میرا برانڈ پاکستان بائیکاٹ مہم اور معیشت کے فروغ کا مؤثر ذریعہ ہے، منعم ظفر
اشاعت کی تاریخ: 26th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان کاکہنا ہے کہ اسرائیل کی امریکی سرپرستی میں جاری جارحیت، اہل غزہ پر ظلم، خواتین و بچوں کی شہادتیں اور خوراک کو بطور ہتھیار استعمال کرنے جیسے اقدامات کے خلاف مؤثر آواز بلند کرنے کی ضرورت ہے، ان مظالم کے خلاف صرف مذمت کافی نہیں، بلکہ صہیونی مصنوعات کا بائیکاٹ اور اس بائیکاٹ مہم کو تیز و موثر بنانے کے لیے عملی اقدامات ناگزیر ہیں۔
پاکستان بزنس فورم کے زیر اہتمام “میرا برانڈ پاکستان” کے تیسرے میگا ایونٹ کی پری لانچنگ تقریب سے خطاب کرتے ہوئے امیر جماعت اسلامی کراچی نے کہا کہ ہمیں “میرا برانڈ پاکستان” پر فخر ہونا چاہیے کیونکہ یہ نہ صرف بائیکاٹ مہم کو تقویت دیتا ہے بلکہ مقامی مصنوعات کو فروغ دے کر پاکستان کی معیشت کو بھی مضبوط کرتا ہے۔
منعم ظفر خان نے پاکستان بزنس فورم کی بائیکاٹ مہم میں بھرپور جدوجہد اور مقامی مصنوعات کے فروغ کی کوششوں پر پوری ٹیم کو خراج تحسین اور مبارکباد پیش کرتے ہوئے کہا کہ پاکستان بزنس فورم آئندہ بھی صہیونی مصنوعات کے بائیکاٹ اور “میڈ ان پاکستان” کے فروغ میں اہم کردار ادا کرتا رہے گا۔
تقریب سے صدر کورنگی ایسوسی ایشن آف ٹریڈ اینڈ انڈسٹری (کاٹی) جنید نقی، قائم مقام صدر پاکستان بزنس فورم عامر رفیع، معروف میڈیا پرسنالٹی اور “میڈ ان پاکستان موومنٹ” کے بانی رضوان جعفر نے بھی خطاب کیا۔ اس موقع پر سابق امیر جماعت اسلامی سندھ محمد حسین محنتی، گلشن کے ٹاؤن چیئرمین ڈاکٹر فواد، ماڈل کالونی کے ٹاؤن چیئرمین ظفر احمد خان سمیت دیگر شخصیات بھی شریک تھیں۔
شرکاء نے اس بات پر بھی زور دیا کہ کراچی کے اسکولز، کالجز، دینی ادارے، اساتذہ، علمائے کرام اور سیاسی جماعتوں نے عوام میں مقامی برانڈز کے فروغ اور بائیکاٹ مہم سے متعلق جو شعور اجاگر کیا، وہ قابلِ تعریف ہے۔ شرکاء نے آئندہ اگست میں لاہور ایکسپو سینٹر میں ہونے والے “میرا برانڈ پاکستان” ایونٹ کی کامیابی کے لیے بھی نیک تمناؤں کا اظہار کیا۔
.ذریعہ: Jasarat News
کلیدی لفظ: میرا برانڈ پاکستان پاکستان بزنس فورم بائیکاٹ مہم کے فروغ
پڑھیں:
فیلڈ مارشل ملک کیلئے انعام، کاروباری برادری کی مشکلات حل کرنے کیلئے کوشاں: گورنر پنجاب
لاہور (نیوز رپورٹر) گورنر پنجاب سردار سلیم حیدر خان نے کراچی میں امریکن بزنس کونسل کے زیر اہتمام فوکسڈ گروپ ڈسکشن کے حوالے سے اجلاس میں شرکت کی۔ اجلاس میں صدر امریکن بزنس کونسل (ABC) اکرم ولی محمد، سینئر وائس پریذیڈنٹ (ABC)عاصم سعید خان، سینئر وائس پریذیڈنٹ (ABC) تشنہ پٹیل وائس پریذیڈنٹ (ABC) اور یو ایس قونصل جنرل چارلس گڈمین (Charles Goodman) موجود تھے۔ اس موقع پر گورنر پنجاب سردار سلیم حیدر خان نے کہا کہ امریکن بزنس کونسل پاکستان اور امریکہ کے درمیان تجارتی تعلقات کو مضبوط بنانے میں اہم کردار ادا کر رہا ہے۔ یہ بڑی خوش آئند بات ہے کہ بزنس کمیونٹی تمام تر مشکلات کے باوجود ملک میں سرمایہ کاری کر رہی ہے۔ اگر انڈیا اور چائنہ سے مقابکہ کرنا ہے تو انرجی کے حوالے سے قیمتیں مزید کم کرنے کی ضرورت ہے۔ گورنر پنجاب نے کہا کہ آئی ایم ایف کے چنگل سے نکلیں گے تو چیزیں مزید بہتر ہوں گی۔ اْنہوں نے کہا کہ فیلڈ مارشل سید عاصم منیر ملک کے لیے انعام ہیں۔ خاص کر بزنس کے حوالے سے ان کی پوری کوشش ہے کہ بزنس مین کی مشکلات کو حل کیا جائے۔ گورنر پنجاب سردار سلیم حیدر خان نے یوم اقبال کے موقع پرکہا کہ علامہ اقبال نے اپنی شاعری کے ذریعے برصغیر کے مسلمانوں میں جذبہ حریت بیدار کیا اور ایک الگ وطن کا تصور پیش کیا۔ دریں اثناء گورنر پنجاب سردار سلیم حیدر خان سے قاری عبدالمنان ناصر معلم مسجد الحرام مکہ مکرمہ نے پنجاب ہائوس اسلام آباد میں ملاقات کی۔ ملاقات کے دوران قاری عبدالمنان ناصر نے پاکستان میں خادم الحرمین کے ذریعے قرآن کی تعلیم عام کا اعادہ کیا تاکہ آپؐ کا ہر امتی قرآن مجید پڑھنا سیکھ جائے۔گورنر پنجاب نے کہا کہ سعودی عرب نے ہر مشکل وقت میں پاکستان کا ساتھ دیا ہے۔ اْنہوں نے کہا کہ حرمین شریفین کا دفاع پاکستان کے لئے بڑی سعادت اور فخر کی بات ہے۔ گورنر پنجاب نے کہا کہ پاکستان اور سعودی عرب کے درمیان دفاعی معاہدہ میں فیلڈ مارشل عاصم منیر کا کلیدی کردار ہے۔
اظہر جاوید سماء ٹی وی پاکستان کے برطانیہ میں بیورو چیف مقرر