یوم عاشور کے موقع پر سندھ میں موٹر سائیکل کی ڈبل سواری پر پابندی ہوگی
اشاعت کی تاریخ: 25th, June 2025 GMT
سندھ حکومت نے محرم الحرام کے پیش نظر یکم سے 10 محرم تک دفعہ 144 نافذ کرتے ہوئے ڈبل سواری پر پابندی عائد کردی۔
تفصیلات کے مطابق محکمہ داخلہ سندھ نے یکم محرم سے دس محرم الحرام تک صوبے میں دفعہ 144 نافذ کرنے کا نوٹی فیکیشن جاری کردیا۔
دفعہ 144 کے تحت صوبے بھر میں اسلحہ لے کر چلنے کے اجازت نامے بھی معطل رہیں گے، اس کے علاوہ 9 اور 10 محرم الحرام کو موٹرسائیکل کی ڈبل سواری پر پابندی ہوگی۔
دفعہ 144 کے تحت صوبے میں ڈرون ہیلی کیم ،اور بغیر اجازت جلسوں اور ریلیوں پر بھی پابندی ہوگی۔
ذریعہ: Express News
پڑھیں:
پنجاب میں آئی ٹی گریجویٹس کیلیے تاریخی موقع:وزیراعلیٰ آئی ٹی انٹرن شپ پروگرام کا آغاز
data-id="863a0a8" data-element_type="widget" data-widget_type="theme-post-content.default">
لاہور: پنجاب حکومت نے صوبے کے نوجوان آئی ٹی گریجویٹس کو عالمی معیار کی تربیت اور عملی تجربہ فراہم کرنے کے لیے ’’چیف منسٹر آئی ٹی انٹرن شپ پروگرام‘‘ کا باقاعدہ آغاز کر دیا ہے، جسے صوبے میں ٹیکنالوجی کے شعبے میں انقلاب کی سمت ایک اہم قدم قرار دیا جا رہا ہے۔
پروگرام کے تحت صوبے بھر سے منتخب ہونے والے آئی ٹی اور کمپیوٹر سائنس گریجویٹس کو معروف آئی ٹی کمپنیوں اور سافٹ ویئر ہاؤسز میں انٹرن شپ کا موقع فراہم کیا جائے گا، جہاں وہ جدید ترین ٹیکنالوجی اور مارکیٹ کے مطابق سکلز میں تربیت حاصل کر سکیں گے۔
وزیراعلیٰ پنجاب مریم نواز شریف نے اس موقع پر اپنے پیغام میں کہا کہ پنجاب کو انفارمیشن ٹیکنالوجی کے میدان میں پاکستان کا سب سے مضبوط صوبہ بنانے کا عزم ان کا مقصد ہے۔
انہوں نے کہا کہ نواز شریف آئی ٹی سٹی ایک گیم چینجر منصوبہ ثابت ہوگا جو روزگار، تربیت اور جدت کے نئے دروازے کھولے گا۔ مریم نواز کا کہنا تھا کہ پنجاب کو آئی ٹی کا حقیقی حب بنا کر نوجوانوں کو عالمی مارکیٹ میں مسابقت کے قابل بنانا ان کی حکومت کی ترجیحات میں شامل ہے۔
پانچ ماہ کے اس پروگرام کے دوران ہر انٹرن کو 50 ہزار روپے ماہانہ اسکالرشپ دیا جائے گا تاکہ وہ اپنی انٹرن شپ کے دوران مالی مشکلات کے بغیر مکمل توجہ کے ساتھ تربیت حاصل کر سکیں۔ اس اقدام کو صوبے کے ہزاروں نوجوانوں کے لیے عملی میدان میں قدم رکھنے کا سنہری موقع قرار دیا جا رہا ہے۔
پروگرام کے تحت نوجوان نہ صرف معروف کمپنیوں میں عملی تجربہ حاصل کریں گے بلکہ آئی ٹی انڈسٹری کے ماہرین سے براہِ راست سیکھنے کا موقع بھی پائیں گے۔ تربیت مکمل کرنے والے انٹرنز کو مستقبل میں مستقل ملازمت کے مواقع بھی فراہم کیے جائیں گے، جس سے صوبے میں روزگار کے امکانات میں نمایاں اضافہ متوقع ہے۔
4 سالہ ڈگری مکمل کرنے والے پنجاب کے رہائشی گریجویٹس cmitinterns.punjab.gov.pk پر آن لائن درخواست جمع کرا سکتے ہیں۔ سرکاری ذرائع کے مطابق یہ پروگرام شفاف میرٹ پر چلایا جائے گا اور تمام امیدواروں کا انتخاب قابلیت اور اہلیت کی بنیاد پر ہوگا۔
امریکا کے 10 امیر ترین افراد کی دولت میں ایک سال میں 700 ارب ڈالر کا اضافہ، آکسفیم کا انکشاف