پاکستانی سکیورٹی فورسز کی کامیاب کارروائیاں، را کے 10 ایجنٹس گرفتار
اشاعت کی تاریخ: 25th, June 2025 GMT
پاکستانی سکیورٹی اداروں نے سندھ اور پنجاب سے بھارتی خفیہ ایجنسی را کے 10 ایجنٹوں کو گرفتار کرلیا، تحقیقات کے مطابق ملزمان ریلوے اسٹیشن، مساجد اور اہم تنصیبات پر حملوں کی تیاری کررہے تھے۔ ایس ایس پی اسپیشل انویسٹی گیشن یونٹ کراچی شعیب میمن نے بتایا کہ گرفتار ملزمان کا تعلق سجاول سے ہے، ملزمان بھارتی کرنل رنجیت کے ساتھ رابطے میں تھے۔ ایڈیشنل آئی جی پنجاب شہزاد سلطان کا کہنا ہے کہ بھارتی ایجنٹوں کو بہاولپور اور بہاولنگر سے حراست میں لیا گیا، ملزمان سے موبائل فونز اور بھارتی آفیسرز کی آڈیوز بھی پکڑی گئیں۔
ایس ایس پی اسپیشل انویسٹی گیشن یونٹ شعیب میمن نے کراچی میں پریس کانفرنس کرتے ہوئے بتایا کہ حساس ادارے اور ایس آئی یو نے مشترکہ کارروائی کرتے ہوئے بھارتی خفیہ ایجنسی را کے 4 ایجنٹوں کو گرفتار کرلیا ہے۔
انہوں نے کہا کہ ملزمان کے قبضے سے دھماکہ خیز مواد بھی ملا ہے، چاروں ملزمان بھارتی خفیہ ایجنسی را کیلئے کام کرتے تھے، گرفتار ملزمان بھارتی فوج کے کرنل رنجیت کے ساتھ رابطے میں تھے۔
شعیب میمن نے بتایا کہ ملزمان کا کام حساس فوجی تنصیبات کی تصاویر، جیو ٹیگ لوکیشن دینا تھا، ملزمان کے فون میں سے بھارتی نمبرز اور پاکستانی حساس تنصیبات کی تصاویر ملی ہیں۔
ایس ایس پی ایس آئی یو کا کہنا ہے کہ ملزمان کے قبضے سے کار اور اسلحہ بھی برآمد کیا گیا ہے، چاروں ملزمان کا تعلق ضلع سجاول سے ہے۔
ایڈیشنل آئی جی پنجاب شہزادہ سلطان نے لاہور میں پریس کانفرنس کرتے ہوئے بتایا کہ سی ٹی ڈی پنجاب نے اہم آپریشن کیا، سی ٹی ڈی نے بھارتی خفیہ ایجنسی ’را‘ کے 6 سہولت کار گرفتار کئے، اس آپریشن کا نام ’’آپریشن یلغار‘‘ رکھا گیا۔
انہوں نے کہا کہ بہاولپور سے راء کے سہولت کار کو گرفتار کیا، بہاولنگر سے تعلق رکھنے والے 2 بھارتی جاسوس گرفتار کیے، سی ٹی ڈی کی تحقیقات کے مطابق ملزمان بہاولپور میں مسجد، ریلوے اسٹیشن پر حملوں کی تیاری کررہے تھے۔
شہزاد سلطان کا کہنا ہے کہ ملزمان سے 2 بھارتی آفیسرز کی آڈیوز بھی پکڑی گئیں، بھارتی خفیہ ایجنسی کے افسران پاکستان میں تخریب کاری کا منصوبہ بنارہے تھے، بھارتی میجر رویندرا نے سہولت کاروں کو بارڈر کے قریب بلا کر آئی ای ڈیز فراہم کیں، آئی ای ڈیز سے مسجد کو نشانہ بنایا جانا تھا۔
ایڈیشنل آئی جی پنجاب نے کہا کہ بھارتی ایجنسی ایجنٹوں کو کرپٹو کرنسی کے ذریعے فنڈنگ کرتی رہی، برانچ لیس بینکنگ کی مدد سے بھی فنڈنگ کی گئی، میجر رویندرا اور انسپکٹر سنگھ کے نام سے بھارتی آفیسرز کی شناخت ہوئی۔
شہزاد سلطان نے مزید بتایا کہ بطور ریاست اس معاملے کو عالمی سطح پر اٹھائیں گے، میانوالی اور ڈی جی خان پر ہونیوالے حملوں کو افغانستان سے فنڈ کیا جارہا ہے۔
پولیس افسران نے کہا کہ بھارتی خفیہ ایجنسی ٹی ٹی پی کو فنڈنگ کرکے میانوالی اور ڈی جی خان میں دہشتگردی میں ملوث ہے، پنجاب سے پکڑے جانے والے نیٹ ورک کا کراچی سے پکڑے جانے والے نیٹ ورک سے کوئی لنک سامنے نہیں آیا، بھارتی خفیہ ایجنسی را کے پکڑے جانیوالے تمام ایجنٹس پاکستانی شہری ہیں۔
Post Views: 2.
ذریعہ
ذریعہ: Daily Mumtaz
کلیدی لفظ: بھارتی خفیہ ایجنسی ایجنٹوں کو کہ ملزمان نے کہا کہ بھارتی ا بتایا کہ
پڑھیں:
کراچی، شہر کے مختلف علاقوں میں پولیس مقابلے، 6 زخمیوں سمیت 9 ڈاکو گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران 6 زخمیوں سمیت 9 ڈاکوؤں کو گرفتار کر لیا۔
کارروائیوں کے دوران ملزمان کے قبضے سے اسلحہ، چھینے گئے موبائل فونز، نقد رقم اور موٹر سائیکلیں بھی برآمد کر لی گئیں۔
پولیس کے مطابق شاہ لطیف تھانے کی حدود میں بھینس کالونی کے قریب ایک نجی یونیورسٹی کے سامنے مبینہ پولیس مقابلے کے بعد ایک ڈاکو کو زخمی حالت میں گرفتار کیا گیا۔
زخمی ملزم کو جناح اسپتال منتقل کیا گیا جہاں اس کی شناخت جاوید عرف راول کے نام سے ہوئی۔
پولیس کا کہنا ہے کہ گرفتار ملزم اسٹریٹ کرائمز، ڈکیتی اور دیگر سنگین جرائم کی متعدد وارداتوں میں مطلوب تھا اور ماضی میں 15 سے زائد مقدمات میں گرفتار ہو کر جیل جا چکا ہے۔ ملزم کے قبضے سے اسلحہ، چھینے گئے موبائل فونز اور نقد رقم بھی برآمد ہوئی۔
دوسری کارروائی اقبال مارکیٹ تھانے کی حدود اورنگی ٹاؤن سیکٹر ساڑھے گیارہ میں کی گئی جہاں مبینہ مقابلے کے بعد دو ڈاکوؤں کو گرفتار کر لیا گیا۔
زخمی ملزم سہیل کو عباسی شہید اسپتال منتقل کیا گیا جبکہ اس کے ساتھی اکرم کو تھانے منتقل کر دیا گیا۔
مزید پڑھیںکراچی، پولیس اور ایس آئی یو کے ڈاکوؤں کے ساتھ مقابلے، 1 ڈاکو ہلاک، 3 زخمی حالت میں گرفتار
پولیس نے ملزمان کے قبضے سے اسلحہ، موبائل فون، نقد رقم اور موٹر سائیکل برآمد کرنے کا دعویٰ کیا ہے۔
ادھر بہادرآباد تھانے کی حدود میں کنگری ہاؤس کے قریب مبینہ پولیس مقابلے کے دوران دو ڈاکو گرفتار کیے گئے جن میں ایک زخمی ملزم جان شیر بھی شامل ہے۔
زخمی ملزم کو جناح اسپتال منتقل کیا گیا۔ پولیس کے مطابق گرفتار ملزمان سے اسلحہ، موبائل فونز، نقد رقم اور موٹر سائیکل برآمد کی گئی۔
ایک اور کارروائی فیروز آباد پولیس اور شاہین فورس نے جیل چورنگی کے قریب مشترکہ طور پر کی جہاں مبینہ مقابلے کے بعد دو ڈاکو زخمی حالت میں گرفتار کر لیے گئے۔
پولیس کا کہنا ہے کہ ملزمان کے قبضے سے اسلحہ، موبائل فونز، نقد رقم اور موٹر سائیکل برآمد ہوئی ہے۔
پولیس حکام کے مطابق گرفتار ملزمان کے خلاف مقدمات درج کر کے تفتیش کا آغاز کر دیا گیا ہے جبکہ ان کے دیگر ساتھیوں اور جرائم پیشہ نیٹ ورک سے متعلق بھی تحقیقات جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ