ایرانی حملے: پہلی بار تباہ حال تل ابیب کا دورہ، امریکی صحافی نے ویڈیو جاری کردی
اشاعت کی تاریخ: 25th, June 2025 GMT
تل ابیب (اوصاف نیوز)امریکی بمباری کے بعد ایران کی جانب سے اسرائیل کے معاشی حب تل ابیب پر کیے جانے والے حملے کے نتیجے میں ہونے والا نقصان اب سامنے آرہا ہے۔
صحافیوں کو پہلی بار تل ابیب میں ایرانی حملے سے تباہ ہونے والے ایک علاقے کا دورہ کرنے کی اجازت دی گئی۔ اسی کے پیشِ نظر امریکی صحافی نِک رابرٹ سن نے یہ ویڈیو ریلیز کی جس میں اسرائیل میں ہونے والی تباہی دیکھی جاسکتی ہے۔
واضح رہے کہ اتوار 22 جون کی علی الصبح امریکا نے ایران کی فردو، نطنز اور اصفہان جوہری سائٹس کو نشانہ بنایا جس سے متعلق ٹرمپ نے سوشل میڈیا سائٹ ٹرتھ سوشل پر بیان جاری کیا جس میں دعویٰ کیا گیا کہ ان تینوں جوہری سائٹس کو تباہ کردیا گیا ہے۔
ایرانی حکام کا کہنا ہے کہ امریکی حملے سے قبل ہی جوہری تنصیات کو خالی کرالیا گیا تھا۔
بعدازاں ایران نے اسرائیلی شہر تل ابیب پر حملے کیے جس کا اسرائیلی میڈیا نے اعتراف کرتے ہوئے کہا کہ 10 مقامات پر ایرانی میزائل حملوں سے نقصانات ہوئے ہیں۔
Iran’s response following US strikes – first reporter taken in pic.
— Nic Robertson (@NicRobertsonCNN) June 22, 2025
خیال رہے کہ منگل کی علی الصبح امریکی صدر ڈونلڈ ٹرمپ کی جانب سے ایران اور اسرائیل کے درمیان جنگ بندی کا اعلان کیا گیا جس کی تصدیق صدر ٹرمپ اور اسرائیلی وزیراعظم نے بھی کی۔
“آخر یہ سب ہنگامہ کس بات کا ہے؟”:امریکی نائب صدر وینس اورٹرمپ جونیئر کے درمیان نوک جھونک
ذریعہ: Daily Ausaf
کلیدی لفظ: تل ابیب
پڑھیں:
غزہ: تباہ حال ہسپتال زخمیوں کا علاج معالجہ کرنے میں مشکلات کا شکار
اسلام آباد (اُردو پوائنٹ ۔ UN اردو۔ 07 اگست 2025ء) غزہ بھر میں خوراک کی شدید قلت برقرار ہے جبکہ طبی کارکنوں نے خبردار کیا ہے کہ روزانہ بڑی تعداد میں زخمیوں کی آمد کے باعث ہسپتالوں پر بوجھ میں اضافہ ہو گیا ہے اور صحت کی خدمات بند ہونے کو ہیں۔
اقوام متحدہ کے اداروں نے گلن بارے سنڈروم (جی بی ایس) نامی بیماری سے دو بچوں سمیت تین اموات کی تصدیق کی ہے۔
یہ مرض لاحق ہونے کی صورت میں عضلات اچانک کمزور پڑ جاتے ہیں اور متاثرہ فرد جسمانی طور پر مفلوج ہو سکتا ہے۔ Tweet URLغزہ میں جنگ شروع ہونے سے قبل ہر سال اس بیماری کے چند ہی مریض سامنے آتے تھے۔
(جاری ہے)
طبی حکام نے بتایا ہے کہ 7 اکتوبر 2023 کے بعد 64 افراد میں اس بیماری کی تشخیص ہو چکی ہے۔ اس مرض میں مبتلا اور شدید زخمی لوگوں کے علاج معالجے کی خصوصی سہولیات پر بوجھ غیرمعمولی طور سے بڑھ گیا ہے۔عالمی ادارہ صحت (ڈبلیو ایچ او) کے مطابق، 'جی بی ایس' کے 30 فیصد مریضوں کو انتہائی نگہداشت درکار ہوتی ہے لیکن غزہ میں ابتدائی سطح پر اس کے علاج کے لیے درکار ادویات بھی موجود نہیں ہیں۔
گلن بارے سنڈروم کیا ہے؟یہ ایک عصبی بیماری ہے جو اعصابی نظام کو متاثر کر کے عضلات کو مفلوج کر دیتی ہے۔ یہ وبائی مرض نہیں اور عام طور پر جسمانی زخم یا جراثیموں سے پھیلتا ہے جو فرد کے مدافعتی نظام کو متاثر کرتے ہیں۔
اس بیماری کے زیادہ تر مریض چند ہفتوں میں صحت یاب ہو جاتے ہیں۔ تاہم 'ڈبلیو ایچ او' نے واضح کیا ہے کہ بہترین طبی سہولیات کی موجودگی میں بھی پانچ فیصد مریضوں کے موت کا شکار ہونے کا خدشہ رہتا ہے۔
غزہ میں جنگ شروع ہونے کے بعد متعدی بیماریوں کی کئی وبائیں پھیل چکی ہیں جن میں پولیو، ہیضہ، ہیپا ٹائٹس اے اور خارش شامل ہیں۔
ناکافی امداداقوام متحدہ کے عالمی پروگرام برائے خوراک (ڈبلیو ایف پی) نے غزہ میں بڑے پیمانے پر امداد کی فراہمی کے مطالبے کو دہراتے ہوئے کہا ہے کہ اسرائیلی حکام کی جانب سے نہایت معمولی مقدار میں امداد بھیجنے کی اجازت دی جا رہی ہے۔
ادارے کی ایگزیکٹو ڈائریکٹر سنڈی مکین نے کہا ہے کہ فضا سے گرائی جانے والی امداد سے قحط جیسے حالات پر قابو نہیں پایا جا سکتا۔ غزہ میں پانچ لاکھ افراد فاقوں کا شکار ہیں اور زمینی راستے سے بڑی مقدار میں امداد بھیجنا ہی ان کی مدد کا واحد طریقہ ہے جس پر عملدرآمد کے لیے مزید انتظار کا وقت نہیں رہا۔
امدادی امور کے لیے اقوام متحدہ کے رابطہ دفتر (اوچا) نے طبی شراکت داروں کا حوالہ دیتے ہوئے کہا ہے کہ جنگی کارروائیوں میں اور امداد کی تلاش میں نکلے لوگوں پر حملوں میں روزانہ بڑے پیمانے پر شہریوں کے ہلاک و زخمی ہونے کے اوسطاً آٹھ واقعات پیش آ رہے ہیں۔
طبی سامان کی قلتگزشتہ مہینے وسطی غزہ کے علاقے دیرالبلح میں 'ڈبلیو ایچ او' کے طبی گودام کی تباہی سے لوگوں کو صحت کی سہولیات فراہم کرنے کا کام بری طرح متاثر ہو رہا ہے۔
علاقے میں جراثیم کش ادویات کی قلت ہو گئی ہے جس کے باعث گردن توڑ بخار کے مریضوں کی تعداد حالیہ جنگ کے عرصہ میں بلند ترین سطح پر پہنچ گئی ہے۔ اس بیماری کے مشتبہ مریضوں کو محفوظ طور سے سنبھالنے کے لیے نصر میڈیکل کمپلیکس اور الاقصیٰ ہسپتال میں علیحدہ خیمے لگا دیے گئے ہیں۔
'اوچا' کے مطابق، غزہ کے ہسپتالوں میں علاج کے لیے آنے والے مریضوں میں 83 فیصد تعداد بموں اور گرنیڈ کے حملوں میں زخمی ہونے والوں کی ہے۔
کوئٹہ سریاب میں 2 کمسن بچیوں کی بوری بند لاشیں برآمد، شہر میں خوف و ہراس پھیل گیا