بلوچستان اسمبلی نے مالی سال 26-2025ء کے بجٹ کی منظوری دے دی
اشاعت کی تاریخ: 25th, June 2025 GMT
وزیر اعلیٰ بلوچستان میر سرفراز بگٹی —فوٹو بلوچستان اسمبلی
بلوچستان اسمبلی نے آئندہ مالی سال 26-2025ء کے بجٹ کی منظوری دے دی۔
اسمبلی نے 896 ارب 47 کروڑ 46 لاکھ روپے سے زائد کے 94 مطالباتِ زر منظور کر لیے، بجٹ پر بحث سمیٹتے ہوئے وزیرِ اعلیٰ میر سرفراز بگٹی نے بجٹ میں شامل اہم منصوبوں کا اعلان کیا۔
اسپیکر عبدالخالق اچکزئی کی زیرِ صدارت بلوچستان اسمبلی کے بجٹ اجلاس میں صوبائی وزیرِ خزانہ شعیب نوشیروانی نے نئے مالی سال کے بجٹ کے لیے مجموعی طور پر 94 مطالباتِ زر پیش کیے۔
ایوان نے غیر ترقیاتی اخراجات کے لیے 660 ارب 83 کروڑ 43 لاکھ روپے، جبکہ ترقیاتی اخراجات کے لیے 289 ارب 64 کروڑ روپے کے مطالباتِ زر کی منظوری دی۔
اپوزیشن اراکین نے مطالباتِ زر میں کٹوتی کی 11 تحریکیں پیش کیں جو رائے شماری کے ذریعے مسترد کر دی گئیں۔
بجٹ پر بحث سمیٹتے ہوئے وزیرِ اعلیٰ میر سرفراز بگٹی نے بتایا کہ رواں مالی سال کے دوران 16 ہزار بھرتیاں کی گئیں، 3200 بند اسکولوں کو دوبارہ فعال کیا گیا، جبکہ ترقیاتی بجٹ کا 100 فیصد استعمال کیا گیا۔
یہ بھی پڑھیے سرکاری ملازمین کی ڈیمانڈز اس بجٹ میں پوری کرنا ممکن نہیں ہے: سرفراز بگٹی نئے مالی سال کا بجٹ سرپلس ہوگا، سرفراز بگٹی سرفراز بگٹی کا پیٹرولیم قیمتوں میں کمی کا فائدہ بلوچستان کو منتقل کرنے کا خیر مقدمانہوں نے آئندہ مالی سال کے دوران صوبے کے 10 شہروں میں سیف سٹی پروجیکٹ، چاغی میں انڈسٹریل اسٹیٹ کے قیام، کوئٹہ کے شہریوں کے لیے پیپلز ٹرین سروس اور ایک ماہ کے اندر پیپلز ایئر ایمبولینس شروع کرنے کا اعلان بھی کیا۔
اسمبلی اجلاس میں بلوچستان میں امن و امان کی بحالی کے لیے وزیرِ اعلیٰ سرفراز بگٹی نے سی ٹی ڈی کو مضبوط بنانے کی غرض سے 20 ارب روپے مختص کرنے، صوبے کے 100 تھانوں کی ازسرِ نو تعمیر کر کے انہیں قلعہ نما بنانے اور دہشت گردی کے واقعات میں شہید ہونے والے سرکاری و سول شہداء کے لواحقین کے لیے امدادی رقم میں اضافے کا اعلان کیا۔
.ذریعہ: Jang News
کلیدی لفظ: بلوچستان اسمبلی سرفراز بگٹی مالی سال کے بجٹ کے لیے
پڑھیں:
دہشتگرد شہریوں کو نشانہ بنا رہے، ریاستی رٹ پر سمجھوتہ نہیں ہوگا،سرفراز بگٹی
اسلام آباد: وزیراعلیٰ بلوچستان سرفراز بگٹی نے کہا ہے کہ دہشت گردوں کی بزدلانہ کارروائیاں نہتے شہریوں کو نشانہ بنا رہی ہیں، لیکن ریاست اپنی رٹ ہر صورت برقرار رکھے گی۔
اسلام آباد میں پریس کانفرنس سے خطاب کرتے ہوئے انہوں نے کہا کہ بلوچستان میں دہشت گردی کے خلاف جنگ فیصلہ کن مرحلے میں داخل ہو چکی ہے۔ “گزشتہ روز چاغی میں سیکیورٹی فورسز نے کامیاب کارروائی کرتے ہوئے خطرناک دہشتگردوں کو نشانہ بنایا۔ ان میں سے ایک، جہانزیب، نے نہ صرف ہتھیار ڈالے بلکہ ویڈیو بیان میں اپنے جرائم کا اعتراف بھی کیا۔”
وزیراعلیٰ کا کہنا تھا کہ جہانزیب دالبندین میں اسلحہ اور دیگر مواد دہشتگردوں تک پہنچانے میں ملوث تھا۔ “وہ اہم تنصیبات کو نشانہ بنانے کی منصوبہ بندی کر رہا تھا، تاہم ہماری سیکیورٹی فورسز نے بروقت کارروائی کرتے ہوئے اس منصوبے کو ناکام بنا دیا۔”
سرفراز بگٹی نے کہا کہ اس آپریشن کے دوران ایک سیکیورٹی اہلکار زخمی ہوا، جس کی جلد صحتیابی کے لیے دعاگو ہیں۔ انہوں نے اس بات پر زور دیا کہ دہشتگردوں کے خلاف فضائی اور زمینی دونوں سطحوں پر سخت کارروائیاں ناگزیر ہیں۔
ان کا کہنا تھا کہ دہشتگرد نوجوانوں کو انتہاپسندی کی طرف دھکیلنے کی کوشش کر رہے ہیں، جبکہ افغانستان سے بھی بارہا مطالبہ کیا گیا ہے کہ ان کی سرزمین پاکستان مخالف سرگرمیوں کے لیے استعمال نہ ہونے دی جائے۔
وزیراعلیٰ بلوچستان نے بھارتی خفیہ ایجنسی ’را‘ کو ایک بار پھر پاکستان میں دہشتگردی کا ذمہ دار قرار دیتے ہوئے کہا، “یہ ایک ’را‘ اسپانسرڈ جنگ ہے، جو پاکستان پر مسلط کی گئی ہے۔ ہم اسے کسی صورت کامیاب نہیں ہونے دیں گے۔”
انہوں نے بلوچستان میں انٹرنیٹ بندش کے حوالے سے وضاحت کرتے ہوئے کہا کہ دہشتگردوں کی کمیونیکیشن روکنے کے لیے یہ قدم ضروری تھا، اگرچہ حکومت پر اس حوالے سے تنقید بھی کی گئی۔
لاپتہ افراد کے حوالے سے بات کرتے ہوئے سرفراز بگٹی نے کہا کہ کچھ افراد، خصوصاً ماہ رنگ بلوچ، اس مسئلے کو بنیاد بنا کر ریاست مخالف پروپیگنڈا کر رہے ہیں، لیکن ہم بلوچستان کے امن پر کوئی سمجھوتہ نہیں کریں گے۔
آخر میں انہوں نے کہا کہ فورسز کی جانب سے ہائی ویلیو ٹارگٹس کو گرفتار کرنا بڑی کامیابی ہے اور دہشتگردوں کے متعدد منصوبوں کو پہلے ہی ناکام بنایا جا چکا ہے۔ “ہم ہر اس قوت کا مقابلہ کریں گے جو بلوچستان کا امن خراب کرنا چاہتی ہے۔”
Post Views: 1
پاکستان اورسعودی عرب کے مابین طے پانے والاتاریخی معاہدہ دونوں برادرممالک کے تاریخی تعلقات میں ایک نئے دورکا آغازہے ، شیخ آفتاب احمد