں 950 پوائنٹس کا اضافہ ریکارڈ ہوا۔
کاروباری ہفتے کے تیسرے دن بازارِ حصص میں مارکیٹ کا آغاز ہوتے ہی زبردست رجحان دیکھنے میں آیا، جہاں ابتدائی طور پر 100 پوائنٹس اضافے کے ساتھ مارکیٹ نے کاروبار کا آغاز کیا اور کے ایس ای 100 انڈیکس ایک لاکھ 22 ہزار 346 پوائنٹس کی سطح پر پہنچ گیا۔
بعدازاں سرمایہ کاروں کی جانب سے بڑھتے ہوئے اعتماد اور مثبت معاشی توقعات کے باعث مارکیٹ میں تیزی کا سلسلہ جاری رہا اور انڈیکس میں 358 پوائنٹس کا اضافہ ہوا، جس سے 100 انڈیکس ایک لاکھ 22 ہزار 604 پوائنٹس کی سطح پر آ گیا۔
کاروبار کے دوران مارکیٹ میں مزید بہتری دیکھی گئی اور مجموعی طور پر 950 پوائنٹس کی شاندار تیزی ریکارڈ کی گئی، جس کے بعد 100 انڈیکس ایک لاکھ 23 ہزار 196 پوائنٹس کی سطح پر پہنچ گیا، جو حالیہ دنوں میں سرمایہ کاری کے ماحول میں مثبت پیش رفت کا اشارہ ہے۔
مارکیٹ میں حالیہ تیزی کو ماہرین اقتصادی پالیسیوں میں استحکام سے جوڑ رہے ہیں، جس سے سرمایہ کاروں کا اعتماد بحال ہوتا دکھائی دے رہا ہے۔
.
ذریعہ
ذریعہ: Express News
کلیدی لفظ: مارکیٹ میں پوائنٹس کی
پڑھیں:
ایران-امریکا مجوزہ معاہدہ، عالمی مارکیٹ میں تیل کی قیمت میں کمی
ایران کی جانب سے امریکا کے ساتھ مجوزہ معاہدے پر نظرثانی کی رپورٹس کے بعد عالمی مارکیٹ میں تیل کی قیمت گر گئی ہے۔
غیرملکی خبرایجنسی نے بتایا کہ ایران کی جانب سے امریکی مجوزہ معاہدے کا جائزہ لینے کی ایرانی میڈیا کی رپورٹس کے بعد عالمی مارکیٹ میں تیل کی قیمتیں کم ہوگئی ہیں جو پہلے سیشن میں بلند ہوگئی تھیں۔
عالمی مارکیٹ میں برینٹ خام تیل کی قیمت 0.69 ڈالر یا 0.7 فیصد کمی کے ساتھ 94.29 ڈالر فی بیرل اور ویسٹ ٹیکساس کی قیمت 0.82 ڈالر یا 0.9 فیصد کمی کے بعد 91.34 ڈالر فی بیرل کی سطح پر آگئی ہے۔
گزشتہ کے اواخر میں امریکا اور ایران کے درمیان امن معاہدے کی امیدوں کی توقعات پر تیل کی قیمت 16 فیصد سے زیادہ کمی آئی تھی لیکن گزشتہ روز برینٹ اور ویسٹ ٹیکساس کی قیمتوں میں بالترتیب 3 اور 5 فیصد اضافہ ہوگیا تھا۔
امریکی صدر ڈونلڈ ٹرمپ نے بیان میں کہا تھا کہ ایران کے ساتھ مذاکرات جاری ہیں اور اگلے ہفتے کے بعد جنگ بندی میں توسیع اور آبنائے ہرمز کی بحالی کے لیے معاہدہ ہوسکتا ہے۔
ایرانی میڈیا نے رپورٹ کیا کہ عارضی امریکا تجاویز پر تاحال ایران کی جانب سے کوئی جواب نہیں دیا گیا ہے تاہم جائزہ لیا جا رہا ہے۔
امریکا اور ایران کے درمیان مذاکرات میں پیش رفت کی رپورٹس کے باوجود آبنائے ہرمز سے تیل کی سپلائی بدستور محدود ہے اور ماہرین نے تیل کے سرمایہ کاروں کے لیے یہ خطرناک قرار دیا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ