وزیرِ اعظم شہباز شریف کا ایرانی سفارتخانے کا دورہ، تعزیت اور اظہارِ یکجہتی
اشاعت کی تاریخ: 1st, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وزیراعظم میاں محمد شہباز شریف نے ایران میں حالیہ سانحے پر اظہار تعزیت کے لیے وفاقی دارالحکومت اسلام آباد میں واقع ایرانی سفارت خانے کا دورہ کیا، جہاں ایرانی سفیر رضا امیری مقدم سمیت دیگر سینئر حکام نے ان کا پرتپاک استقبال کیا۔
تفصیلات کے مطابق میاں محمد وزیراعظم شہباز شریف کے ہمراہ نائب وزیراعظم و وزیر خارجہ اسحاق ڈار، وزیراعظم کے معاونِ خصوصی طارق فاطمی اور سیکریٹری خارجہ بھی موجود تھے۔
اس موقع پر وزیراعظم نے تعزیتی کتاب میں اپنے تاثرات تحریر کیے اور ایرانی شہداء کو خراجِ عقیدت پیش کرتے ہوئے زخمیوں کی جلد صحتیابی کے لیے نیک تمناؤں کا اظہار کیا۔
وزیراعظم نے ایران کے غیور اور جری عوام کی قربانیوں اور ثابت قدمی کو سراہتے ہوئے کہا کہ پاکستان دکھ کی اس گھڑی میں ایران کے ساتھ مکمل یکجہتی کے عزم پر قائم ہے۔
شہباز شریف نے ایرانی سپریم لیڈر آیت اللہ علی خامنہ ای اور صدر مسعود پزیشکیان کے لیے نیک خواہشات کا پیغام بھی تحریر کیا اور کہا کہ پاکستان اور ایران کے مابین تاریخی، مذہبی اور ثقافتی رشتے آزمائش کی ہر گھڑی میں مزید مضبوط ہوتے جا رہے ہیں۔
وزیراعظم نے واضح کیا کہ پاکستان آئندہ بھی ایران کی حمایت اور بھائی چارے کے جذبے کو اسی مضبوطی سے جاری رکھے گا۔
.ذریعہ: Jasarat News
کلیدی لفظ: شہباز شریف
پڑھیں:
وزیرِ اعظم شہباز شریف کی آئندہ مون سون سے قبل تیاری کی ہدایت، قلیل المدتی منصوبے کی منظوری
وزیرِ اعظم محمد شہباز شریف کے زیرِ صدارت اسلام آباد میں موسمیاتی تبدیلی کے مضر اثرات سے بچاؤ کے حوالے سے جائزہ اجلاس منعقد ہوا۔ اجلاس میں آئندہ برس کے مون سون کے ممکنہ جانی و مالی نقصانات سے بچاؤ کے لیے فوری تیاری کی ہدایت دی گئی۔
وزیرِاعظم نے کہا کہ پاکستان ترقی پذیر ملک ہے اور ہر تیسرے سال موسمیاتی تبدیلی کے مضر اثرات پر ملکی جی ڈی پی کا خاطر خواہ حصہ خرچ کرنا پڑتا ہے، جبکہ قیمتی اور محدود وسائل ترقی کی بجائے اس بچاؤ میں صرف ہوتے ہیں۔
مزید پڑھیں: مزید بارشوں کی پیشگوئی، پنجاب میں مون سون کا 11واں اسپیل جاری
انہوں نے زور دیا کہ پاکستان جس کا موسمیاتی تبدیلی میں کردار نہ ہونے کے برابر ہے، موسمیاتی تبدیلی کے اثرات کی لپیٹ میں ہے، اس لیے فوری اقدامات ضروری ہیں۔
وزیرِ اعظم محمد شہباز شریف کی آئندہ برس مون سون میں کسی بھی جانی و مالی نقصان سے بچنے کیلئے ابھی سے تیاری کی ہدایت، وزرات موسمیاتی تبدیلی کی جانب سے قلیل مدتی منصوبے کی منظوری، فوری عملدرآمد شروع کرنے کی ہدایت@KulAalam @asifbashirch pic.twitter.com/KEGxUHemDF
— Media Talk (@mediatalk922) November 19, 2025
اجلاس میں وزارت موسمیاتی تبدیلی، وزارت منصوبہ بندی، این ڈی ایم اے اور صوبائی حکومتوں کے ساتھ مل کر موسمیاتی تبدیلی کے حوالے سے مربوط منصوبہ سازی کی ہدایت کی گئی۔
وزیرِ اعظم نے پانی کے بہتر انتظام کے لیے نیشنل واٹر کونسل کے اجلاس کے انعقاد کی تیاری کی بھی ہدایت دی۔ اجلاس کو عالمی تخمینوں کے مطابق آئندہ مون سون کے اشاریوں پر بریفنگ دی گئی۔
مزید پڑھیں: بلوچستان میں مون سون بارش کا نیا سلسلہ، پی ڈی ایم اے نے الرٹ جاری کر دیا
وزارت موسمیاتی تبدیلی نے قلیل، وسط اور طویل المدتی منصوبوں پر تفصیلی رپورٹ پیش کی۔ وزیرِ اعظم نے قلیل المدتی منصوبے کی منظوری دیتے ہوئے فوری عملدرآمد کا حکم دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئندہ مون سون وزیر اعظم محمد شہباز شریف
عازمین حج کے لیے اہم خبر ؛ قسط جمع کروانے کی آخری تاریخ آگئی