کراچی کے نوجوان سے شادی کرنے والی تیونسی لڑکی کے معاملے پر پیشرفت
اشاعت کی تاریخ: 28th, June 2025 GMT
فوٹو: جنگ
کراچی کے علاقے لیاری کے نوجوان کی محبت میں مبتلا ہوکر پاکستان آکر شادی کرنے والی تیونسی لڑکی کی وطن واپسی کے معاملے پر پیشرفت ہوئی ہے۔
ایس ایچ او عظمیٰ خان کا کہنا ہے کہ تیونس کے سفارتخانہ نے وومن پولیس سے رابطہ کرکے مدد کیلئے لڑکی کی تفصیلات لی ہیں، تیونس کی خاتون سفارتکار نے ایس ایچ او وومن کو کال کرکے لڑکی سے تفصیلی بات چیت کی۔
رابطہ کرنے پر عامر کے اہلخانہ نے بتایا ہے کہ ٹیونس سے پاکستان آنے سے وہ سندا کو بار بار منع کرتے رہے کہ وہ اس کے اخراجات برداشت نہیں کر سکیں گے مگر لڑکی نے ہر طرح کے حالات میں رہنے کا یقین دلایا اور بضد ہو کر پاکستان پہنچی۔
عظمیٰ خان کا کہنا ہے کہ مشکل کا شکار لڑکی کی وطن واپسی کی ذمہ داری سفارتخانہ نے لے لی، سندا کے ایگزٹ پرمٹ اور ٹکٹ کا بندوبست بھی سفارتخانہ کرے گا، تیونس کا سفارتخانہ رابطے میں ہے۔ لڑکی کا مسئلہ جلد حل ہو جائے گا۔
خیال رہے کہ سوشل میڈیا پر محبت میں مبتلا لڑکی نے نومبر میں کراچی آکر لیاری کے نوجوان سے شادی کی تھی، تنازعات پر لڑکے نے گزشتہ ہفتے سندا ایاری کو طلاق دے دی اور اسے ریسٹورنٹ پر چھوڑ کر چلا گیا تھا۔
پولیس کا کہنا ہے کہ لڑکی نے وومن تھانہ لیاقت آباد پہنچ کر پناہ لی، اس کا ویزا ختم ہوچکا ہے ٹکٹ بھی نہیں ہے۔
.ذریعہ: Jang News
پڑھیں:
پی ٹی آئی کا 9مئی کیسز میں پارٹی رہنماؤں کو سزاؤں کا فیصلہ چیلنج کرنے کا اعلان
اسلام آباد(ڈیلی پاکستان آن لائن)پاکستان تحریک انصاف ( پی ٹی آئی ) نے 9 مئی کیسز میں پارٹی رہنماؤں کو سزاؤں کا فیصلہ مسترد کرتے ہوئے چیلنج کرنے کا اعلان کردیا۔
پارلیمنٹ ہاؤس کے باہر دیگر رہنماؤں کے ساتھ میڈیا سے گفتگو میں پی ٹی آئی چیئرمین بیرسٹر گوہر نے انسداد دہشت گردی عدالت کے فیصلے کو انصاف کا قتل قرار دے دیا۔بیرسٹر گوہر کا کہنا تھا کہ سب سے اپیل کرتا ہوں کہ بہت ہو گیا اور اب یہ سلسلہ ختم ہونا چاہیے۔پی ٹی آئی چئیرمین نے کہا کہ ناانصافی کی چھری اِسی طرح چلتی رہی تو ملک مزید تقسیم ہوگا۔
پاکستان نے فیلڈ مارشل سےمنسوب باتوں پر بھارتی وزارت خارجہ کا بیان مسترد کردیا
اس موقع پر گفتگو کرتے ہوئے سابق اسپیکر قومی اسمبلی اسد قیصر کا کہنا تھا کہ انصاف دور دور تک نظر نہیں آتا اور اب عدالتوں پراعتماد بھی نہیں رہا۔اسد قیصر کا کہنا تھا کہ موجودہ پارلیمنٹ ربر اسٹیمپ بن چکی ہے اور اِسے پارلیمنٹ کہنا بھی گناہ ہے۔انہوں نے مزید کہا کہ آئین و قانون کی حکمرانی کیلئے ہم کھڑے ہیں اور رہیں گے۔
یاد رہے کہ انسداد دہشت گردی عدالت (اے ٹی سی) نے 9 مئی کے پرتشدد واقعات سے متعلق دو اہم مقدمات، راحت بیکری کے باہر جلاؤ گھیراؤ اور تھانہ شادمان جلاؤ گھیراؤ کا فیصلہ سناتے ہوئے پاکستان تحریک انصاف ( پی ٹی آئی ) کے وائس چیئرمین شاہ محمود قریشی کو بری کر دیا ہے۔
اے ڈی سی آر سے میراکوئی تعلق نہیں ، اگر اس کے خلاف شکایت درست ہوئی تو سزا ہوگی: خواجہ آصف
مزید :
کیا آپ بھی سوشل میڈیا پر بغیر تصدیق کے پوسٹ شیئر کرتے ہیں؟ امام کعبہ نے خبردار کر دیا