کرسٹیانو رونالڈو کا سعودی عرب کے فٹ بال کلب کے ساتھ نیا معاہدہ
اشاعت کی تاریخ: 26th, June 2025 GMT
ریاض:
پرتگال سے تعلق رکھنے والے دنیا کے مشہور فٹ بالر کرسٹیانو رونالڈو نے سعودی عرب کے کلب النصر کے ساتھ مزید دو سال کا نیا معاہدہ کرلیا، جس کے بعد ان کی کلب چھوڑنے کی افواہیں دم توڑ گئی ہیں۔
سماجی رابطے کی ویب سائٹ ایکس پر کرسٹیانو رونالڈو نے کلب کے چیئرمین عبداللہ الماجد کے ساتھ تصویر جاری کی اور پیغام میں کہا کہ نیا باب شروع ہوگیا، وہی جذبہ، وہی ارادے، مل کر تاریخ رقم کریں۔
رونالڈو نے النصر کے چیئرمین کے ساتھ جاری تصویر میں اپنی جرسی بھی لی ہوئی ہے، جس میں رونالڈو 2027 لکھا ہوا ہے۔
A new chapter begins.
النصر نے اپنے بیان میں کہا کہ کرسٹیانو رونالڈو نے معاہدے میں دو سال کی توسیع پر دستخط کرلیے ہیں۔
سوشل میڈیا پر جاری بیان میں کہا گیا کہ النصر کے چیئرمین عبداللہ الماجد نے کلب کی طرف سے معاہدے پر دستخط کیے اور یہ معاہدہ 2027 تک ہوگا۔
رونالڈو اس معاہدے کے مطابق اپنی 42 ویں سالگرہ بھی النصر میں منائیں گے اور پہلے ہی کہا جا رہا ہے کہ وہ 2026 کے ورلڈ کپ میں پرتگال کی نمائندگی کریں گے۔
یاد رہے کہ رونالڈو نے 2022 میں سعودی عرب کے فٹ بال کلب النصر سے معاہدہ کیا تھا اور اب تک 105 میچوں میں مجموعی طور پر 93 گول کر چکے ہیں۔
رونالڈو اس سے قبل انگلینڈ کے فٹ بال کلب مانچسٹر یونائیٹڈ کے لیے کھیل رہے تھے تاہم وہاں اپنا دوسری مدت چھوڑ کر سعودی کلب میں شمولیت کی تھی۔
کرسٹیانو رونالڈو اپنے کیریئر کے ایک ہزار گول کی طرف گامزن ہیں اور اب تک انہوں نے مختلف کلبز اور اپنے ملک کے لیے مجموعی طور پر 938 گول کر رکھے ہیں۔
ان کی قیادت میں پرتگال نے حال ہی میں یوئیفا نیشنز لیگ کا ٹائٹل دوسری مرتبہ حاصل کیا، اس سے قبل پرتگال کو یورپ کا چمپین بھی بنوایا تھا۔
ذریعہ: Express News
کلیدی لفظ: کرسٹیانو رونالڈو رونالڈو نے کے ساتھ
پڑھیں:
اسرائیل کا پاکستان پر دباؤ ڈالنے کے لیے بھارت سے ہتھیاروں کا معاہدہ
رپورٹ کے مطابق ابتدائی منظوری کے بعد دونوں ممالک آنے والے مہینوں میں قیمت، وقتِ فراہمی، اور لائسنس کی تفصیلات طے کرنے کے لیے مزید مذاکرات کریں گے۔ اسلام ٹائمز۔ ایک عبرانی خبررساں ادارے نے انکشاف کیا ہے کہ اسرائیل نے پاکستان پر دباؤ بڑھانے کے مقصد سے بھارت کے ساتھ میزائلوں کا ایک دفاعی معاہدہ کیا ہے۔ خبر رساں ایجنسی تسنیم کے عبرانی شعبے کے مطابق یہودیان حریدی نامی نیوز ویب سائٹ نے ایک تفصیلی رپورٹ میں بتایا کہ تل ابیب اور نئی دہلی کے درمیان یہ معاہدہ پاکستان کے مقابلے کے لیے کیا گیا ہے۔ رپورٹ کے مطابق ایک بھارتی فوجی وفد نے اسرائیل کا سرکاری دورہ کیا اور وزارتِ دفاع سے دو جدید ترین اسرائیلی ہتھیاروں — یعنی اسرائیلی ایرو اسپیس انڈسٹریز (IAI) کا LORA بیلسٹک میزائل اور رافائل کمپنی کا Sea Breaker اسٹیلتھ کروز میزائل — بھارت میں تیار کرنے اور خریدنے کی ابتدائی منظوری حاصل کی۔ یہ خبر اتوار کے روز بھارتی میڈیا میں بھی شائع ہوئی، جس میں بتایا گیا کہ یہ اقدام بھارت اور پاکستان کے درمیان فوجی جھڑپوں، خاص طور پر حالیہ برسوں میں ہونے والی فضائی جھڑپوں سے حاصل ہونے والے تجربات کے بعد کیا گیا ہے۔ بھارتی فوج ایسے حل تلاش کر رہی ہے جن کے ذریعے وہ پاکستان کے فضائی دفاعی نظام اور انٹرسیپٹر طیاروں کی حدود میں داخل ہوئے بغیر دشمن کے علاقے میں گہرائی تک اور انتہائی درستگی کے ساتھ حملے کر سکے۔ اس رپورٹ کے مطابق، LORA ایک طویل فاصلے تک مار کرنے والا توپ خانے کا میزائل نظام ہے، جس کی رینج تقریباً 400 کلومیٹر ہے۔ اسے جنگی طیاروں، زمینی لانچر اور بحری جہازوں سے داغا جا سکتا ہے۔ اس کے علاوہ، اسرائیل نے رافائل کمپنی کا تیار کردہ Sea Breaker کروز میزائل بھارت کو فروخت کرنے پر بھی رضامندی ظاہر کی ہے۔
یہ میزائل سمندری اور زمینی اہداف پر انتہائی درست حملوں کے لیے تیار کیا گیا ہے، اس کی حد تقریباً 300 کلومیٹر ہے، اور یہ ریڈار سے بچ نکلنے کی صلاحیت رکھتا ہے۔ یہ میزائل حقیقی وقت میں ہدف کی شناخت کے لیے مصنوعی ذہانت (AI) کے نظام سے لیس ہے اور اسے ایک اعلیٰ درجے کا بحری جنگی ہتھیار سمجھا جاتا ہے۔رپورٹ کے مطابق ابتدائی منظوری کے بعد دونوں ممالک آنے والے مہینوں میں قیمت، وقتِ فراہمی، اور لائسنس کی تفصیلات طے کرنے کے لیے مزید مذاکرات کریں گے۔صہیونی ٹی وی چینل نیٹ ورک 12 نے بھی اس خبر کی تصدیق کرتے ہوئے کہا کہ اسرائیل کی دفاعی صنعتیں، خصوصاً اسرائیل ایرو اسپیس انڈسٹریز (IAI)، بھارت میں وسیع تجربہ اور فعال موجودگی رکھتی ہیں۔
جماعت اسلامی کا شدید احتجاج، بنگلادیش میں موسیقی کی تعلیم کا منصوبہ منسوخ