اسپیکر قومی اسمبلی کا پاک افغان سرحد پر دہشت گردوں کے خلاف کامیاب آپریشن پر سیکیورٹی فورسز کو خراجِ تحسین
اشاعت کی تاریخ: 4th, July 2025 GMT
اسلام آباد(نیوز ڈیسک)اسپیکر قومی اسمبلی سردار ایاز صادق نے پاک افغان سرحد پر بھارتی حمایت یافتہ دہشت گرد تنظیم “فتنۂ الخوارج” کے خلاف سیکیورٹی فورسز کی کامیاب کارروائی کو سراہتے ہوئے ان کی جرات، پیشہ ورانہ صلاحیت اور قومی خدمت کے جذبے کو خراج تحسین پیش کیا ہے۔
اسپیکر قومی اسمبلی نے 30 خوارجی دہشت گردوں کو جہنم واصل کرنے پر سیکیورٹی فورسز کو شاباش دیتے ہوئے کہا کہ یہ بروقت اور مؤثر کارروائی ملک کی سالمیت کے تحفظ میں ہماری فورسز کے عزم کا ثبوت ہے۔
سردار ایاز صادق نے کہا کہ بھارتی پشت پناہی والے دہشت گردوں کو ان کے منطقی انجام تک پہنچایا جا رہا ہے، اور اس مقصد میں پاکستان کی بہادر سیکیورٹی فورسز کلیدی کردار ادا کر رہی ہیں۔ انہوں نے مزید کہا کہ “فتنۂ الخوارج” جیسی انتہا پسند تنظیموں کے خاتمے کے لیے کیے گئے جرأت مندانہ اقدامات قابلِ تعریف ہیں۔
اسپیکر نے کہا کہ قوم کو اپنے سیکیورٹی اداروں کی قربانیوں، بہادری اور عزم پر فخر ہے، اور پوری قوم اس نازک وقت میں سیکیورٹی فورسز کے ساتھ شانہ بشانہ کھڑی ہے۔ انہوں نے قومی سلامتی کے تحفظ کے لیے جاری سیکیورٹی فورسز کے اقدامات کو انتہائی اہم قرار دیا اور کہا کہ ایسے اقدامات ملک کو دہشت گردی سے پاک بنانے کے سفر میں سنگِ میل کی حیثیت رکھتے ہیں۔
Post Views: 5.ذریعہ: Daily Mumtaz
کلیدی لفظ: سیکیورٹی فورسز کہا کہ
پڑھیں:
عزمِ استحکام مہم پائیدار امن کی ضمانت ہے، قومی اتفاق رائے برقرار رہے گا، صدر زرداری
صدرِ مملکت آصف زرداری نے خیبر پختونخوا میں سیکیورٹی فورسز کے 2 کامیاب آپریشنز میں 15 خوارج کے مارے جانے پر فورسز کو خراجِ تحسین پیش کیا ہے۔
اپنے بیان میں انہوں نے کہا کہ پاک سرزمین پر بیرونی پشت پناہی سے سرگرم دہشت گردوں کے مکمل خاتمے کا عزم پوری قوم کے اجتماعی اتفاقِ رائے سے جاری رہے گا۔
یہ بھی پڑھیں: ڈیرہ اسماعیل خان اور شمالی وزیرستان میں 15 دہشت گرد ہلاک، کمانڈر عالم محسود بھی مارا گیا
صدر زرداری کا کہنا تھا کہ بھارتی پشت پناہی یافتہ فتنۂ خوارج کے کارندوں، بشمول سرغنہ عالم محسود، کا مارا جانا سیکیورٹی فورسز کی کامیاب حکمتِ عملی کا واضح ثبوت ہے۔
انہوں نے کہا کہ ’عزمِ استحکام‘ کے تحت جاری انسدادِ دہشت گردی مہم ملک میں پائیدار امن کے قیام کے لیے قومی کاوشوں کا مظہر ہے۔
مزید پڑھیں: وزیر اطلاعات عطااللہ تارڑ کا وانا کیڈٹ کالج میں دہشتگرد حملہ ناکام بنانے پر سیکیورٹی فورسز کو خراج تحسین
انہوں نے اس امر پر زور دیا کہ انتہاپسندی اور دہشت گردی کے خلاف قائم قومی اتفاقِ رائے میں خلل ڈالنے کے لیے کسی بھی سطح پر کوئی سیاسی چال یا توجہ ہٹانے کی کوشش برداشت نہیں کی جائے گی۔
صدرِ مملکت نے آپریشنز میں حصہ لینے والے سیکیورٹی اہلکاروں اور قانون نافذ کرنے والے اداروں کے عزم، بہادری اور قربانیوں کو سلام پیش کرتے ہوئے کہا کہ اللہ کے فضل و کرم سے جلد وطنِ عزیز کو ہر خارجی کے شر سے مکمل طور پر پاک کر دیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اتفاق رائے آصف زرداری انتہاپسندی انسداد دہشت گردی خارجی خراج تحسین دہشت گردی سیکیورٹی اہلکار سیکیورٹی فورسز صدر مملکت عزم استحکام
پنجاب بھر کی عدالتوں میں سیکیورٹی انتظامات مزید سخت