اٹک: سیلابی ریلے میں پھنسے شہری کو بچا لیا گیا، وزیراعلیٰ کی ریسکیو عملے کو شاباش
اشاعت کی تاریخ: 3rd, July 2025 GMT
وزیراعلیٰ پنجاب مریم نواز شریف کی ہدایات پر مون سون کے دوران ریسکیو اداروں کی پیشگی تیاریوں نے انسانی جان بچا لی۔ اٹک کے نواحی گاؤں ماڑی کنجور کے قریب دریائے ہرو میں 45 سالہ چرواہا جانور چراتے ہوئے اچانک سیلابی ریلے کی زد میں آ گیا، تاہم ریسکیو 1122 کی مستعد ٹیم نے بروقت پہنچ کر ایک بڑی انسانی جان کا نقصان ہونے سے بچا لیا۔
واقعے کی اطلاع ملتے ہی ڈسٹرکٹ ایمرجنسی آفیسر علی حسین کی سربراہی میں ریسکیو ٹیم جائے وقوعہ پر پہنچی اور فوری امدادی کارروائی کا آغاز کیا۔ ماہر اور تربیت یافتہ ریسکیورز نے خطرناک پانی میں سینکڑوں فٹ نیچے جا کر پھنسے ہوئے شہری کو نہایت مہارت سے بحفاظت نکالا اور محفوظ مقام پر منتقل کیا۔ متاثرہ شخص نے اپنے بیان میں کہا کہ اللہ تعالیٰ نے نئی زندگی دی، میں وزیراعلیٰ مریم نواز شریف اور ریسکیو اہلکاروں کا دل سے شکر گزار ہوں۔
شاباش!
اٹک کے گاؤں ماڑی کنجور میں 45 سالہ شخص جانور چراتے ہوئے ہرو دریا کے سیلابی ریلے میں پھنس گیا- ریسکیو 1122 کی الرٹ ٹیمیں ڈسٹرکٹ ایمرجینسی آفیسر علی حسین کے زیرِ نگرانی موقع پر پہنچیں اور نہایت مہارت سے سیلابی ریلے میں پھنسے شخص کو بروقت اور بحفاظت نکال لیا۔ pic.
— Maryam Nawaz Sharif (@MaryamNSharif) July 2, 2025
وزیراعلیٰ مریم نواز شریف نے واقعے کا نوٹس لیتے ہوئے ریسکیو آپریشن کی ورچوئل مانیٹرنگ خود کی، اور اٹک کی انتظامیہ اور امدادی اداروں کو بروقت اور مؤثر کارروائی پر شاباش دی۔ وزیراعلیٰ نے صوبہ بھر میں پہلے ہی مون سون کی آمد کے پیش نظر کمشنرز، ڈپٹی کمشنرز اور ریسکیو 1122 کو ہائی الرٹ کر رکھا ہے، جس کا نتیجہ یہ واقعہ بن کر سامنے آیا جہاں ایک قیمتی انسانی جان کو بچایا جا سکا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اٹک ریسکیو ادارہ 1122 ماڑی کنجور مریم نواز شریف مون سون وزیراعلٰی پنجابذریعہ: WE News
کلیدی لفظ: اٹک ریسکیو ادارہ 1122 ماڑی کنجور مریم نواز شریف مریم نواز شریف سیلابی ریلے
پڑھیں:
پورا پنجاب برابر ہے، کسی خطے سے تفریق نہیں کروں گی: مریم نواز
وزیراعلیٰ پنجاب مریم نواز نے کہا ہے کہ پورا پنجاب ان کے لیے ایک مٹھی کی طرح ہے جس میں کسی خطے کی تفریق نہیں۔
وہ یونیورسٹی آف ہوم اکنامکس لاہور میں پوزیشن ہولڈر طلبہ کے اعزاز میں منعقدہ تقریب سے خطاب کر رہی تھیں۔
یہ بھی پڑھیں: وزیراعلیٰ پنجاب مریم نواز نے آسان کاروبار کارڈ کا اجرا کردیا
’میرے لیے کوئی نارتھ پنجاب، ساؤتھ پنجاب یا سینٹرل پنجاب نہیں، پورا صوبہ میری اولاد کی طرح ہے اور میں سب کو جوڑ کر رکھنا چاہتی ہوں۔‘
وزیراعلیٰ نے کہا کہ ہونہار طلبہ نے والدین، اساتذہ، پنجاب اور پاکستان کا نام روشن کیا ہے۔
مزید پڑھیں: وزیراعلیٰ پنجاب مریم نواز نے طلبا و طالبات کو مزید ای بائیکس دینے کا اعلان کردیا
انہوں نے پوزیشن ہولڈر طلبا اور ان کے والدین اور اساتذہ کو مبارکباد پیش کرتے ہوئے کہا کہ جس ملک میں اتنے ٹاپر ہوں، اس پر زوال نہیں آسکتا۔
انہوں نے کہا کہ پنجاب میں 80 ہزار بچے اسکالرشپ پر تعلیم حاصل کر رہے ہیں جبکہ صوبے کے 50 ہزار سرکاری اسکولوں میں کروڑوں بچے زیر تعلیم ہیں۔
مزید پڑھیں: مریم نواز کا ایک سال میں’ایئر پنجاب‘ شروع کرنے کا اعلان
مریم نواز نے کہا کہ ہونہار طلبہ کو لیپ ٹاپ دیے جا رہے ہیں اور تعلیم کے معیار کو بہتر بنانے کے لیے اسکولوں میں جدید اسٹیم لیبز، گوگل کلاس رومز اور اے آئی کلاس رومز قائم کیے جا رہے ہیں۔
انہوں نے کہا کہ پنجاب میں اب امتحانی مراکز نہیں بکتے اور میرٹ پر سمجھوتہ نہیں ہوتا۔ ’اپوائنٹمنٹ کے لیے امیدواروں کے انٹرویوز میں خود کرتی ہوں تاکہ سفارش کی ضرورت نہ پڑے۔‘
مزید پڑھیں: مریم نواز کا ایک سال میں’ایئر پنجاب‘ شروع کرنے کا اعلان
ان کا کہنا تھا کہ پہلے سرکاری ٹھیکے من پسند افراد کو دیے جاتے تھے لیکن اب تمام ٹھیکے میرٹ پر دیے جاتے ہیں۔
وزیر اعلیٰ پنجاب نے مزید کہا کہ نوجوان ملک کی ترقی میں ریڑھ کی ہڈی ہیں اور پنجاب کے بیٹوں کے ساتھ بیٹیوں نے بھی نمایاں کارکردگی دکھائی ہے۔
’میرا اصل فوکس نوجوانوں پر ہے اور میں چاہتی ہوں کہ تعلیم کے ذریعے امیر اور غریب کا فرق ختم ہو۔‘
مزید پڑھیں: وزیراعلیٰ پنجاب مریم نواز نے نواز شریف آئی ٹی سٹی کا افتتاح کردیا
وزیراعلیٰ نے ’اسکول میل پروگرام‘ کو پورے پنجاب تک بڑھانے اور ہر اسکول میں سبجیکٹ اسپیشلسٹ فراہم کرنے کا اعلان کیا۔
’میں نہیں چاہتی کہ میرے بچے برآمدوں میں بیٹھ کر پڑھیں، ہر اسکول کو سینٹر آف ایکسیلنس بنایا جائے گا۔‘
تقریب میں وزیراعلیٰ نے اس عزم کا بھی اظہار کیا کہ پنجاب کو جرائم سے پاک، محفوظ اور جدید سہولیات سے آراستہ صوبہ بنایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب پوزیشن ہولڈرز مریم نواز وزیر اعلی
ایشیا کپ فائنل: بھارتی کپتان کا فوٹو شوٹ میں شرکت سے انکار پر سلمان آغا کا محتاط ردعمل