ملازمین پر تشدد آمریت کی بدترین مثال ہے، بلوچستان بار کونسل
اشاعت کی تاریخ: 25th, June 2025 GMT
اپنے بیان میں بلوچستان بار کونسل کے رہنماؤں نے کہا کہ ملازمین پر تشدد اور خواتین ملازمین کو زخمی کرنا اور گرفتاریاں بدترین آمریت ہے۔ حکومت ملازمین کے مسائل کو گفت و شنید سے حل کرے۔ اسلام ٹائمز۔ بلوچستان بار کونسل کے وائس چیئرمین راحب خان بلیدی ایڈووکیٹ اور چیئرمین ایگزیکٹو کمیٹی امان اللہ کاکڑ نے اپنے ایک مشترکہ بیان میں کوئٹہ پولیس کی جانب سے ملازمین گرینڈ الائنس کی پرامن ریلی اور احتجاج پر آنسو گیس شیلنگ اور لاٹھی چارج کرکے متعدد ملازمین کی گرفتاری پر تشویش کا اظہار کرتے ہوئے مطالبہ کیا ہے کہ حکومت ملازمین کے مسائل کو گفت و شنید سے حل کرے۔ ملازمین پر تشدد اور خواتین ملازمین کو زخمی کرنے اور گرفتاریاں بدترین آمریت ہے۔ انہوں نے کہا کہ ملازمین کا اپنے مطالبات کے حق میں پرامن ریلی کو پولیس نے بزور طاقت کچلنے کی کوشش کی۔ بیان میں کہا گیا موجودہ صوبائی حکومت عوام، ملازمین کے مسائل حل کرنے میں مکمل طور پر ناکام ہو چکی ہے۔ بیڈ گورننس، کرپشن، اقرباء پروری کے خلاف جدوجہد کرنے والوں کے خلاف طاقت کا استعمال کیا گیا۔ بیان میں کہا گیا کہ بلوچستان کے عوام کو جمہوری جدوجہد سے دور کرنے کیلئے ایک سازش کی جا رہی ہے، تاکہ بلوچستان کے عوام جمہوری جدوجہد سے دور رہیں۔ انہوں نے کہا کہ موجودہ صوبائی حکومت جمہوریت کے نام پر بدترین آمریت کی ایک زندہ مثال ہے۔ جنہوں نے ہر جمہوری پرامن جدوجہد کرنے والوں کو پابند سلاسل کیا۔ بیان میں کہا گیا کہ حکومت فوری طور پر تمام گرفتار ملازمین کو رہا اور ملازمین کے تمام جائز مطالبات کو تسلیم کرے۔
.ذریعہ: Islam Times
کلیدی لفظ: ملازمین کے
پڑھیں:
بلاول ہائوس پرملازمین دھرنے کی حمایت کرتے ہیں‘کاشف شیخ
data-id="863a0a8" data-element_type="widget" data-widget_type="theme-post-content.default">
250924-08-9
کراچی(اسٹاف رپورٹر)امیر جماعت اسلامی سندھ کاشف سعید شیخ نے سندھ ایمپلائز الائنس کی جانب سے سرکاری ملازمین کی پینشن رولز کے ظالمانہ قانون کے خاتمے اور ملازمین کو دوران ملازمت گروپ انشورنس و بینول فنڈ، ڈسپنسری الاؤنس کے جائز مطالبات کی مکمل حمایت کرتے ہوئے، 23 تا 27 ستمبر پورے سندھ میں مکمل تالہ بندی اور الائنس کی جانب سے 6 اکتوبر کو بلاول ہاؤس پر دھرنے کی مکمل حمایت کا اعلان کرتے ہوئے کہاہے کہ پیپلز پارٹی سندھ کے ہاری ،کسان و مزدور طبقے کے بعد اب ملازمت پیشہ لوگوں کو دیوار سے لگانا چاہتی ہے، پیپلزپارٹی کی حکومت کا آئی ،ایم ،ایف کے زیر سایہ معاشی پالیسی بنانا اور سندھ کے سرکاری ملازمین پر نافذ کرنا ان کی غلامانہ ذہنیت کی عکاسی ہے۔ صوبائی امیر نے حکومت سندھ سے مطالبہ کیا ہے کہ وہ ملازمین کی نمائندہ تنظیموں سے مذاکرات کر کے ملازمین کے مطالبات تسلیم کرے ورنہ پورے سندھ میں شدید احتجاج کیا جائے گا ، انہوں نے کہا کہ جماعت اسلامی سندھ ملازمین کو یقین دلاتی ہے کہ وہ اس مشکل وقت میں ملازمین کے شانہ بشانہ کھڑی ہے۔
ایف بی آر کا دولت کی نمائش کرنے والے نان فائلرز کیخلاف کارروائی کا فیصلہ