خطے میں بھارت کی ہٹ دھرمی کا خاتمہ ہوگیا، گورنرسندھ
اشاعت کی تاریخ: 26th, June 2025 GMT
کراچی:
گورنر سندھ کامران خان ٹیسوری نے کہا ہے کہ پاک-بھارت حالیہ جنگی ٹاکرے کے دوران بھارت کی عددی برتری کے باوجود پاکستانی قوم ان پر بھاری رہی اور خطے میں بھارت کی ہٹ دھرمی کا خاتمہ ہوگیا۔
کراچی کے فریئرہال میں منشیات کے استعمال کے خلاف بین الاقوامی دن کے حوالے سے اینٹی نارکوٹکس کی جانب سے منعقد تقریب میں خطاب کرتے ہوئے گورنر سندھ کامران ٹیسوری نے کہا کہ وزیراعظم پاکستان اور آرمی چیف کو معاشی بحران سے نکالنے کے لیے کوشاں ہیں، وطن مسلمانوں، سکھ، ہندو، پارسی کمیونٹی سب کا ملک ہے۔
انہوں نے کہا کہ اس ملک میں ایک طاقت ور قوم بستی ہے، پاک-بھارت حالیہ جنگی ٹاکرے کے دوران عددی برتری کے باوجود پاکستانی قوم ان پر بھاری تھی، حالیہ جنگی معرکے کے بعد خطے میں بھارت کی ہٹ دھرمی ختم کردی گئی ہے۔
ان کا کہنا تھا کہ پاکستانی قوم نے ثابت کیا کہ سیسہ پلائی دیوار بن گئی جس نے بھارتی آرمی، نیوی اور ائیرفورس کو چاروں شانے چت کر دیا۔
منشیات کے حوالے بات کرتے ہوئے انہوں نے کہا کہ ہمیں مصطفیٰ عامر کو بھولنا نہیں ہے، حکومت سندھ سے کہنا چاہوں گا کہ عامر مصطفیٰ کیس حل ہو تاکہ اس کیس کے پس پردہ جو محرکات ہیں ان کا پردہ چاک ہو۔
گورنر سندھ نے کہا کہ اب یہ بات بھی ناقابل برداشت ہوگی کہ ڈرگ مافیا اس ملک کے نوجوانوں کو اپنے مذموم دھندے کی لت میں مبتلا کرے۔
.
ذریعہ
ذریعہ: Express News
پڑھیں:
محسن نقوی سے فیصل کریم کنڈی کی ملاقات، سکیورٹی چیلنجز سے آگاہ کیا
اسلام آباد میں وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔ اسلام ٹائمز۔ وفاقی وزیر داخلہ سے گورنر خیبر پختونخوا فیصل کریم کنڈی کی ملاقات ہوئی۔ دونوں راہنماؤں کے درمیاں ملاقات میں خیبر پختونخوا میں امن عامہ کی صورتحال اور دیگر اہم امور پر تفصیلی تبادلہ خیال کیا گیا۔ ملاقات میں خیبرپختونخوا میں انسدادِ دہشتگردی کے لئے اٹھائے گئے اقدامات کا جائزہ لیا گیا، گورنر خیبرپختونخوا نے صوبے کو درپیش سکیورٹی چیلنجز سے وفاقی وزیر داخلہ آگاہ کیا۔ وزیر داخلہ اور گورنر کے پی کے نے فتنہ الہندوستان کے دہشتگردوں کے خلاف کامیاب انٹیلی جنس بیسڈ آپریشنز پر سکیورٹی فورسز کو خراج تحسین، دہشتگردی کے خلاف جنگ کے شہداء کو خراج عقیدت پیش کیا۔
محسن نقوی نے کہا کہ خیبر پختونخوا میں قیام امن کیلئے سکیورٹی فورسز کی قربانیاں ناقابل فراموش ہیں، وفاقی حکومت خیبرپختونخوا میں قیام امن کیلئے خیبرپختونخوا حکومت کے ساتھ مکمل تعاون کر رہی ہے۔ اس موقع پر وفاقی وزیر داخلہ محسن نقوی نے صوبہ خیبر پختونخوا میں امن و استحکام کے لیے ہر ممکن تعاون کی یقین دہانی کرائی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ