ایشین ڈبلز اسکواش چیمپین شپ فائنل، پاکستان اور بھارت جمعرات کو مدِ مقابل ہونگے
اشاعت کی تاریخ: 25th, June 2025 GMT
ایشین ڈبلز اسکواش چیمپین شپ کا فائنل جمعرات کو روائیتی حریفوں پاکستان اور بھارت کے درمیان کھیلا جائے گا۔
ملائشیا میں جاری دوسری ایشین ڈبلز اسکواش چیمپین شپ میں اپنے اعزاز کا دفاع کرنے والی بھارتی ٹیم ٹاپ سیڈ اور پاکستان سیکنڈ سیڈڈہیں۔بھارتی ٹیم ابھے سنگھ اورویلاوان سنتھیل کمار پر مشتمل ہے۔
قبل ازیں پاکستانی جوڑی عالمی انڈر23 نور زمان اور سابق قومی چیمپین ناصر اقبال نے شاندار کارکردگی کا تسلسل جاری رکھتے ہوئے سیمی فائنل میں میزبان ملائشیا کو سخت مقابلے کے بعد 1-2 سے مات دی۔
ملائشیا کے شفیق کمال اور ڈنکن لی پر مشتمل پیئر نے پہلا گیم سخت جدوجہد کے بعد 10-11 سے جیتا۔تاہم، فاتح جوڑی نے کھیل میں واپس آکر اگلے دونوں گیمز 9-11 اور 9-11 سے جیت کر فائنل میں جگہ بنالی اور سلور میڈل یقینی بنا لیا۔
پاکستان نے کوارٹر فائنل میں کوریا کو 1-2 سے مات دی تھی۔پول بی میں پاکستان نے فلپائن اور کوریا کو شکست دینے کے بعد چائنیز تائپے کو بھی0-2 سے ہرا کر ناقابل شکست رہتے ہوئے گروپ چیمپین کی حیثیت سے کوارٹر فائنل میں جگہ بنائی تھی۔
فہیم گل پاکستان ٹیم کے کوچ اور عامر نواز مینیجر کی ذمہ داری ادا کر رہے ہیں۔
.ذریعہ: Express News
کلیدی لفظ: فائنل میں
پڑھیں:
عبدالصمد کی جارحانہ اننگز، پاکستان کی سیمی فائنل میں انٹری
ہانگ کانگ سپر سکسز میں پاکستان نے جنوبی افریقا کو شکست دے کر سیمی فائنل میں جگہ بنالی۔پاکستان نے ٹاس جیت کر جنوبی افریقا کو پہلے بیٹنگ کرنے کی دعوت دی تو جنوبی افریقا نے مقررہ 6 اوورز میں 3 وکٹوں کے نقصان پر 102 رنز بنائے۔پاکستان نے 103 رنز کا ہدف عبدالصمد کی 10 گیندوں پر ناقابل شکست 50 رنز کی اننگز کی بدولت 3.5 اوورز میں ایک وکٹ کے نقصان پر حاصل کرلیا۔عبدالصمد نے اپنی جارحانہ اننگز میں 8 چھکے لگائے، خواجہ نافع 36 رنز بناکر آؤٹ ہوئے جبکہ کپتان عباس آفریدی 2 گیندوں پر 2 چھکے لگا کر ناٹ آؤٹ رہے۔
آپ جو انڈہ کھا رہے ہیں وہ اصلی ہے یا نقلی؟ فیکٹری میں بنے جعلی انڈوں کی ویڈیو وائرل