9 اور 10 محرم الحرام کو موٹرسائیکل کی ڈبل سواری پر پابندی عائد، دفعہ 144 نافذ
اشاعت کی تاریخ: 25th, June 2025 GMT
محکمہ داخلہ سندھ نے محرم الحرام کے دوران سیکیورٹی خدشات کے پیشِ نظر 9 اور 10 محرم الحرام کو صوبے بھر میں موٹر سائیکل کی ڈبل سواری پر پابندی عائد کر دی ہے۔ جبکہ یکم سے 10 محرم الحرام تک دفعہ 144 کا نفاذ بھی کردیا گیا ہے۔
اس سلسلے میں محکمہ داخلہ سندھ نے باضابطہ طور پر نوٹیفکیشن جاری کر دیا ہے۔ نوٹیفکیشن کے مطابق یہ پابندی صرف مخصوص ایام یعنی 5 اور 6 جولائی 2025 کو نافذ العمل ہوگی، تاہم اس سے 12 سال سے کم عمر بچوں، ضعیف افراد اور صحافیوں کو استثنیٰ حاصل ہوگا۔
یہ بھی پڑھیں یکم محرم الحرام اور یوم عاشور کب ہوگا؟ تاریخ سامنے آگئی
محکمہ داخلہ کے اعلامیے کے مطابق محرم الحرام کے دوران امن و امان کی فضا کو برقرار رکھنے کے لیے یکم تا 10 محرم صوبے بھر میں ہیلی کیم (ڈرون کیمروں) کے استعمال پر مکمل پابندی عائد رہے گی۔ جلوسوں اور مجالس کے دوران عمارتوں کی بالائی منزلوں پر کھڑے ہونے پر بھی پابندی ہوگی۔
اس کے ساتھ ساتھ نفرت انگیز تقاریر، اشتعال انگیز بینرز، لاؤڈ اسپیکر کے غلط استعمال اور وال چاکنگ پر بھی مکمل پابندی عائد کردی گئی ہے، خلاف ورزی کی صورت میں قانونی کارروائی عمل میں لائی جائے گی۔
دوسری جانب پاکستان کے قومی خلائی ادارے سپارکو نے محرم الحرام کے چاند کی متوقع تاریخ کے حوالے سے پیش گوئی کرتے ہوئے کہا ہے کہ نیا چاند 26 جون بروز جمعرات کو نظر آنے کا امکان ہے، جبکہ چاند کی پیدائش 25 جون کو سہ پہر 3 بج کر 32 منٹ پر ہو چکی ہوگی۔
سپارکو کے ترجمان کے مطابق 26 جون کو غروبِ آفتاب کے وقت چاند کی عمر 28 گھنٹے 15 منٹ ہو گی، جو رویت کے لیے موزوں عمر ہے۔ ملک کے ساحلی علاقوں میں چاند کے غروب اور سورج کے غروب کے درمیان 75 منٹ کا وقفہ دستیاب ہوگا، جو چاند کی رویت کے لیے سازگار صورتحال فراہم کرے گا۔
یہ بھی پڑھیں نئے اسلامی سال کے آغاز پر یکم محرم الحرام کو عام تعطیل کا اعلان
اگر چاند 26 جون کو نظر آجاتا ہے تو یکم محرم 27 جون کو ہوگا، جس کے مطابق یومِ عاشور 10 محرم 6 جولائی بروز اتوار کو منایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پابندی عائد محرم الحرام محکمہ داخلہ سندھ موٹرسائیکل ڈبل سواری وی نیوز.
ذریعہ
ذریعہ: WE News
کلیدی لفظ: پابندی عائد محرم الحرام محکمہ داخلہ سندھ موٹرسائیکل ڈبل سواری وی نیوز محرم الحرام محکمہ داخلہ پابندی عائد کے مطابق چاند کی کے لیے جون کو
پڑھیں:
مری میں بیچلرز کے داخلے پر پابندی؟ حقیقت سامنے آگئی
سوشل میڈیا پر یہ دعویٰ وائرل ہورہا تھا کہ پنجاب کے سیاحتی مقام مری میں 31 مئی تک غیر شادی شدہ مردوں (بیچلرز) کے داخلے پر سرکاری پابندی عائد کردی گئی ہے، تاہم فیکٹ چیک کے بعد یہ واضح ہوا ہے کہ یہ دعویٰ گمراہ کن ہے اور مکمل طور پر درست نہیں۔
فیس بک سمیت مختلف پلیٹ فارمز پر شیئر کی جانے والی پوسٹس میں کہا جا رہا تھا کہ عید سے قبل مری میں دفعہ 144 نافذ کرتے ہوئے بیچلرز کے داخلے پر پابندی لگا دی گئی ہے اور صرف فیملیز کو ہی شہر میں جانے کی اجازت ہوگی۔ ان دعوؤں میں یہ تاثر دیا گیا کہ مبینہ پابندی پورے مری شہر پر لاگو ہے۔
حقیقت اس کے برعکس ہے۔ حکام کے مطابق مری میں غیر شادی شدہ مردوں کے داخلے پر کوئی مکمل پابندی عائد نہیں کی گئی۔ صرف مخصوص ہدایت کے تحت مال روڈ پر ایک تبدیلی کی گئی ہے، جہاں اکیلے آنے والے مردوں یا بیچلرز گروپس کو داخلے کی اجازت نہیں ہوگی، جبکہ فیملیز بدستور وہاں جا سکتی ہیں۔
ضلع مری کے ایڈیشنل ڈپٹی کمشنر (جنرل) کامران صغیر کے مطابق 31 مئی تک دفعہ 144 نافذ تھی، جس کا اطلاق صرف مال روڈ تک محدود تھا۔ ان کے مطابق مری شہر میں بیچلرز کے داخلے پر کوئی پابندی نہیں، البتہ مال روڈ پر صرف فیملیز کو جانے کی اجازت دی گئی ہے تاکہ سیاحتی نظم و ضبط بہتر بنایا جا سکے۔
انہوں نے مزید وضاحت کی کہ ’’مال روڈ کے اوپر اکیلے مردوں کو اجازت نہیں، صرف فیملیز جا سکتی ہیں، پورا مری بند نہیں ہے، بیچلرز کی انٹری پر مکمل پابندی نہیں ہے۔‘‘
ڈپٹی کمشنر مری کے سرکاری فیس بک اکاؤنٹ سے بھی 20 مئی کو جاری نوٹیفکیشن شیئر کیا گیا تھا، جس میں کہا گیا تھا کہ پولیس کی سفارش پر مال روڈ پر صرف فیملیز کو داخلے کی اجازت دینے کا فیصلہ کیا گیا ہے تاکہ سیاحوں کو بہتر سہولت فراہم کی جا سکے۔
یہ دعویٰ کہ مری میں بیچلرز کے داخلے پر مکمل پابندی عائد ہے، غلط ثابت ہوا۔ حقیقت یہ ہے کہ پابندی صرف مال روڈ کے مخصوص حصے تک محدود ہے، جبکہ مری شہر بدستور تمام سیاحوں کے لیے کھلا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ