پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی

وفاقی کابینہ سے منظوری کے بعد 27ویں ترمیم سینٹ میں پیش، کمیٹی کے سپرد

اسلام آباد (اپنے سٹاف رپورٹر سے + خبر نگار + آئی این پی) وفاقی کابینہ نے 27ویں آئینی ترمیم کی منظوری دے دی۔ آذربائیجان میں موجود وزیراعظم شہباز شریف نے بذریعہ ویڈیو لنک وفاقی کابینہ کے اجلاس کی صدارت کی۔ وفاقی کابینہ کے اجلاس میں وزیر دفاع خواجہ آصف، مصدق ملک، رانا ثناء اللہ، ریاض حسین پیر زادہ، عون چوہدری، شذرہ منصب اور قیصر احمد شیخ‘ وزیر قانون اور اٹارنی جنرل منصور عثمان اعوان بھی کابینہ کے اجلاس میں شریک ہوئے۔ جبکہ وفاقی کابینہ کی منظوری کے بعد 27ویں آئینی ترمیم کا بل سینٹ میں پیش کر دیا گیا۔ چیئرمین سینٹ نے بل قائمہ کمیٹی قانون و انصاف کے سپرد کر دیا۔ اپوزیشن نے شور شرابہ کیا۔ سینٹ کا اجلاس چیئرمین یوسف رضا گیلانی کی زیر صدارت شروع ہوا جس میں وزیر قانون اعظم نذیر تارڑ نے 27 آئینی ترمیم کا بل پیش کیا۔ وفاقی وزیر قانون اعظم نذیر تارڑ نے ایوان سے خطاب کرتے ہوئے کہا ہے کہ معمول کی کارروائی معطل کر کے بل پیش کر لیتے ہیں جس پر چیئرمین سینٹ نے معمول کی کارروائی معطل کر دی۔ سینیٹر اعظم نذیر تارڑ نے 27 ویں آئینی ترمیم کا بل پیش کرتے ہوئے کہا ہے کہ بل پارلیمنٹ کی مشترکہ کمیٹی کو پیش کر دیتے ہیں، کمیٹی اپنا کام کرے گی، ہمیں کوئی جلدی نہیں ہے، مشترکہ کمیٹی میں قومی اسمبلی اور سینٹ کے ارکان بیٹھتے ہیں، بل کمیٹی کو جائے گا، کمیٹی میں دیگر ارکان کو بھی مدعو کریں گے جو کمیٹی کے رکن نہیں ہیں، بل پر ووٹ ابھی نہیں ہو گا۔ اپوزیشن سے بحث کا آغاز کریں گے۔ کمیٹی کے اجلاس میں شریک ہوں، بل قائمہ کمیٹی برائے قانون و انصاف کے سپرد کر دیتا ہوں۔ وزیر قانون اعظم نذیر تارڑ نے اپوزیشن کے شور شرابہ پر کہا کہ جس طرح کا رویہ اختیار کیا جا رہا ہے وہ ٹھیک نہیں، ہم شام تک بیٹھے ہیں آپ اپنی بات کہیں، اپوزیشن سے بحث کا آغاز کریں گے، ہم چْپ کر کے سنیں اور یہ ایسے بولتے رہیں یہ نہیں چلے گا۔ سینیٹر علی ظفر نے کہا کہ قائد حزب اختلاف کی سیٹ خالی ہے، پورے ایوان پر مشتمل کمیٹی قائم کریں، ہمیں ابھی ڈرافٹ ملا ہے، ڈرافٹ نہیں پڑھا، اپوزیشن لیڈر کی تعیناتی تک بل پر بحث نہیں ہو سکتی۔ اپوزیشن کو دیوار سے نہ لگایا جائے۔ اعظم نذیر تارڑ نے کہا کہ تمام جماعتوں کی مشاورت کے بعد وفاقی آئینی عدالت کی تجویز لائے ہیں۔ مقدمات عدالت کا 40 فیصد وقت لے جاتے ہیں، 26 ویں ترمی پر جب مشاورت ہوئی تو دوستوں نے کہا اتنی بڑی تبدیلی کی طرف نہ جائیں، 26ویں ترمیم کے وقت دوستوں نے کہا آئینی بنچز بنا کر معاملات حل کریں۔ وہ بل دو تہائی اکثریت سے پاس ہوا اور آئینی بنچ بن گئے۔ 100 فیصد اتفاق رائے تک مشاورت جاری رہیگی۔ آرمی چیف کی معرکہ حق کے دوران خدمات پر انہیں فیلڈ مارشل کے اعزاز سے نوازا۔ آرمی چیف کے عہدے کا ٹائم فریم ہوتا، فیلڈ مارشل اعزاز ہے اس کا ٹائم فریم نہیں، آرمی چیف ہی چیف آف ڈیفنس فورسز ہوں گے۔ فیلڈ مارشل کا عہدہ پوری دنیا میں تاحیات ہے۔ اس ٹائٹل کو آئینی تحفظ دینا ہے، اس ٹائٹل کو واپس لینے کا اختیار وزیراعظم نہیں پارلیمنٹ کے پاس ہو گا، موجودہ چیئرمین جوائنٹ چیفس آف سٹاف کمیٹی کی مدت ختم ہونے کے بعد یہ عہدہ ختم ہو گا۔ 27 نومبر کو چیئرمین جوائنٹ چیفس آف سٹاف کمیٹی کا عہدہ ختم ہو جائیگا۔ آرمی چیف کو چیف آف ڈیفنس فورسز کی ذمہ داریاں سونپنی ہیں۔ سٹریٹجک معاملات پر بہت احتیاط سے بات کرنی چاہیے، شخصیات کیلئے نہیں ملک کیلئے ترامیم کی جاتی ہیں۔ سو موٹو کا اختیار ہم نے ختم کیا ہے، تاکہ پھر کوئی چیف جسٹس آ کر ہسپتالوں کے چکر نہ لگائے، کسی کو پھانسی پہ نہ لٹکائے، دن پھرتے رہتے ہیں۔ بعد ازاں سینٹ نے آئینی ترمیم کا مجوزہ بل مشترکہ کمیٹی کو بھیج دیا۔ سینٹ قائمہ کمیٹی برائے قانون و انصاف، قومی اسمبلی کی قائمہ کمیٹی کے ارکان کو بھی دعوت دی جائے گی، مشترکہ کمیٹی کی صدارت دونوں قائمہ کمیٹیوں کے چیئرمین مشترکہ طور پر ہی کریں گے۔ سینٹ اجلاس میں نائب وزیراعظم اسحاق ڈار نے کہا کہ قائمہ کمیٹی میں مفصل بحث کی جا سکے گی۔ قائد حزب اختلاف کی تقرری چیئرمین سینٹ کا اختیار ہے۔ بعد ازاں سینٹ اور قومی اسمبلی کی مشترکہ قانون و انصاف کمیٹی کا اجلاس طلب کر لیا گیا۔ قومی اسمبلی قائمہ کمیٹی قانون و انصاف کے چیئرمین محمود بشیر ورک ہیں جب کہ سینٹ قائمہ کمیٹی کے سربراہ فاروق ایچ نائیک ہیں۔ قبل ازیں 27 ویں آئینی ترمیم کا مسودہ سامنے آ گیا جس کے مطابق آرمی چیف کے لیے چیف آف ڈیفنس فورسز کا عہدہ دینے کی تجویز ہے جبکہ سپریم کورٹ سے آئینی اختیارات واپس لیکر وفاقی آئینی عدالت کے سپرد کیے جائیں گے۔ 27 آئینی ترمیم میں آئین کے آرٹیکل 42 اور 59 میں ترمیم کی جا رہی ہے، اس کے علاوہ آئین کے آرٹیکل 63 اے کی کلاز 5 میں لفظ سپریم کو فیڈرل کانسٹیٹیوشنل میں تبدیل کیا جا رہا ہے۔ 27 ویں ترمیم کے تحت‘ وفاقی آئینی عدالت’ کے قیام کی تجویز ہے، وفاقی آئینی عدالت، آئین کی تشریح اور آئینی تنازعات کے فیصلے کرے گی۔ مسودے میں کہا گیا ہے کہ سپریم کورٹ سے آئینی اختیارات واپس لے کر وفاقی آئینی عدالت کو دئیے جائیں گے، آئین کا آرٹیکل 184 ختم کر دیا جائے گا۔ ازخود نوٹس کا اختیار ختم ہو گا۔ آئینی مقدمات اب سپریم کورٹ نہیں، وفاقی آئینی عدالت سنے گی، سپریم کورٹ صرف اپیلوں اور عمومی مقدمات کی عدالت رہے گی۔ مجوزہ مسودے کے مطابق وفاقی آئینی عدالت میں چیف جسٹس اور چاروں صوبوں سے برابر نمائندگی ہو گی۔ وفاقی آئینی عدالت کے چیف جسٹس کی مدت 3 سال مقرر ہو گی، چیف جسٹس آف پاکستان کے عہدے کی حیثیت محدود ہو جائے گی۔ مسودہ میں سپریم کورٹ اور آئینی عدالت کے درمیان اختیارات کی تقسیم کی تجویز کی گئی ہے۔ آئینی عدالت کے فیصلے ملک کی تمام عدالتوں پر لازم ہوں گے۔ 27 ویں آئینی ترمیم کے مسودے میں فوجی ڈھانچے میں بڑی تبدیلی تجویز کی گئی ہے، چیئرمین جوائنٹ چیفس آف سٹاف کمیٹی کا عہدہ ختم کر کے آرمی چیف کو ‘‘چیف آف ڈیفنس فورسز’’ کا عہدہ دینے کی تجویز ہے۔ آئینی ترمیم کے تحت فیلڈ مارشل اور دیگر اعلیٰ فوجی عہدوں کو تاحیات درجہ حاصل ہو گا۔ 27 ویں ترمیم کے ذریعے ججوں کی تقرری کا طریقہ کار بھی بدلا جائے گا، جوڈیشل کمیشن میں وفاقی آئینی عدالت اور سپریم کورٹ کے چیف جسٹس دونوں شامل ہوں گے۔ تقرری میں وزیرِاعظم اور صدر کو کلیدی کردار حاصل ہوگا، پارلیمنٹ کو آئینی عدالت کے ججوں کی تعداد طے کرنے کا اختیار ملے گا۔ وفاقی وزیر قانون نے کہا ہے کہ27 ویں آئینی ترمیم کے تحت ججز ٹرانسفر پر ایگزیکٹو کے اختیارات میں کمی کی گئی ہے جب کہ فیلڈ مارشل کا اعزاز تاحیات ہو گا۔ وزیر قانون اعظم نذیر تارڑ نے کہا کہ 27 آئینی ترمیم میں مارشل آف ائیرفورس اور مارشل آف نیول فورس کے ٹائٹل متعارف کرانے کی تجویز ہے اور یہ ٹائٹل دینے کا اختیار وزیراعظم کا نہیں ہوگا بلکہ پارلیمنٹ کا ہوگا۔ فیلڈ مارشل کے رینک اور ٹائٹل کو آئینی تحفظ حاصل ہوگا اور یہ ٹائٹل واپس لینے کا اختیار بھی پارلیمان کا ہوگا۔ تجویز ہے کہ آرمی چیف، چیف آف ڈیفنس فورسز ہوں گے۔ فیلڈ مارشل ایک ٹائٹل ہے، رینک ہے جبکہ آرمی چیف ایک آئینی عہدہ ہے جس کی مدت 5 سال ہے۔ آرمی چیف، چیف آف ڈیفنس فورسز ہوں گے، آرمی چیف کو چیف آف ڈیفنس فورسز کی ذمہ داری سونپنی ہے۔ تمام جماعتوں سے ترمیم کا ڈرافٹ شیئر کر رکھا ہے۔ وفاقی کابینہ کے اجلاس میں وزیر قانون اعظم نذیر تارڑ نے 27 ویں ترمیم پر کابینہ کو بریفنگ دی۔ اٹارنی جنرل منصور عثمان اعوان بھی اجلاس کو بریفنگ دی۔ اجلاس میں پیپلز پارٹی کی تجاویز کا بھی جائزہ لیا گیا۔ قبل ازیں ذرائع نے کہا کہ اجلاس میں تین ترامیم کی منظوری دی جائے گی، ترامیم میں آئینی کورٹ بنانے، ججز کی ٹرانسفر اور آرٹیکل 243 میں تبدیلی ہوگی۔ 27ویں ترمیم میں آئین کی مختلف شقوں میں کل 46 ترامیم کی جائیں گی۔ آئینی عدالت کا جج بننے سے انکار کرنیوالا جج ریٹائرڈ تصور ہو گا۔ ذرائع کے مطابق آرمی، ایئرفورس اور نیوی کے بعد اب چوتھی فورس’’ آرمی راکٹ فورس‘‘ (اے آر ایف سی) ہو گی، چیف آف آرمی سٹاف ’’کمانڈر آف ڈیفنس فورسز بھی کہلائیں گے، تمام کوآرڈینیشن چیف آف آرمی سٹاف خود بلحاظ کمانڈر آف ڈیفنس فورسز کیا کریں گے۔ ذرائع کا کہنا ہے کہ راکٹ فورس میں سٹرٹیجک پلان ڈویژن ( ایس پی ڈی) بھی شامل ہے، ایس پی ڈی پہلے چیئرمین جوائنٹ آف سٹاف کے ماتحت کام کرتی تھی، اب چیئرمین جوائنٹ آف سٹاف کا عہدہ ختم ہو جائے گا اور اس کی جگہ اب کمانڈر آف ڈیفنس فورسز آجائے گی۔ 27ویں ترمیم پر مشاورت کے لیے بنائی گئی قانون انصاف کی مشترکہ پارلیمانی قائمہ کمیٹی کا ان کیمرا اجلاس ہوا جس میں جے یو آئی واک آؤٹ کرگئی۔ جے یو آئی کی رکن قومی اسمبلی عالیہ کامران نے کہا کہ ہمارے آرٹیکل 243 پر تحفظات ہیں۔ اس آرٹیکل میں ترمیم کی مخالفت کریں گے۔ ہمیں کہا گیا کہ آج مسودے کو پاس نہیں کریں گے، ہمارے کہنے پر جو کچھ چھبیسویں ترمیم میں سے نکالا گیا تھا ان کو ستائیسویں ترمیم میں شامل کر دیا گیا۔ ججز والے معاملے پر بھی ہمارے تحفظات ہیں، پگڑی کس کی بھاری ہو گی، آئینی عدالت کے جج کی یا سپریم کورٹ کے جج کی؟ عالیہ کامران نے کہا کہ ایڈوائزرز کی تعداد بڑھائی جارہی ہے۔ ایک غریب ملک میں ایڈوائزرز کی تعداد بڑھانا عوام کا کون سا فائدہ ہے؟ بعد ازاں جے یو آئی اجلاس سے واک آؤٹ کر گئی۔ جے یو آئی (ف) اب مشاورت کر کے بتائے گی کہ کل وہ اس اجلاس میں شرکت کرے گی یا نہیں۔ صدر مملکت کے بعد وزیراعظم کو بھی فوجداری مقدمات سے استثنیٰ کی ترمیم کمیٹی میں پیش کر دی گئی۔ ذرائع کے مطابق ترمیم حکومتی ارکان سینیٹر انوشہ رحمان اور سینیٹر ظاہر خلیل ساندھو نے مشترکہ قائمہ کمیٹی میں پیش کی۔ ترمیم کے تحت آئین کے آرٹیکل 248 میں صدر کے ساتھ لفظ وزیر اعظم بھی شامل کر لیا جائے گا۔ ترمیم کی منظوری کے بعد وزیر اعظم کے خلاف بھی دوران مدت فوجداری مقدمات میں کارروائی نہیں ہو سکے گی۔ ممکنہ 27 ویں آئینی ترمیم کے مسودہ کے مطابق آرمی چیف کے لیے چیف آف ڈیفنس فورسز کا عہدہ دینے کی تجویز ہے جبکہ سپریم کورٹ سے آئینی اختیارات واپس لیکر وفاقی آئینی عدالت کے سپرد کیے جائیں گے۔ اس کے علاوہ آئین کے آرٹیکل 63 اے کی کلاز 5 میں لفظ سپریم کو فیڈرل کانسٹیٹیوشنل میں تبدیل کیا جا رہا ہے۔ 27 ویں ترمیم کے تحت ‘وفاقی آئینی عدالت’ کے قیام کی تجویز ہے، وفاقی آئینی عدالت، آئین کی تشریح اور آئینی تنازعات کے فیصلے کرے گی۔ قانون و انصاف کی مشترکہ پارلیمانی کمیٹی کے چیئرمین فاروق نائیک نے کہا ہے کہ 27 ویں آئینی ترمیم کے 80 فیصد نکات پر مشاورت مکمل ہو چکی ہے۔ 20 فیصد معاملات کو آج مکمل کر لیا جائے گا۔ وزیراعظم محمد شہباز شریف نے اجلاس میں کابینہ ارکان کا خیر مقدم کیا اور اتحادی جماعتوں کا بھی شکریہ ادا کیا۔ کابینہ کی منظوری کے بعد وزیرِ اعظم کی ہدایت پر وزیرِ قانون و انصاف نے میڈیا کو ترمیم کے خدوخال پر بریفنگ دی، وزیراعظم محمد شہباز شریف نے کہا کہ وفاق کے صوبوں کے ساتھ رشتے کی مضبوطی اور ملک کے وسیع تر مفاد میں 27ویں آئینی ترمیم کیلئے سب نے مل کر کوشش کی جس کیلئے وزارت قانون و انصاف، اٹارنی جنرل اور ان کی ٹیم لائق تحسین ہے۔27 ویں آئینی ترمیم پر اپنے قائد میاں محمد نواز شریف کو اعتماد میں لیا اور ان سے اس پر رہنمائی حاصل کی جس پر ان کا تہہ دل سے مشکور ہوں۔ صدر مملکت آصف علی زرداری‘بلاول بھٹو، ڈاکٹر خالد مقبول صدیقی، عبدالعلیم خان، خالد حسین مگسی اور چوہدری سالک حسین‘ ایمل ولی، اعجاز الحق اور دیگر سیاسی رہنمائوں سے بھی مشاورت کی اور انہیں آئینی ترمیم کے حوالے سے اعتماد میں لیا۔ ان کا شکریہ، اللہ کے فضل و کرم سے ملک میں سیاسی و معاشی استحکام کی بدولت ملک کی سمت درست ہوئی ہے، ملکی ترقی و خوشحالی کیلئے سب کو مل کر کام کرنا ہے۔ مرکزی ترجمان جمعیت علما ء اسلام ف اسلم غوری نے کہا ہے کہ لاء اینڈ جسٹس کمیٹی سے جے یو آئی ممبر کو نکالنا بدترین آمریت ہے‘ کامران مرتضی کا نام کمیٹی سے صرف اختلاف کے اندیشے کی بنیاد پر نکالا گیا ہے پہلی کمیٹی کے نوٹیفیکیشن میں سینٹر کامران مرتضی کا نام تھا۔ کمیٹی پارلیمنٹ کی پراپرٹی ہے، حکومت اسے ن لیگ کی جاگیر نہ سمجھے جمہوریت کے نام پر آمریت کو پروان چڑھایا جا رہا ہے پورے جمہوری نظام کو لپیٹنے کی کوشش کی جا رہی ہے ۔سینٹ اور قومی اسمبلی کی قائمہ کمیٹی برائے قانون و انصاف کا مشترکہ اجلاس ہوا جس میں آئین (ستائیسویں ترمیم) بل 2025ء پر غور کیا گیا۔ کارروائی کے دوران ارکان نے بل پر سیر حاصل گفتگو کی تاہم سینیٹر کامران مرتضیٰ اور رکن قومی اسمبلی عالیہ کامران نے اتفاق رائے کے عمل کے دوران اپنی پارٹی کو آن بورڈ نہ لینے پر تشویش کا اظہار کرتے ہوئے سینیٹر کامران مرتضیٰ نے اجلاس سے واک آؤٹ کیا تاہم عالیہ کامران نے میٹنگ میں شرکت کی۔ کمیٹی کا اجلاس آج دن ساڑھے گیارہ بجے پھر طلب کرلیا ہے۔
اسلام آباد (عترت جعفری) سینٹ میں موجود مجوزہ آئینی ترامیم کے بل کے تحت وفاقی آئینی عدالت کے چیف جسٹس کے منصب کی معیاد تین سال ہوگی، آرٹیکل 184 کو آئین سے حذف کر دیا جائے گا، اس کے تحت جو اختیارات سپریم کورٹ کے پاس تھے وہ وفاقی آئینی عدالت کو منتقل کر دیئے گئے ہیں۔ آرٹیکل 186 کو بھی آئین سے حذف کر دیا گیا ہے، یہ اختیار اب وفاقی آئینی عدالت کو دیا گیا ہے جو صدر کی طرف سے بھیجے گئے ریفرنس پر رائے دے گی، آرٹیکل 202 اے میں بھی ایک ترمیم کی گئی ہے جس کے تحت ہائی کورٹ کا کوئی بھی بنچ سوائے آئینی بنچ کے، آرٹیکل 199 کے تحت اختیار سماعت کو استعمال نہیں کرے گا، سپریم جوڈیشل کونسل کے حوالے سے آئین کے آرٹیکل 209 میں بھی ترمیم کی گئی ہے اور اس میں چیف جسٹس فیڈرل سینٹ عدالت اور اس کے سینئر موسٹ جج کو سپریم جوڈیشل کونسل کا رکن بنایا گیا ہے۔ آئین کے آرٹیکل 243 میں جو ترامیم تجویز کی گئی ہیں ان کے مطابق صدر پاکستان وزیراعظم کی ایڈوائس پر چیف آف آرمی سٹاف (چیف آف ڈیفنس فورسز) کا تقرر کریں گے۔ وزیراعظم کی ایڈوائس پر صدر مملکت چیف آف نیول سٹاف اور چیف آف ایئر سٹاف کا بھی تقرر کریں گے، وہ صدر کی ایڈوائس پر مذکورہ بالا مناصب کی تنخواہیں الائونسز کا بھی تعین کریں گے، اس آرٹیکل کی کلاس فور کے بعد سات نئی شقیں شامل کی گئی ہیں۔ نئی شامل کی جانے والی کلاس 5کے تحت چیئرمین جوائنٹ چیف آف سٹاف کمیٹی کا منصب 27 نومبر ختم ہو جائے گا۔ نئی کلاز چھ کے تحت وزیراعظم چیف آف آرمی سٹاف/چیف آف ڈیفنس فورسز کی سفارش پر نیشنل سٹریٹیجک کمانڈ کے کمانڈر کا تقرر کریں گے اور یہ تقرر ی پاکستان آرمی کے ارکان میں سے ہوگی، کلاز سیون کے مطابق جب بھی وفاقی حکومت مسلح افواج میں فیلڈ مارشل مارشل آف ایئر فورس اور ایڈمرل آف فلیٹ کا رینک دیا جائے گا تو ایسے افسر اس رینک اور اس رینک کے ساتھ ملنے والی تمام مراعات کو زندگی کی بھر استعمال کر سکتا ہے اور یونیفارم پہن سکے گا۔ فیلڈ مارشل، مارشل آف ایئر فورس اور ایڈمرل آف فلیٹ کو قومی ہیرو کے طور پر ان کے منصب سے الگ نہیں کیا جائے گا سوائے اس بنیاد یا ان الزامات کے جن کا ذکر آرٹیکل 47 میں کیا گیا ہے۔ نئی شامل ہونے والی کلاز 9 کے تحت فیلڈ مارشل، مارشل ایئر فورس اور ایڈمرل آف فلیٹ کو صدر مملکت کی طرح کا تحفظ دے دیا گیا ہے، جب بھی فیلڈ مارشل یا مارشل آف ایئر فورس اور ایڈمرل آف فلیٹ اپنی معیاد کو مکمل کریں گے تو وفاقی حکومت ان کی آئندہ ذمہ داریوں اور فرائض کا تعین کر دے گی۔ آئینی ترمیم کے تحت آرٹیکل 59 میں ایک وضاحت شامل کی گئی ہے جس کے مطابق سینٹ کے رکن کو جس معیاد کے لیے ممبر سینٹ منتخب کیا گیا تھا، ممبر اس معیاد کو مکمل کرے گا۔ معیاد مارچ کی 11 تاریخ کو مکمل ہوگی، آرٹیکل 68 میں ایک ترمیم کی گئی ہے جس کے تحت سپریم کورٹ یا ہائی کورٹ کے جج کے کنڈکٹ پر مجلس شوریٰ میں بحث نہیں ہو سکتی ہے اب اس میں فیڈرل آئینی کورٹ کے الفاظ کا اضافہ کیا گیا ہے۔ فیڈرل آئینی عدالت کے اخراجات فیڈرل کنسولیڈیٹڈ فنڈ سے پورے کیے جائیں گے۔ آرٹیکل 93 میں ایک ترمیم شامل کی گئی ہے جس کے تحت وزیراعظم اور وزرائے اعلیٰ کو پانچ کی بجائے سات مشیر مقرر کرنے کا اختیار دیا گیا ہے۔ آرٹیکل 100 میں کی جانے والی ترمیم کے تحت اٹارنی جنرل وہی شخص مقرر ہو سکے گا جو سپریم کورٹ یا فیڈرل آئینی عدالت میں جج بننے کا اہل ہو، آئین کے آرٹیکل 130میں ترمیم تجویز کی گئی ہے جس کے تحت صوبائی کابینہ کے تعداد 15 سے بڑھا کر 17 کر دی گئی ہے یا تعداد اسمبلی کی کل تعداد کے 13 فیصد کے مساوی ہوگی، اس وقت یہ حجم 11 فیصد ہے، پانچ کی بجائے سات صوبائی مشیر مقرر کیے جا سکیں گے، وفاقی آئینی اور عدالت کے قیام کے لیے آئین کی آرٹیکل 175 میں ترمیم کی گئی ہے، اب اسلام آباد میں سپریم کورٹ آف پاکستان اسلام آباد ہائی کورٹ کے ساتھ ساتھ ایک وفاقی آئینی عدالت بھی موجود ہوگی، آرٹیکل 175 اے میں متعدد ترامیم کی گئی ہیں جن کے تحت فیڈرل آئینی کورٹ کے قیام اور اس کی ہیت اور تعیناتی کے عمل کو واضح کیا گیا ہے، آئینی عدالت میں تقرریاں جوڈیشل کمیشن کرے گا۔ آئین میں ایک نئے باب کا اضافہ کیا گیا ہے۔ آئین کے پارٹ سات کے چیپٹر ون کے بعد چیپٹر ون اے بڑھایا گیا ہے، یہ فیڈرل آئینی عدالت کے متعلق ہے، 175 بی کے تحت وفاقی آئینی عدالت کا سربراہ چیف جسٹس ہوگا، اس کے ججز کی تعداد کا تعین ایکٹ آف پارلیمنٹ کے ذریعے ہو گا، تاہم جب تک پارلیمنٹ وہ ایکٹ منظور نہیں کرتی یہ تعداد صدر پاکستان فکس کریں گے، عدالت میں تمام صوبوں سے مساوی تعداد میں ججز ہوں گے، آئین میں شامل کیے جانے والے آرٹیکل 175 سی کے تحت صدر پاکستان فیڈرل آئینی عدالت میں جج کا تقررکریں گے، عدالت کا جج بننے کے لیے پاکستانی شہری ہونا ضروری ہوگا۔ جج بننے والا سپریم کورٹ آف پاکستان کا جج رہ چکا ہو یا اس نے کم از کم ہائی کورٹ کی سطح پر سات سال جج کی حیثیت سے کام کیا ہو یا ہائی کورٹ کی سطح پر کم از کم 20 سال تک وکالت کی پریکٹس کی ہو اور وہ ایڈووکیٹ سپریم کورٹ آف پاکستان ہو، فیڈرل ای کورٹ کا چیف جسٹس کا حلف صدر پاکستان لیں گے، وفاقی یا صوبائی حکومتوں کے درمیان کسی تنازعہ کی سماعت کا اختیار فیڈرل آئین عدالت کے پاس ہو گا۔ آئینی عدالت کے روبرو بنیادی حقوق کے بارے میں امور زیر غور آ سکیں گے تاہم یہ اختیار اس وقت استعمال کیا جا سکے گا، اگر کوئی فرد عدالت کے سامنے مناسب درخواست دائر کرے، اس طرح کے جتنے بھی امور اس وقت سپریم کورٹ میں یا آئینی بینچز کے روبرو زیر سماعت ہیں وہ ترمیم کی منظوری کے بعد آئین عدالت کو منتقل ہو جائیں گے، صدر مملکت کو یہ اختیار دیا گیا ہے کہ وہ کسی بھی معاملے پر رائے کے لیے معاملہ فیڈرل آئینی عدالت کو بھیج سکیں گے۔ عدالت کے جج کے لیے ریٹائرمنٹ کی عمر 68 سال مقرر کی گئی ہے۔ آرٹیکل 202 اے میں بھی ایک ترمیم کی گئی ہے باہر جا رہے ہیں جس کے تحت ہائی کورٹ کا کوئی بھی بنچ سوائے آئینی بنچ کے آرٹیکل 199 کے تحت اختیار سماعت کو استعمال نہیں کرے گا، سپریم جوڈیشل کونسل کے حوالے سے آئین کے آرٹیکل 209 میں بھی ترمیم کی گئی ہے اور اس میں چیف جسٹس فیڈرل سینٹ عدالت اور اس کے سینئر موسٹ جج کو سپریم جوڈیشل کونسل کا رکن بنایا گیا ہے۔

متعلقہ مضامین

WE News۵ hour(s) ago

سینیٹ و قومی اسمبلی کی مشترکہ کمیٹی نے آرٹیکل 243 میں ترامیم کی منظوری دے دی

سینیٹ اور قومی اسمبلی کی مشترکہ کمیٹی برائے قانون و انصاف نے آئین کے آرٹیکل 243 میں ترامیم کی منظوری دے دی۔ یہ فیصلہ آرٹیکل پر تفصیلی مشاورت کے بعد کیا گیا ہے اور اس کے تحت آئینی عدالتوں کے قیام اور دیگر اہم شقوں پر بھی اتفاق ہو گیا ہے۔ ترامیم اور پارلیمانی مشاورت میڈیا رپورٹ کے مطابق مجوزہ 27 ویں آئینی ترمیم کے ڈرافٹ پر پارلیمنٹ میں مکمل مشاورت ہو چکی ہے۔ حکومتی اتحادی جماعتوں نے تین مزید ترامیم پیش کی ہیں جبکہ اے این پی، بی این...

Nawaiwaqt۱۵ hour(s) ago

وفاقی کابینہ سے منظوری کے بعد 27ویں ترمیم سینٹ میں پیش، کمیٹی کے سپرد

Nawaiwaqt۱ day(s) ago

پیپلز پارٹی اور ایم کیو ایم کے ارکان نے پی آئی اے سمیت دیگر ایئرلائنز کی سیٹیں بک کرالیں

اسلام آباد : پیپلز پارٹی اور ایم کیو ایم کے ارکان نے اسلام آباد پہنچنے کے لئے پی آئی اے سمیت دیگر ایئرلائنز میں پروازوں کی سیٹیں بک کرالیں۔ تفصیلات کے مطابق 27ویں آئینی ترمیم کے معاملے کے پیشِ نظر قومی اسمبلی کے ارکان کو اسلام آباد پہنچنے کی ہدایات جاری کر دی گئی ہیں۔ ذرائع نے بتایا کہ پیپلز پارٹی اور ایم کیو ایم کے ارکان نے پی آئی اے سمیت دیگر ایئرلائنز میں پروازوں کی سیٹیں بک کرالیں، جبکہ پیپلز پارٹی کے سینیٹرز نے بھی مختلف ایئرلائنز میں...

Nawaiwaqt۲ day(s) ago

سپیکر سے پی ٹی آئی وفد کی ملاقات‘ اچکزئی کو اپوزیشن لیڈر مقرر کرنے کا مطالبہ

اسلام آباد (خبر نگار) پی ٹی آئی وفد نے گزشتہ روز سپیکر قومی اسمبلی ایاز صادق سے ملاقات کی۔ وفد میں اسد قیصر، بیرسٹر گوہر، جنید اکبر اور عاطف خان شریک ہوئے۔ اپوزیشن لیڈر تعیناتی کے عمل پر مشاورت ہوئی۔ اعلامیہ کے مطابق ملاقات میں اپوزیشن لیڈر کی تعیناتی کے معاملے پر تفصیلی تبادلہ خیال کیا گیا۔ پی ٹی آئی نے محمود خان اچکزئی کو قائد حزب اختلاف مقرر کرنے کا مطالبہ کیا۔ سپیکر قومی اسمبلی نے کہا کہ حکومت اور اپوزیشن کے درمیان تعلقات میں بہتری کے لئے کردار...

Jang News۲ day(s) ago

27ویں آئینی ترمیم پر پیپلز پارٹی کی تجاویز قبول

—فائل فوٹو 27ویں آئینی ترمیم کے حوالے سے پیپلز پارٹی کی تجاویز قبول کر لی گئیںوزیراعظم شہباز شریف نے ترمیم کی منظوری کے لیے کابینہ کا اجلاس صبح 10 بجے طلب کرلیا۔ذرائع کے مطابق آذربائیجان میں موجود وزیراعظم شہباز شریف بذریعہ ویڈیو لنک وفاقی کابینہ کے اجلاس کی صدارت کریں گے۔وفاقی کابینہ کے اجلاس میں 27ویں آئینی ترمیم کے مسودے کی منظوری دی جائے گی۔ کابینہ کی منظوری کے بعد آئینی ترمیم سینیٹ میں پیش کی جائے گی۔

Jasarat News۲ day(s) ago

اسلام آباد: وفاقی وزیر خزانہ سینیٹر محمد اورنگزیب کابینہ کی اقتصادی رابطہ کمیٹی کے اجلاس کی صدارت کر رہے ہیں

data-id=863a0a8 data-element_type=widget data-widget_type=theme-post-content.default>251108-08-35 جسارت نیوز

Jang News۲ day(s) ago

پیپلز پارٹی نے 27ویں مجوزہ آئینی ترامیم کی کن شقوں پر اتفاق نہیں کیا؟

پاکستان پیپلز پارٹی نے 27ویں مجوزہ آئینی ترامیم کی کن شقوں پر اتفاق نہیں کیا ان کی تفصیلات سامنے آگئی ہیں۔ذرائع کا بتانا ہے کہ پاکستان پیپلز پارٹی کی سینٹرل ایگزیکٹو کمیٹی( سی ای سی) کے اجلاس میں آرٹیکل 160 کی شق تین اے ختم کرنے پر اتفاق نہیں کیا۔ذرائع کے مطابق اجلاس میں پیپلزپارٹی نے صوبے کے شیئرز کم کرنے کی کسی شق سے اتفاق نہیں کیا گیا۔ذرائع کے مطابق سی ای سی اجلاس میں پیپلز پارٹی نے صوبائی خودمختاری سے متعلق شیڈول 2 اور 3 ریورس کرنے سے...

Jang News۲ day(s) ago

پی ٹی آئی وفد کی اسپیکر سے ملاقات، محمود اچکزئی کی اپوزیشن لیڈر تقرری کا مطالبہ

پاکستان تحریک انصاف (پی ٹی آئی) نے اسپیکر قومی اسمبلی سردار ایاز صادق سے محمود خان اچکزئی کو قائد حزب اختلاف مقرر کرنے کا مطالبہ کر دیا۔پی ٹی آئی وفد نے ایاز صادق سے ملاقات کی، اس موقع پر اسپیکر قومی اسمبلی نے کہا کہ معاملہ فی الحال عدالت میں زیر سماعت ہے، فیصلہ آنے کے بعد غور کیا جائے گا۔سردار ایاز صادق نے پی ٹی آئی رہنماؤں کو پارلیمنٹ میں تعمیری کردار ادا کرنے کا کہا۔ اُن کا کہنا تھا کہ اراکینِ اسمبلی قومی مفاد میں قانون سازی کے عمل...

WE News۲ day(s) ago

اسپیکر قومی اسمبلی سردار ایاز صادق سے اپوزیشن وفد کی ملاقات، قائد حزب اختلاف کے تقرر کا مطالبہ

قومی اسمبلی کے اسپیکر سردار ایاز صادق سے چیئرمین پاکستان تحریک انصاف (پی ٹی آئی) بیرسٹر گوہر علی خان کی قیادت میں اپوزیشن کے وفد نے ملاقات کی اور اپوزیشن وفد کا قائد حزب اختلاف کے تقرر کا مطالبہ کیا۔ وفد میں سابق اسپیکر اسد قیصر سمیت اپوزیشن کے دیگر اراکین اسمبلی بھی شریک تھے۔ یہ بھی پڑھیں: ایسے اقدام سے گریز کیا جائے جو کشیدگی کا باعث بنے، بیرسٹر گوہر نے مجوزہ 27ویں آئینی ترمیم کی مخالفت کردی اپوزیشن اراکین نے اسپیکر سے مطالبہ کیا کہ ایوان میں قائد حزب...

Al Qamar Online۳ day(s) ago

قومی اسمبلی، سینیٹ اور کابینہ اجلاس آج طلب، 27ویں آئینی ترمیم کا مسودہ پیش کیے جانے کا امکان

اسلام آباد: سینیٹ کا اجلاس آج طلب کیا گیا ہے جس میں 27ویں آئینی ترمیم ایجنڈے میں شامل نہیں تاہم آئینی ترمیم کا مسودہ ضمنی ایجنڈے کے طور پر پیش کیے جانے کا امکان ہے۔ ایکسپریس نیوز کے مطابق سینیٹ اجلاس کا 13 نکاتی ایجنڈا جاری کیا گیا ہے جس میں 27ویں آئینی ترمیم ایجنڈے میں شامل نہیں۔ ذرائع کے مطابق وفاقی کابینہ سے منظوری کے بعد 27ویں آئینی ترمیم کا ایجنڈا پارلیمنٹ میں پیش کیا جائے گا اور 27 ویں آئینی ترمیم کو ضمنی ایجنڈے...

پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی

وفاقی کابینہ سے منظوری کے بعد 27ویں ترمیم سینٹ میں پیش، کمیٹی کے سپرد

متعلقہ مضامین

روزانہ کی خبریں

سب سے زیادہ دورہ کیا

کلیدی لفظ

آخری خبر