شاہین نے حارث رؤف کیلئے ’وارننگ‘ جاری کردی
اشاعت کی تاریخ: 30th, June 2025 GMT
پاکستان کے فاسٹ بولر شاہین شاہ آفریدی نے حارث رؤ ف کو خبردار کر دیا۔
آسٹریلیا میں شیڈول بگ بیش لیگ سیزن 15 سے قبل ایک دلچسپ انٹرویو میں شاہین آفریدی کا اپنے قریبی ساتھی حارث رؤف کو ازرائے مذاق کہنا تھا کہ اگر حارث بی بی ایل میں ان کے خلاف بولنگ کریں گے تو انہیں چھکوں کی بارش کا سامنا کرنا پڑے گا۔
ان کا کہنا تھا کہ وہ امید کرتے ہیں کہ حارث ان کے سامنے بولنگ نہ کریں کیونکہ اگر ایسا ہوا تو وہ بھرپور انداز میں ان کا سامنا کریں گے، شاہین آفریدی بی بی ایل 15 میں برسبین ہیٹ کی نمائندگی کریں گے، وہ اس مرتبہ لیگ میں پہلی بار شرکت کر رہے ہیں، حالانکہ وہ اس سے قبل بنگلہ دیش پریمیئر لیگ، انٹرنیشنل لیگ ٹی 20 اور دی ہنڈرڈ جیسے دیگر عالمی مقابلوں میں شرکت کر چکے ہیں۔
شاہین آفریدی کو رواں سال 19 جون کو ہونے والے ڈرافٹ میں بی بی ایل کی پہلی ترجیح کے طور پر منتخب کیا گیا، برسبین ہیٹ نے انہیں سب سے پہلے چنا جبکہ انگلینڈ کے لیوک ووڈ دوسرے اور پاکستان کے وکٹ کیپربیٹر محمد رضوان تیسرے پلاٹینم پک کے طور پر منتخب ہوئے۔
شاہین آفریدی سے جب پوچھا گیا کہ وہ بابر اعظم، ڈیوڈ وارنر اور اسٹیو اسمتھ میں سے کس کی وکٹ لینا زیادہ اہم سمجھتے ہیں تو انہوں نے جواب دیا کہ ان کے نزدیک تینوں بیٹرز یکساں اہمیت رکھتے ہیں، ان کا کہنا تھا کہ یہ سب اپنے اپنے ملکوں کے اہم ترین کھلاڑی ہیں اور کسی ایک کو بھی آؤٹ کرنا ان کے لیے اعزاز کی بات ہو گی۔
انٹرویو کے دوران شاہین نے اس بات پر خوشی کا اظہار بھی کیا کہ اس بار بی بی ایل میں 6 سے 7 پاکستانی کھلاڑی شریک ہو رہے ہیں، جن میں بابر اعظم، محمد رضوان، شاداب خان، حسن علی، حسن خان اور خود شاہین شامل ہیں، ان کا کہنا تھا کہ یہ کھلاڑی پاکستان کی نمائندگی کر چکے اور بڑی کارکردگی دکھا چکے ہیں، اور اب بی بی ایل میں ایک دوسرے کے خلاف میدان میں اتریں گے تو پاکستانی شائقین کو بہت لطف آئے گا۔
شاہین آفریدی نے اس خواہش کا اظہار بھی کیا کہ وہ برسبین ہیٹ کے ساتھ اپنی پہلی شرکت میں ٹرافی جیتنا چاہتے ہیں، ان کا کہنا تھا کہ پی ایس ایل میں ان کی ٹیم نے تین ٹرافیاں جیتیں جس کی اصل وجہ ٹیم کا اچھا ماحول اور مینجمنٹ کی طرف سے دی گئی آزادی تھی، انھوں نے کہا کہ برسبین ہیٹ بھی ایک متوازن اور مضبوط ٹیم ہے اور اگر وہ اس کے ساتھ بی بی ایل ٹائٹل جیتنے میں کامیاب ہو جائیں تو یہ ان کے لیے ایک یادگار آغاز ہوگا۔
.ذریعہ: Express News
کلیدی لفظ: ان کا کہنا تھا کہ شاہین ا فریدی برسبین ہیٹ بی بی ایل ایل میں
پڑھیں:
ملکی قرضوں میں 41 فیصد اضافہ ہوا، جلد شرح سود میں کمی، بجلی سستی ہوگی: وزیر خزانہ
وفاقی وزیر خزانہ و سینیٹر محمد اورنگزیب نے کہا ہے کہ ملکی قرضوں میں 41 فیصد اضافہ ہوا ہے، تاہم ادائیگیوں کے ساتھ یہ صورتحال بہتر ہو جائے گی، جلد شرح سود میں مزید کمی متوقع ہے، بجلی بھی سستی کی جائے گی۔اسلام آباد چیمبر آف کامرس میں تقریب سے خطاب کرتے ہوئے وزیر خزانہ محمد اورنگزیب کا کہنا تھا کہ گزشتہ ڈیڑھ سال میں معیشت مستحکم ہوئی ہے، تمام معاشی اعشاریے مثبت رجحان ظاہر کر رہے ہیں، پالیسی ریٹ (شرح سود) میں نمایاں کمی لائی گئی ہے، جس میں مزید کمی متوقع ہے، رواں مالی سال میں معیشت کی بہتری کیلئے مزید اقدامات کر رہے ہیں۔انہوں نے کہا کہ پاکستان سٹاک ایکسچینج تاریخ کی بلند ترین سطح پر پہنچ گئی، سٹاک مارکیٹ میں بہتری سرمایہ کاروں کے اعتماد کا مظہر ہے، نئے سرمایہ کاروں کی تعداد میں بڑا اضافہ ہوا ہے، مانتا ہوں کہ ملکی قرضوں میں 41 فیصد اضافہ ایک بڑا اضافہ ہے، جیسے جیسے قرضوں کی ادائیگی ہوگی یہ صورتحال بہتر ہوگی۔ان کا کہنا تھا کہ حکومت بنیادی اصلاحات کے ایجنڈے پر عمل پیرا ہے، ، حکومتی اخراجات میں کمی کیلئے رائٹ سائزنگ کی پالیسی اپنائی گئی ہے، 400 سے زائد محکموں میں رائٹ سائزنگ کا عمل جاری ہے۔محمد اورنگزیب نے کہا کہ قومی معیشت میں تاجروں کا اہم کردار ہے، سرکاری اداروں کی نجکاری اس سال تیزی سے آگے بڑھے گی، اویس لغاری اور ان کی ٹیم نے توانائی کے شعبے میں بہتری کیلئے نمایاں کام کیا، 78 سال میں پہلی بار ٹیرف اصلاحات کا آغاز ہوا ہے، بجلی کے نرخوں میں کمی کیلئے ٹاسک فورس کام کر رہی ہے، جلد بجلی سستی ہوگی۔وزیر خزانہ کا کہنا تھا کہ ٹیکسوں کا سارا بوجھ تنخواہ دار طبقے پر نہیں ڈال سکتے، زرعی آمدنی کو ٹیکس کا حصہ بنایا گیا ہے، جتنی مالیاتی سپیس میسر تھی اس کے مطابق تنخواہ داروں کو ٹیکس ریلیف دے چکے، ٹیکس نیٹ کو بڑھانے کے سوا ہمارے پاس کوئی راستہ نہیں ہے۔انہوں نے کہا کہ ایف بی آر کی ڈیجیٹائزیشن کا عمل جاری ہے، ایف بی آر میں اصلاحات کے عمل کی نگرانی وزیراعظم خود کر رہے ہیں، ہماری درست سمت سے کاروباری اعتماد بڑھ رہا ہے، عالمی مالیاتی اداروں نے ہماری اقتصادی اصلاحات کو سراہا ہے، عالمی ریٹنگ ایجنسی فچ نے ہماری ریٹنگ اپ گریڈ کی ہے، ایک تیسری عالمی ریٹنگ ایجنسی بھی پاکستان کی ریٹنگ میں بہتری کا اعلان کرے گی۔ان کا کہنا تھا کہ امریکا سے ٹیرف مذاکرات کے بعد پاکستان کے ایکسپورٹ کے مواقع بڑھے ہیں، بیرونی محاذ پرمعاشی کامیابیوں سے ملک کے اندر بھی معیشت پر اعتماد بڑھا ہے۔سینیٹر محمد اورنگزیب نے مزید کہا کہ ایسی معیشت بنائیں گے جو جدت کی حوصلہ افزائی اور کاروبارکے نئے مواقع پیدا کرے گی، پالیسی ریٹ کے معاملات مکمل طور پر سٹیٹ بینک کا اختیار ہونا چاہیے۔
وزیراعظم کی جناح میڈیکل کمپلیکس میں اسپیشلائزڈ ہیلتھ کئیر کو عالمی معیار کے مطابق رکھنے کی ہدایت