ماسکو ایئرپورٹ پر وحشی اسرائیلی آبادکار کا کمسن ایرانی بچے پر "قاتلانہ حملہ"
اشاعت کی تاریخ: 25th, June 2025 GMT
ماسکو کے شیرمیٹیوو بین الاقوامی ہوائی اڈے پر سی سی ٹی وی کیمروں کے ذریعے حاصل کی گئی دل دہلا دینے والی فوٹیج میں دیکھا جا سکتا ہے کہ بیلاروس کیساتھ تعلق رکھنے والے غاصب اسرائیلی آبادکار نے 18 ماہ کے کمسن ایرانی بچے کو قتل کر ڈالنے کی نیت سے اٹھا کر زمین پر دے پٹخا ہے! اسلام ٹائمز۔ روسی دارالحکومت ماسکو کے بین الاقوامی ہوائی اڈے پر 18 ماہ کے ایرانی بچے کو بے دردی کے ساتھ زمین پر پٹخ دینے والے غاصب اسرائیلی عفریت کی شناخت بیلاروس سے تعلق رکھنے والے 31 سالہ ولادیمیر وٹکوف کے نام سے ہوئی ہے۔ ایرانی خبررساں ایجنسی فارس نیوز کے مطابق اس اسرائیلی یہودی کو حملے کے فوراً بعد گرفتار کر لیا گیا ہے۔
بچوں کے قاتل صیہونی آبادکار کے اس وحشیانہ تشدد کا نشانہ بننے والا کمسن بچہ، ایران کے خلاف اسرائیلی جارحیت کے آغاز کے بعد اپنی حاملہ ماں کے ساتھ روس پہنچا تھا جبکہ اس حملے کے باعث اس کی کھوپڑی میں شدید فریکچر اور ریڑھ کی ہڈی میں شدید چوٹیں آئی ہیں جو اس وقت کوما کی حالت میں اپنی زندگی کی جنگ لڑ رہا ہے۔
ماسکو ریجن میں بچوں کے امور کی کمشنر کیسنیا مشونووا نے اس حملے کی شدید مذمت کرتے ہوئے وٹکوف کو "عفریت" قرار دیا اور اس امید کا اظہار کیا ہے کہ اسے کڑی سے کڑی سزا دی جائے گی۔ ادھر ٹائمز آف انڈیا نے بھی لکھا ہے کہ وٹکوف پر فی الحال "اقدام قتل" کے الزام میں مقدمہ چلایا جا رہا ہے جبکہ روسی حکام اس بات کی تحقیقات بھی کر رہے ہیں کہ کیا یہ حملہ "نسل پرستی" کی بنیاد پر کیا گیا تھا یا اس کے دیگر عوامل ہیں۔
-
ذریعہ: Islam Times
پڑھیں:
وسیع تر امن معاہدے کے لیے امریکا اور ایران براہ راست بات کر رہے ہیں، اسٹیو وٹکوف
امریکی صدر ڈونلڈ ٹرمپ کے خصوصی ایلچی اسٹیو وٹکوف کا کہنا ہے کہ امریکا اور ایران کے درمیان ایک جامع امن معاہدے کے لیے ابتدائی بات چیت جاری ہے۔
یہ بھی پڑھیں:مشرق وسطیٰ کشیدگی: امریکا اور ایران کے درمیان خفیہ مذاکرات کا انکشاف
اسرائیلی میڈیا کے مطابق ان کا کہنا تھا کہ حالیہ امریکی اور اسرائیلی حملوں نے ایران کے جوہری پروگرام کو کئی سال پیچھے دھکیل دیا ہے۔
وٹکوف نے کہا کہ ہم صرف جنگ بندی پر بات نہیں کر رہے، بلکہ ایک وسیع تر امن معاہدے کی راہ پر گامزن ہیں۔
انہوں نے کہا کہ امریکا اور ایران براہِ راست اور بالواسطہ دونوں طریقوں سے بات چیت کر رہے ہیں، اور ابتدائی علامات ’حوصلہ افزا‘ ہیں۔
انہوں نے مزید بتایا کہ اسرائیلی حملوں کے بعد ایران کی جوہری تنصیبات کو جو نقصان پہنچا ہے، اس نے ایران کی ممکنہ جوہری صلاحیت کو مؤخر کر دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹیو وٹکوف اسرائیل امریکا امن معاہدہ ایران
امریکا: اسٹوڈنٹس ویزا پر عائد پابندی اٹھا لی گئی