لاہور سمیت پنجاب بھر میں شدید حبس، بارش کا نیا سلسلہ کل سے متوقع
اشاعت کی تاریخ: 4th, July 2025 GMT
لاہور:
پنجاب بھر میں مون سون سیزن کے دوران شدید حبس اور خشک موسم کا راج برقرار ہے، جس کے باعث شہری شدید پریشانی کا شکار ہیں۔
محکمہ موسمیات کے مطابق، لاہور سمیت پنجاب کے مختلف علاقوں میں آئندہ 24 گھنٹوں کے دوران کہیں ہلکی اور کہیں تیز بارش کا امکان ہے، جبکہ آج لاہور شہر میں بھی ہلکی ہوائیں، شدید حبس اور بارش متوقع ہے۔
محکمہ موسمیات کے مطابق لاہور میں کم سے کم درجہ حرارت 31 اور زیادہ سے زیادہ 37 ڈگری سینٹی گریڈ تک جانے کا امکان ہے۔
شہر میں ہوا میں نمی کی شرح میں اضافے کے باعث شہری پسینے سے شرابور ہیں، جبکہ طبی ماہرین نے احتیاطی تدابیر اختیار کرنے کی ہدایت کی ہے۔
محکمہ موسمیات نے اطلاع دی ہے کہ بارش برسانے والا نیا مون سون سسٹم کل سے دوبارہ پاکستان میں داخل ہوگا، جس کے نتیجے میں مزید بارشوں اور تیز ہواؤں کا امکان ظاہر کیا جا رہا ہے۔
اس سے شہریوں کو ایک جانب گرمی سے کچھ ریلیف ملے گا، مگر دوسری جانب شہری نظامِ زندگی پر اثرات بھی مرتب ہو سکتے ہیں۔
شہریوں کی شکایات کے مطابق اگر لاہور ڈویلپمنٹ پروگرام کے جاری منصوبے بروقت مکمل نہ ہوئے تو مون سون کی بارشیں شہریوں کے لیے شدید مشکلات کا باعث بن سکتی ہیں، خصوصاً نکاسی آب کے مسائل مزید بڑھ سکتے ہیں۔
ایم ڈی واسا کا کہنا ہے کہ مون سون سیزن کے پیش نظر واسا کا آپریشنل اسٹاف فیلڈ میں موجود رہے گا تاکہ نکاسی آب کے عمل کو یقینی بنایا جا سکے اور شہریوں کو کسی بھی ممکنہ پریشانی سے بچایا جا سکے۔
.ذریعہ: Express News
پڑھیں:
کراچی سمیت سندھ کے کئی شہروں میں آج تا 5 جولائی بارش کا امکان
—فائل فوٹوکراچی میں آج سے 5 جولائی کے دوران ہلکی بارش کا امکان ہے جبکہ اس دوران چند مقامات پر معتدل بارش بھی ہو سکتی ہے۔
موسمیاتی ماہر کے مطابق مون سون کا دوسرا سسٹم سندھ کے جنوبی اور مشرقی علاقوں پر اثرانداز ہے، جس کے زیرِ اثر تھرپاکر، نگرپارکر، مٹھی، عمر کوٹ، دادو، سکھر میں آج سے 5 جولائی کے دوران بارش کا امکان ہے جبکہ بلوچستان کے وسطی علاقے پر بھی یہ سسٹم ا ثر انداز ہے۔
موسمیاتی ماہر نے بتایا ہے کہ 6 جولائی کو مغربی ہواؤں کا بارش برسانے والا سسٹم ملک کے بالائی علاقوں پر اثر انداز ہو سکتا ہے، 6 سے 11 جولائی کے دوران مون سون ہواؤں کے زیرِ اثر ملک بھر بارشوں کا امکان ہے۔
دوسری جانب نیشنل ڈیزاسٹر مینجمنٹ اتھارٹی (این ڈی ایم اے ) نے 6 تا 10 جولائی ملک بھر میں بارش، آندھی، طوفان اور متعدد مقامات پر سیلاب کا الرٹ جاری کر دیا۔
این ڈی ایم اےکے ترجمان کے مطابق اسلام آباد، راولپنڈی، اٹک، جہلم،چکوال، میانوالی، سرگودھا، لاہور، قصور، اوکاڑہ میں آندھی و طوفان کے ساتھ بارش کا امکان ہے۔
خوشاب، گوجرانوالہ، گجرات، فیصل آباد میں آندھی کے ساتھ ،ملتان، خانیوال، بہاولپور، بہاولنگر، رحیم یار خان، ڈیرہ غازی خان میں تیز ہواؤں کے ساتھ بارش کا امکان ہے۔
موسلادھار بارش سے ندی نالوں میں طغیانی اور پہاڑی علاقوں میں لینڈ سلائیڈنگ کا خدشہ ہے۔
دیر، سوات، چترال، کوہستان، شانگلہ، بونیر، بٹگرام، صوابی، نوشہرہ، چارسدہ، مالاکنڈ ،مانسہرہ، ایبٹ آباد، پشاور، مردان، ہری پور، بنوں، کوہاٹ میں گرج چمک کے ساتھ بارش کا امکان ہے۔
گلگت، اسکردو، ہنزہ، استور، دیامر، گانچھے، شگر میں شدید بارش اور سیلابی صورتِ حال کا خدشہ ہے۔
مظفر آباد، وادیٔ نیلم، راولا کوٹ، حویلی، باغ میں شدید بارش کا امکان اور ممکنہ سیلابی صورتِ حال کا خدشہ ہے۔
سکھر، نوابشاہ، کشمور، حیدر آباد، کراچی، تھر پارکر، میرپور خاص، عمر کوٹ، سانگھڑ،جامشورو، ٹنڈو اللّٰہ یار، ٹھٹھہ، بدین، مٹھی میں بارش کا امکان ہے۔
گھوٹکی، خیرپور، شکارپور، لاڑکانہ، جیکب آباد، دادو میں بھی شدید بارشیں متوقع ہیں جبکہ بارشوں کے باعث شہری علاقوں میں ممکنہ طور پر سیلابی صورتِ حال کا خدشہ بھی ہے۔
کوئٹہ، ژوب، زیارت، قلات، خضدار، آواران، بارکھان، جعفر آباد، کوہلو، سبی، ڈیرہ بگٹی، لورا لائی، لسبیلہ، نصیر آباد میں بھی بارش کا امکان ہے جبکہ شدید بارشوں سے اربن فلڈنگ اور لینڈ سلائیڈنگ کا خدشہ بھی ہے۔
صدر مملکت اور وزیر اعظم کی سکیورٹی فورسز کے قافلے پر حملے کی مذمت