بگ بیش لیگ؛ سیم بلنگز کس پاکستانی بولر کا سامنا کرنے کیلیے بے چین؟
اشاعت کی تاریخ: 30th, June 2025 GMT
لاہور:
انگلش وکٹ کیپر بیٹر سیم بلنگز نے بگ بیش لیگ سیزن 15 میں پاکستانی فاسٹ بولر کا سامنا کرنے پر مسرت اور جوش کا اظہار کیا ہے۔
ٹورنامنٹ کے حوالے سے گفتگو کرتے ہوئے بلنگز نے شاہین شاہ آفریدی کی عالمی سطح پر شاندار کارکردگی کی تعریف کی اور اس بات کو سراہا کہ بی بی ایل جیسے مقابلے میں ایسے کھلاڑی کی موجودگی خود ٹورنامنٹ کے معیار کو بڑھاتی ہے۔
انگلینڈ کرکٹر بلنگز کا کہنا تھا کہ وہ شاہین سے میدان میں ٹکرانے کے لیے پرجوش ہیں کیونکہ وہ ایک ورلڈ کلاس بولر ہیں جن کے خلاف کھیلنا ہمیشہ ایک چیلنج ہوتا ہے۔
ان کا کہنا تھا کہ شاہین آفریدی نہ صرف ایک بہترین حریف ہیں بلکہ وہ ان کے قریبی دوست بھی ہیں، اس لیے بی بی ایل میں ان کے خلاف مقابلے دلچسپ اور دوستانہ ماحول میں ہوں گے۔
سیم بلنگز نے حالیہ دنوں ایک پوڈکاسٹ پر گفتگو کے دوران پاکستانی بیٹر بابراعظم کی بھی تعریف کی۔
بلنگز نے انہیں ’’کنگ بابراعظم‘‘ کہہ کر مخاطب کرتے ہوئے کہا کہ وہ کئی برسوں سے عالمی کرکٹ میں شاندار کارکردگی کا مظاہرہ کر رہے اور ان کی موجودگی کسی بھی لیگ کو چار چاند لگا دیتی ہے، میں بابراعظم کے خلاف کئی بار کھیل چکا لیکن اب خواہش ہے کہ ان کے مخالف کے بجائے ان کے ساتھ کھیلوں۔
.ذریعہ: Express News
پڑھیں:
پاکستان سمیت دنیا بھر میں انٹرنیٹ سروسزمتاثر: کلاؤڈ فلیئراور پی ٹی اے کا بیان بھی آگیا
data-id="863a0a8" data-element_type="widget" data-widget_type="theme-post-content.default">
اسلام آباد: پاکستان سمیت دنیا بھر میں انٹرنیٹ سروس شدید متاثر ہوئی ہے بڑے پیمانے پر رکاوٹوں کا سامنا ہے ۔
میڈیا ذرائع کے مطابق انٹرنیٹ سروسز فراہم کرنے والی کلاؤڈ فلیئر کمپنی کا بیان بھی سامنے آ گیا،جس میں کہا گیا کہ مسئلے کو حل کرنے پر کام کر رہے ہیں جب کہ سوشل میڈیا سائٹس، اے آئی سروسز اور ایمازون ویب سروسز کو بھی پریشانی کا سامنا ہے۔
کلاؤڈ فلیئر کی سروسز میں تعطل کے بعد عالمی سطح پر انٹرنیٹ تک رسائی میں مشکلات کا سامنا ہے، کمپنی کا کہنا ہے کہ وہ اپنی خدمات بحال کرنے پر کام کر رہی ہے۔
کونٹینٹ ڈیلیوری نیٹ ورک اور ڈومین نیم سرور (ڈی این ایس) سروس فراہم کرنے والی کمپنی کلاؤڈ فلیئر نے کہا ہے کہ عالمی سطح پر سروسز میں تعطل کی اطلاعات کے بعد وہ اپنی خدمات بحال کرنے پر کام کر رہی ہے۔
آج انٹرنیٹ تک رسائی میں بڑے پیمانے پر رکاوٹوں کی اطلاع ملی، کیونکہ کلاؤڈ فلیئر نے اپنے عالمی نیٹ ورک میں مسائل کا سامنا کرنے کی تصدیق کی تھی۔
دریں اثنا ترجمان پاکستان ٹیلی کمیونی کیشن اتھارٹی ( پی ٹی اے ) نے کہا ہے کہ ایکس (ٹوئٹر) اور کلاؤڈ فلیئر کی سروسز عالمی سطح پر متاثر ہوئی ہیں، پی ٹی اے ایکس اور کلاؤڈ فلیئر کو متاثر کرنے والی عالمی خرابی کی نگرانی کررہا ہے۔
ترجمان کا کہنا ہے کہ پی ٹی اے عالمی پلیٹ فارمز اور مقامی آپریٹرز سے رابطے میں ہے،سروسز کی بحالی تک پی ٹی اے صورتحال کا جائزہ جاری رکھے گا۔
دہشتگردی کے واقعات کے پیش نظر افغانستان میں کارروائی کا عندیہ