بھارتی کرکٹر پر شادی کا جھانسہ دیکر خاتون سے زیادتی کا الزام
اشاعت کی تاریخ: 30th, June 2025 GMT
بھارت(نیوز ڈیسک)بھارتی کرکٹر یش دیال کے خلاف خاتون نے شادی کا جھانسہ دے کر ذہنی اور جسمانی طور پر حراساں کرنے کا الزام عائد کیا ہے۔
گلف نیوز کی رپورٹ کے مطابق غازی آباد سے تعلق رکھنے والی خاتون نے ریاستی وزیرِ اعلیٰ کے آن لائن پورٹل پر فاسٹ بولر یش دیال کے خلاف شکایت درج کروائی ہے۔
خاتون نے شکایت میں مؤقف اپنایا کہ اس کا کرکٹر کے ساتھ گزشتہ 5 برس سے قریبی تعلق تھا، یش دہال نے شادی کا جھانسہ دے کر میرا جذباتی، ذہنی اور جسمانی استحصال کیا۔
خاتون نے مزید دعویٰ کیا کہ کرکٹر یش دیال نے اسے جسمانی اور ذہنی طور پر حراساں بھی کیا ہے، متاثرہ خاتون کے مطابق اُسے بعد میں معلوم ہوا کہ کرکٹر دیگر خواتین کے ساتھ بھی اسی طرح کے تعلقات میں ہے۔
متاثرہ خاتون نے اپنی درخواست میں بتایا کہ اس نے 14 جون کو ویمن پولیس ہیلپ لائن پر اپنی شکایت درج کروائی تاہم معاملہ تھانے سے آگے نہیں بڑھ سکا، لہذا مجبور ہو کر اسے وزیراعلیٰ کے آن لائن پورٹل پر درخواست جمع کروانی پڑی۔
خاتون نے کہا کہ اس کے پاس کرکٹر کے پیغامات، اسکرین شاٹس ، ویڈیو کالز اور تصویروں سمیت دیگر ثبوت موجود ہیں۔
درخواست میں خاتون نے کرکٹر یش دیال کے خلاف جلد اور غیرجانبدرانہ تحقیقات کا مطالبہ کرتے ہوئے کہا کہ یہ قدم نہ صرف اس کے لیے اہمیت کا حامل ہے بلکہ ان تمام لڑکیوں کے لیے بھی اہم ہے جو اس طرح کے تعلقات کا شکار بنتی ہیں۔
خیال رہے کہ یش دیال آئی پی ایل 2025 کی فاتح ٹیم رائل چینلجرز بنگلورو (آر سی بی) کے اسکواڈ کا حصہ تھے انہوں نے 15 میچز میں 13 وکٹیں حاصل کیں، فاسٹ باؤلر ڈومیسٹک کرکٹ میں اترپردیش کی نمائندگی کرتے ہیں۔
.
ذریعہ
ذریعہ: Daily Ausaf
پڑھیں:
عشق پاکستانی نوجوان کو ایل او سی کے پار لے گیا
مقبوضہ کشمیر کی لڑکی کا عشق پاکستانی نوجوان کو لائن آف کنٹرول (ایل او سی) کے پار لے گیا۔
پاکستان نے 30 اور 31 مئی کی درمیانی شب مقبوضہ بھارتی علاقے اُڑی پہنچنے والے پاکستانی نوجوان ذیشان میر کے لیے قونصلر رسائی کی درخواست دے دی۔
سفارتی ذرائع کے مطابق پاکستانی ہائی کمیشن نئی دلی نے بھارتی وزارت خارجہ کو ذیشان میر کے بارے میں خط لکھا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ