پشاور، جامعۃ الشہید عارف الحسینی میں ’’عظمت شہداء و استقبال محرم‘‘ کانفرنس
اشاعت کی تاریخ: 26th, June 2025 GMT
امریکی صدر ڈونلڈ ٹرمپ کا نام امن ایوارڈ کے لیے پاکستان کی جانب سے تجویز کرنے پر اظہار افسوس کرتے ہوئے اس تجویز کو واپس لینے پر زور دیا گیا۔ کانفرنس سے مرکزی خطاب بزرگ عالم دین اور اسلامی نظریاتی کونسل کے سابق رکن علامہ سید افتخار حسین نقوی نے کیا۔ اسلام ٹائمز۔ جامعۃ الشہید سید عارف حسین الحسینی پشاور میں ’’عظمت شہداء و استقبال محرم‘‘ کانفرنس کا انعقاد کیا گیا، جس میں صوبہ بھر سے آئے علماء نے شرکت اور خطاب کئے۔ علماء نے محرم الحرام کی مجالس میں ایسی تقاریر پر زور دیا جو مطابق قرآن و فرامین محمد و آل محمد ہوں، ساتھ ہی امت میں اتحاد بڑھانے اور وطن عزیز کی سلامتی کے لیے مفید ہوں۔ مقررین نے محرم الحرام سے پہلے دو اسلامی اور ہمسایہ ممالک (پاکستان اور ایران) کے کفار یعنی گجرات کے قصاب مودی سرکار اور غاصب اسرائیل اور امریکہ کے مقابلے میں پاکستان اور ایران کی کامیابی کا ذکر کرتے ہوئے محرم الحرام میں اس حوالے سے گفتگو کی ضرورت پر زور دیا۔ آخر میں ضلع کرم کی مشکلات اور امریکی صدر ڈونلڈ ٹرمپ کا نام امن ایوارڈ کے لیے پاکستان کی جانب سے تجویز کرنے پر اظہار افسوس کرتے ہوئے اس تجویز کو واپس لینے پر زور دیا گیا۔ کانفرنس سے مرکزی خطاب بزرگ عالم دین اور اسلامی نظریاتی کونسل کے سابق رکن علامہ سید افتخار حسین نقوی نے کیا۔
.ذریعہ: Islam Times
کلیدی لفظ: پر زور دیا
پڑھیں:
پاک بحریہ کے جہاز سیف کا دورہ، مالدیپ کے حکام کا پرتپاک استقبال
اسلام آباد (خبرنگار خصوصی) پاک بحریہ کے جہاز سیف نے بیرون ملک تعیناتی کے دوران مالدیپ کی بندرگاہ مالے کا دورہ کیا۔ بندرگاہ پہنچنے پر پاک بحریہ کے جہاز کا مالدیپ کے حکام نے پرتپاک استقبال کیا۔ دورے کے دوران مشن کمانڈر کموڈور محمد ذیشان نبی شیخ نے چیف آف ڈیفنس فورس میجر جنرل ابراہیم ہلمی، کمانڈنٹ کوسٹ گارڈ مالدیپ میجر جنرل محمد سلیم سے ملاقات کی۔ انہوں نے ہائی کمشن آف پاکستان کا دوہ بھی کیا اور ہائی کمشنر وائس ایڈمرل (ریٹائرڈ) فیصل رسول لودھی سے بھی ملاقات کی۔ ان ملاقاتوں کے دوران باہمی دلچسپی کے امور، بحری سرگرمیوں اور میری ٹائم سکیورٹی میں تعاون پر تبادلہ خیال کیا گیا۔ مشن کمانڈر نے چیف آف دی نیول سٹاف ایڈمرل نوید اشرف کی طرف سے مالدیپ کے عوام کے لیے نیک خواہشات کا اظہار کیا۔ مالدیپ میں قیام کے دوران، میزبان ملک کے سرکاری حکام اور مختلف ممالک کے سفیروں نے جہاز کا دورہ کیا۔ جہاز کو عام عوام کے لیے کھول دیا گیا اور پاکستانی کمیونٹی کی بڑی تعداد نے بھی جہاز کا دورہ کیا۔ بندرگاہ کے دورے کے اختتام پر، پی این ایس سیف نے مالدیپ کوسٹ گارڈ کے جہازوں کے ساتھ بحری مشق کی۔ مشق کا مقصد دفاعی تعاون کو بڑھانا اور دونوں بحری افواج کے درمیان آپریشنل تعلقات کو تقویت دینا تھا۔ مالدیپ میں پاک بحریہ کے جہازوں کے باقاعدہ دورے مضبوط دوطرفہ تعلقات کی عکاسی کرتے ہیں اور یہ دورے دونوں ممالک کے درمیان باہمی تعاون کو مزید فروغ دیں گے۔
ملک بھرمیں انڈسٹریل خام مال کی قلت کا خدشہ پیدا ہوگیا،عاطف اکرام شیخ