ڈی آئی خان: مولانا فضل الرحمان کی رہائش گاہ پر اضافی سیکیورٹی تعینات
اشاعت کی تاریخ: 2nd, July 2025 GMT
ڈیرہ اسماعیل خان (ڈی آئی خان) میں سیکیورٹی خدشات کے پیش نظر جمعیت علمائے اسلام (ف) کے سربراہ مولانا فضل الرحمٰن کی رہائش گاہ پر اضافی سیکیورٹی تعینات کردی گئی۔
یہ بھی پڑھیں: ڈی آئی خان: مولانا فضل الرحمان کے قافلے پر حملہ، وزیراعظم نے رپورٹ طلب کرلی
ترجمان کے مطابق مولانا فضل الرحمٰن کے آبائی گاؤں عبداخیل میں واقع رہائش گاہ پر فرنٹیئر کانسٹیبلری (ایف سی) کی ایک مکمل پلاٹون تعینات کر دی گئی ہے۔ یہ اقدام ممکنہ خطرات کے پیش نظر وفاقی حکومت کی ہدایت پر عمل میں لایا گیا۔
میڈیا رپورٹس کے مطابق ایف سی تعیناتی کا نوٹیفکیشن 29 جون کو اس وقت جاری کیا گیا جب وزیراعظم شہباز شریف اور مولانا فضل الرحمان کے درمیان ملاقات ہوئی، اس ملاقات کے بعد سیکیورٹی انتظامات میں اضافے کا فیصلہ کیا گیا۔
یہ بھی پڑھیں: چمن: جے یو آئی رہنما حافظ حمداللہ کی گاڑی پر فائرنگ
واضح رہے کہ حالیہ دنوں میں مولانا فضل الرحمان کے صاحبزادے مولانا اسجد محمود کو اغوا کرنے کی کوشش کی گئی تھی، جس کے بعد سیکیورٹی خدشات مزید بڑھ گئے تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اضافی سیکیورٹی ایف سی ڈی آئی خان سیکیورٹی خدشات مولانا فضل الرحمان وی نیوز.ذریعہ: WE News
کلیدی لفظ: اضافی سیکیورٹی ایف سی ڈی ا ئی خان سیکیورٹی خدشات مولانا فضل الرحمان وی نیوز مولانا فضل الرحمان ڈی ا ئی خان
پڑھیں:
دورہ جامعہ اشرفیہ‘ علوم کی تقسیم حکمرانوں نے اپنے مفادات کیلئے کی: فضل الرحمان
لاہور (خصوصی نامہ نگار) جمعیت علماء اسلام پاکستان کے سربراہ مولانا فضل الرحمن نے ملک کے معروف دینی ادارہ جامعہ اشرفیہ لاہور کا دورہ کیا جہاں انہوں نے مہتمم مولانا حافظ فضل الرحیم کی عیادت کرتے ہوئے کہا کہ مولانا فضل الرحیم کی دینی علمی و ملی خدمات انتہائی قابل قدر اور علماء کے لیے مشعل راہ ہیں۔ اللہ تعالی ان کو جلد مکمل صحت عطا فرمائے۔ مولانا فضل الرحمن نے جامعہ شرفیہ لاہور کے نائب مہتمم و ناظم اعلیٰ مولانا قاری ارشد عبید، استاذ الحدیث و ناظم تعلیمات پروفیسر مولانا محمد یوسف خان، مولانا حافظ اسعد عبید، حافظ اجود عبید، مولانا زبیر حسن اور مولانا مجیب الرحمن سمیت دیگر علماء سے ملاقات کرتے ہوئے کہا کہ جامعہ اشرفیہ لاہور کی اسلام اور ملک و قوم کے لیے خدمات قابل فخر اور لائق تحسین ہیں۔ اس موقعہ پر مولانا اویس حسن، مولانا سعد بن اسعد، مولانا حسن اشرفی، مولانا حماد حسن اور دیگر علماء بھی موجود تھے۔ مولانا فضل الرحمن نے مسجد حسن جامعہ اشرفیہ لاہور میں طلباء سے خطاب کرتے ہوئے کہا کہ یہ دینی مدارس دین اسلام کے محافظ، ہدایت کے سرچشمے اور اسلام کے مضبوط قلعے ہیں۔ نسل نو کی ایمان کی حفاظت کا فریضہ سرانجام دے رہے ہیں۔ انہوں نے کہا کہ دینی و عصری علوم کی تقسیم انگریز اور حکمرانوں نے اپنے مفادات کے لیے کی ہے۔ 1857ء کی جنگ آزادی سے قبل ان علوم کی یہ تقسیم نہیں تھی۔ اس موقعہ پر انہوں نے دورہ حدیث شریف کے طلباء اور علماء کرام کو ’’ اجازت سند حدیث ‘‘بھی دی۔ فضل الرحمن نے دارالعلوم مدینہ ملتان روڈ میں امیر جے یو آئی لاہور شیخ الحدیث مولانا محب النبی، ناظم شعبہ تبلیغ لاہور مولانا عبدالشکور یوسف، قاری عبدالعزیز سے ان کے مرحومین کی وفات پر اظہار تعزیت کیا۔
ایشیا کپ فائنل : سندھ کے 6 شہروں میں بڑی اسکرینز پر پاک بھارت میچ دکھانے کا فیصلہ