آن لائن محبت: امریکی خاتون پاکستانی نوجوان کی دُلہن بننے دیر پہنچ گئی
اشاعت کی تاریخ: 30th, June 2025 GMT
سوشل میڈیا پر شروع ہونے والی دوستی محبت میں بدل گئی، امریکی ریاست شکاگو سے تعلق رکھنے والی ایک خاتون پاکستان کے علاقے دیر اپر آ پہنچی، جہاں وہ مقامی نوجوان ساجد زیب خان سے شادی کرنے جا رہی ہیں۔
یہ بھی پڑھیں: ماہرہ خان کی پاکستانی نوجوان کی محبت میں گرفتار امریکی خاتون اونیجا سے ملاقات، ویڈیو وائرل
پولیس ذرائع کے مطابق امریکی خاتون ساجد زیب خان سے شادی کے لیے پاکستان پہنچی ہیں، تاہم نوجوان نے پولیس کو آگاہ کیا ہے کہ انہیں کسی قسم کی سیکیورٹی درکار نہیں کیونکہ وہ دونوں مکمل طور پر باہمی رضامندی اور گھروالوں کی اجازت سے شادی کرنے جا رہے ہیں۔
ساجد زیب نے میڈیا سے بات کرتے ہوئے بتایا کہ اس کی مینڈی سے پہلی بار ملاقات دو سال قبل فیس بک کے ذریعے ہوئی تھی۔ دونوں میں رابطہ بڑھا، دوستی محبت میں بدلی اور آخر کار مینڈی نے ساجد کو پروپوز کردیا۔ ساجد کے مطابق اس نے بھی فوراً ہاں کردی اور دونوں نے اپنے اپنے خاندان کو اعتماد میں لے لیا۔
ساجد نے مزید بتایا کہ مینڈی ایئرہوسٹس ہے اور امریکی شہر شکاگو کی رہائشی ہے۔ وہ اتوار کے روز اسلام آباد ایئرپورٹ پہنچی جہاں اس کا شاندار استقبال گلدستوں سے کیا گیا، بعد ازاں وہ اسلام آباد سے براہِ راست دیر اپر کے علاقے عشیرئی درہ صدیقہ بانڈہ پہنچی جہاں مقامی افراد نے اس جوڑے کا خیر مقدم کیا۔
ساجد کا کہنا ہے کہ نکاح کی تقریب اسلامی اصولوں اور مقامی رسم و رواج کے مطابق انجام دی جائےگی۔
دوسری جانب مینڈی نے ساجد کے ساتھ اس کے گھر میں بیٹھ کر ایک ویڈیو بیان میں کہاکہ وہ پہلی بار پاکستان آئی ہیں، اور یہاں آکر انہیں اندازہ ہوا کہ پاکستان نہایت خوبصورت، پُرامن اور محبت سے بھرپور ملک ہے۔
یہ بھی پڑھیں: محبت کے لیے پاکستان آنے والی بھارتی خاتون انجو واپس کیوں جا رہی ہے؟
اس دلچسپ داستان نے مقامی کمیونٹی میں خوشی کی لہر دوڑا دی ہے، اور لوگ اسے سوشل میڈیا کے ذریعے جڑنے والے رشتوں کی ایک کامیاب مثال قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی خاتون آن لائن محبت دلہن دیر سوشل میڈیا وی نیوز.
ذریعہ
ذریعہ: WE News
کلیدی لفظ: امریکی خاتون ا ن لائن محبت دلہن سوشل میڈیا وی نیوز امریکی خاتون
پڑھیں:
اسحاق ڈار کا کویتی وزیر خارجہ سے رابطہ‘ بیلجیئم میں تعینات پاکستانی سفیر کی ملاقات
اسلام آباد (خبر نگار خصوصی) نائب وزیرِاعظم و وزیرِ خارجہ سینیٹر محمد اسحاق ڈار نے کویت کے وزیرِ خارجہ شیخ جراح جابر الاحمد الصباح سے ٹیلیفونک گفتگو کی جس میں خطے اور دنیا میں جاری بدلتی ہوئی صورتحال پر تبادلہ خیال کیا گیا۔کویتی وزیرِ خارجہ شیخ جراح جابر الاحمد الصباح نے پاکستان کے مسلسل مصالحتی کردار اور امریکہ و ایران کے درمیان روابط و مذاکرات میں سہولت کاری کی کوششوں کو سراہااور علاقائی امن و سلامتی کے فروغ میں پاکستان کے تعمیری کردار کی تعریف کی۔دفتر خارجہ سے جاری بیان کے مطابق نائب وزیرِاعظم و وزیرِخارجہ نے اس عزم کا اعادہ کیا کہ پاکستان سفارتکاری اور مسلسل مذاکرات کو خطے میں پائیدار امن و استحکام کے حصول کا بہترین راستہ سمجھتا ہے اور اس کی حمایت جاری رکھے گا۔ دونوں جانب نے پاکستان اور کویت کے درمیان مضبوط برادرانہ تعلقات کی بھی توثیق کی اور آئندہ بھی قریبی رابطے برقرار رکھنے پر اتفاق کیا۔ علاوہ ازیں نائب وزیراعظم و وزیر خارجہ سینیٹر محمد اسحاق ڈار سے بیلجیم میں پاکستان کے سفیر رحیم حیات قریشی نے ملاقات کی۔ دفتر خارجہ کے مطابق نائب وزیراعظم نے یورپی یونین کی اعلیٰ نمائندہ نائب صدر کے حالیہ دورہ پاکستان کے مثبت نتائج کو مدنظر رکھتے ہوئے سفیر کو ہدایت کی کہ وہ اس دورے کے دوران طے پانے والی مفاہمتوں پر عملدرآمد کی پیروی جاری رکھیں اور یورپی یونین کے ساتھ تعاون کو مزید وسعت دینے کیلئے کوششیں تیز کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ