محرم الحرام کے جلوسوں کیلئے سٹی ٹریفک پولیس لاہور کا جامع ٹریفک پلان جاری
اشاعت کی تاریخ: 4th, July 2025 GMT
محرم الحرام کے موقع پر سٹی ٹریفک پولیس لاہور نے 9 اور 10 محرم کو ٹریفک کی روانی اور شہریوں کی سہولت کے پیش نظر خصوصی ٹریفک ایڈوائزری پلان جاری کر دیا ہے سی ٹی او لاہور ڈاکٹر اطہر وحید کے مطابق ان دو دنوں کے دوران شہر بھر میں 600 سے زائد مجالس اور 117 جلوس برآمد ہوں گے جن کے لیے مکمل اور مؤثر ٹریفک پلان ترتیب دیا گیا ہے انہوں نے بتایا کہ 9 اور 10 محرم کو لاہور کے مختلف علاقوں سے 5 بڑے جلوس برآمد ہوں گے جن میں مرکزی یوم عاشور کا جلوس حسب روایت نثار حویلی سے شروع ہو کر اپنے روایتی راستوں سے گزرتا ہوا کربلا گامے شاہ پر اختتام پذیر ہو گا اس کے علاوہ پانڈو سٹریٹ خیمہ سادات قصر بتول شادمان نبی پور شیعاں لال پل ماڈل ٹاؤن چوہنگ اور ٹھوکر نیاز بیگ سے بھی اہم جلوس نکالے جائیں گے سی ٹی او کے مطابق ٹریفک کی روانی اور زائرین کی سہولت کیلئے پارکنگ اور متبادل راستوں کا تفصیلی جائزہ لے کر تمام پوائنٹس کو کلیئر کر دیا گیا ہے جبکہ ٹریفک وارڈنز کی تعیناتی مکمل کر دی گئی ہے محرم کے دوران ٹریفک کو رواں رکھنے کیلئے 400 سے زائد انسپکٹرز اور 2200 سے زیادہ اہلکار اپنی خدمات انجام دیں گے ڈاکٹر اطہر وحید نے مزید بتایا کہ تمام مجالس اور جلوسوں کی سیکیورٹی اور نگرانی کیلئے دو زونل ایس ایس پی چار ڈویژنل ایس پی اور 21 ڈی ایس پی تعینات کیے گئے ہیں جبکہ ہنگامی صورتحال سے نمٹنے کیلئے ایمرجنسی گاڑیوں کو فوری راستہ فراہم کرنے کا مکمل انتظام بھی موجود ہے سی ٹی او نے شہریوں سے اپیل کی ہے کہ وہ سوشل میڈیا اور راستہ ایپ کے ذریعے ٹریفک کی صورتحال سے باخبر رہیں اور کسی بھی مدد یا رہنمائی کیلئے ہیلپ لائن 15 سے رابطہ کریں انہوں نے ٹریفک وارڈنز کو ہدایت کی ہے کہ وہ لاوارث اشیا اور مشکوک افراد پر کڑی نظر رکھیں اور شہریوں سے کہا ہے کہ وہ جاری کردہ ٹریفک ایڈوائزری پر عمل کرتے ہوئے اپنا سفر محفوظ بنائیں سٹی ٹریفک پولیس لاہور نے اس عزم کا اظہار کیا ہے کہ وہ دیگر قانون نافذ کرنے والے اداروں کے ساتھ مل کر شہر میں امن و امان اور ٹریفک کی بہتری کو ہر ممکن یقینی بنائے گی
.ذریعہ: Nawaiwaqt
پڑھیں:
کوئٹہ، ہفتم محرم الحرام کا مرکزی جلوس برآمد
امام بارگاہ کلاں سے برآمد ہونے والے ماتمی جلوس میں سات ماتمی دستے موجود تھے۔ اس موقع پر سکیورٹی کے سخت انتظامات تھے۔ اسلام ٹائمز۔ ساتویں محرام الحرام کا مرکزی جلوس اور شبیہ ذوالجناح بلوچستان کے صوبائی دارالحکومت کوئٹہ میں برآمد ہوا۔ جس میں ماتمی دستوں اور عزاداروں کی بڑی تعداد شریک ہوئی۔ کوئٹہ کے علاقے میکانگی روڈ پر واقع امام بارگاہ کلاں سے برآمد ہونے والے ماتمی جلوس میں سات ماتمی دستے موجود تھے۔ جلوس کی سربراہی بلوچستان شیعہ کانفرنس کے صدر عاشق حسین ہزارہ کر رہے تھے، جبکہ انتظامیہ، پولیس اور انجمن تاجران کے نمائندے بھی اس موقع پر موجود تھے۔ جلوس عزاء اپنے روایتی راستے سے ہوتا ہوا پرنس روڈ، آرٹ اسکول روڈ، آرچر روڈ، اور لیاقت بازار سے ہوتا ہوا واپس میکانگی روڈ امام ناصر العزاء پر اختتام پذیر ہوا۔ اس موقع پر جلوس کے شرکاء نے نوحہ خوانی اور ماتم داری کرتے ہوئے عزاداری کی۔ جلوس عزاء کی سکیورٹی کے لئے بھی سخت انتظامات کئے گئے تھے۔ ایس ایس پی آپریشنز کوئٹہ محمد بلوچ نے بتایا کہ پولیس اور ایف سی پر مشتمل پانچ ہزار اہلکار سکیورٹی فرائض پر مامور ہیں، جبکہ پاک فوج کے پلٹون کو بھی اسٹینڈ بائی رکھا گیا ہے۔
کرکٹ اور شاعری