بارشوں سے ڈیموں میں پانی کی آمد میں مسلسل اضافہ، واسا کی جانب سے الرٹ جاری
اشاعت کی تاریخ: 1st, July 2025 GMT
ملک میں جاری بارش کے سلسلے سے ڈیموں میں پانی کی آمد میں اضافہ ہوگیا ہے، اسلام آباد میں راول ڈیم اور سملی ڈیم میں پانی کی سطح بلند ہوگئی ہے جس کے باعث واسا نے الرٹ جاری کردیا ہے، جبکہ تربیلا ڈیم میں بھی پانی کی سطح مسلسل بلند ہورہی ہے۔
محکمہ موسمیات اورایم ڈی واسا کے مطابق پیر اور منگل کی درمیانی شپ اسلام آباد کے سیکٹر ایچ-8 میں سب سے زیادہ 66 ملی میٹر بارش ریکارڈ کی گئی جبکہ شمس آباد میں 59 ملی میٹربارش ہوئی۔
یہ بھی پڑھیں: خانپور ڈیم میں پانی ڈیڈ لیول کے قریب پہنچ گیا، راولپنڈی اور اسلام آباد کو سنگین بحران کا سامنا
تیز بارشوں کے باعث راول ڈیم اور سملی ڈیم میں پانی کی آمد میں اضافہ ہوا ہے، راول ڈیم میں پانی کی مکمل گنجائش 1752 فٹ ہے جبکہ موجودہ سطح 1735.
محکمہ موسمیات کا کہنا ہے کہ نالہ لئی میں کٹاریاں کے مقام پرپانی کی سطح ساڑھے 12 فٹ جبکہ گوالمنڈی پل پر 6.5 فٹ ریکارڈ کی گئی ہے، حکام نے نشیبی علاقوں میں رہائش پذیر شہریوں کو احتیاط برتنے کی ہدایت کی ہے۔
تربیلا ڈیم میں پانی کی سطح ڈیڈ لیول سے 96 فٹ بلندترجمان تربیلا ڈیم کے مطابق پانی کی سطح ڈیڈ لیول سے 96 فٹ بلند ہوکر 1498.65 فٹ تک پہنچ گئی ہے جبکہ پانی کی آمد 2 لاکھ 93 ہزار کیوسک ریکارڈ کی گئی ہے۔
یہ بھی پڑھیں: اگلے 4 سے5 روز میں منگلا، تربیلا ڈیمز میں پانی مکمل ختم ہونے کا خدشہ
تربیلا ڈیم سے پانی کا اخراج اس وقت 1 لاکھ 50 ہزار کیوسک ہے، جوآبپاشی اورتوانائی کی ضروریات کے مطابق جاری رکھا جارہا ہے، ڈیم کے تمام 17 پیداواری یونٹ فعال ہیں اوران سے مجموعی طورپر2613 میگاواٹ بجلی پیدا کی جارہی ہے،جو نیشنل گرڈ کو فراہم کی جارہی ہے۔
حکام کے مطابق پانی کی موجودہ صورتحال تسلی بخش ہے اور بجلی کی پیداوار میں مزید اضافے کا امکان ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسلام اباد الرٹ جاری بارش پاکستان پانی تربیلا ڈیم راول ڈیم سملی ڈیم محکمہ موسمیات ہری پور واساذریعہ: WE News
کلیدی لفظ: اسلام اباد الرٹ جاری پاکستان پانی تربیلا ڈیم راول ڈیم سملی ڈیم محکمہ موسمیات ہری پور واسا ڈیم میں پانی کی پانی کی سطح تربیلا ڈیم راول ڈیم سملی ڈیم کے مطابق گئی ہے
پڑھیں:
ملک بھر میں مون سون بارشیں، این ڈی ایم اے کا الرٹ جاری
—فائل فوٹوملک بھر کے مختلف علاقوں میں آئندہ 3 سے 4 روز میں مون سون بارشیں متوقع ہیں۔
اسلام آباد سے این ڈی ایم اے نے مون سون بارشوں اور ممکنہ سیلاب کے حوالے سے الرٹ جاری کر دیا ہے۔
نیشنل ڈیزاسٹر مینجمنٹ اتھارٹی کے مطابق آج سے 5 جولائی تک کشمیر، اسلام آباد میں موسلادھار بارشیں متوقع ہیں۔
این ڈی ایم اے کے مطابق آج سے 5 جولائی تک پوٹھوہار، شمالی و وسطی خیبر پختون خوا میں بھی موسلادھار بارشیں متوقع ہیں جبکہ پشاور، چارسدہ، نوشہرہ اور کوہاٹ میں بارشوں سے اربن فلڈنگ کا خدشہ ہے۔
راولپنڈی، اسلام آباد، اٹک اور چکوال میں آج رات 9 بجے سے صبح 4 بجے تک بارش کا امکان ہے۔
جہلم، منڈی بہاؤالدین، گجرات، سیالکوٹ، گوجرانوالہ، نارووال اور لاہور میں موسلادھار بارشیں متوقع ہیں۔
بارشوں کے باعث فیصل آباد اور سرگودھا ڈویژن کے نشیبی علاقوں میں سیلابی صورتِ حال کا امکان ہے۔
ہزارہ، مالاکنڈ، آزاد کشمیر اور پیر پنجال کے ندی نالوں میں طغیانی اور پہاڑی علاقوں میں لینڈ سلائیڈنگ کا امکان ہے۔
دریائے کابل، سوات اور چترال و ہنزہ کے منسلک ندی نالوں میں پانی کے بہاؤ میں اضافہ متوقع ہے، 2 سے 5 جولائی کے دوران کراچی، حیدر آباد، ٹھٹہ اور بدین میں شدید بارشیں متوقع ہیں۔
موسلادھار بارشوں کے باعث کراچی، حیدر آباد، ٹھٹہ اور بدین میں اربن فلڈنگ کا خدشہ ہے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی