کراچی سمیت سندھ کیلیے مزید ای وی بسوں، بی آر ٹی پل اور پنک ٹیکسی سروس کے اعلانات
اشاعت کی تاریخ: 28th, October 2025 GMT
کراچی: سندھ حکومت نے شہر قائد سمیت صوبے کے دیگر شہروں کے لیے مزید ای وی بسوں، بی آر ٹی پل اور پنک ٹیکسی سروس کے اعلانات کیے ہیں۔
خواتین کے لیے ایک اور انقلابی قدم اٹھاتے ہوئے سندھ حکومت نے کراچی کے بعد اب حیدرآباد، سکھر اور لاڑکانہ میں اسکوٹی ٹریننگ پروگرام شروع کرنے کا اعلان کیا ہے۔ اس منصوبے کا مقصد صوبے بھر میں خواتین اور طالبات کو نہ صرف محفوظ اور بااعتماد سفری سہولیات فراہم کرنا ہے بلکہ انہیں خودمختار اور معاشی طور پر مضبوط بنانا بھی ہے۔
یہ فیصلہ سندھ کے سینئر وزیر برائے ٹرانسپورٹ شرجیل انعام میمن کی زیرِ صدارت ایک اہم اجلاس میں کیا گیا جس میں سیکریٹری ٹرانسپورٹ اسد ضامن، ایم ڈی ایس ایم ٹی اے کنول نظام بھٹو اور دیگر اعلیٰ حکام نے شرکت کی۔ اجلاس میں جاری اور آئندہ ٹرانسپورٹ منصوبوں کا تفصیلی جائزہ لیا گیا اور عوامی سہولت کے لیے کئی اہم فیصلے کیے گئے۔
شرجیل انعام میمن نے اجلاس کے بعد کہا کہ خواتین کو معاشی طور پر بااختیار بنانے کے لیے سندھ حکومت عملی اقدامات کر رہی ہے۔ اسکوٹی ٹریننگ پروگرام نجی کمپنی کے اشتراک سے شروع کیا جا رہا ہے، جس میں خواتین اور طالبات کو محفوظ ڈرائیونگ کی تربیت دی جائے گی۔
انہوں نے بتایا کہ تربیت مکمل کرنے والی خواتین کو مفت ڈرائیونگ لائسنس جاری کیے جائیں گے تاکہ انہیں کسی مالی بوجھ کا سامنا نہ کرنا پڑے۔یہ پروگرام صرف نقل و حرکت کا ذریعہ نہیں بلکہ خواتین کی خود انحصاری اور روزگار کے مواقع بڑھانے کی سمت ایک مثبت پیش رفت ہے۔ حکومت چاہتی ہے کہ سندھ بھر میں خواتین اپنی مرضی سے اور باعزت طریقے سے سفر کرسکیں۔
اجلاس میں پیپلز بس سروس کے دائرہ کار کو مزید بڑھانے کا بھی فیصلہ کیا گیا۔ انہوں نے بتایا کہ خیرپور، شکارپور اور نوشہرو فیروز میں بیس نئی بسیں چلائی جائیں گی تاکہ معیاری اور آرام دہ سفری سہولیات دوسرے شہروں تک بھی پہنچ سکیں۔
اسی طرح کراچی میں گلشن معمار تا ٹاور ایک نیا ای وی بس روٹ شروع کیا جا رہا ہے، جس میں پندرہ الیکٹرک بسیں شامل ہوں گی۔ یہ روٹ شہریوں کو جدید، ماحول دوست اور خاموش سفری تجربہ فراہم کرے گا۔ اس کے ساتھ ساتھ یلو لائن بی آر ٹی کے اہم حصے تاج حیدر پل کو بھی عوام کے لیے کھولنے کا فیصلہ کر لیا گیا ہے، جس سے ٹریفک کا دباؤ کم ہونے کی امید ہے۔
مزید برآں شرجیل میمن نے اعلان کیا کہ دسمبر میں سندھ حکومت ای وی ٹیکسی سروس کا آغاز کرے گی، جس میں ابتدائی طور پر تیس پنک ای وی ٹیکسیز متعارف کرائی جائیں گی۔ یہ سروس خواتین کے لیے مخصوص ہوگی اور ان ٹیکسیوں کے لیے خواتین ڈرائیورز کو خصوصی تربیت فراہم کی جائے گی۔
شرجیل میمن نے کہا کہ سندھ حکومت ماحولیاتی تحفظ، خواتین کے بااختیار ہونے اور شہری سہولتوں کے فروغ کو بیک وقت ترجیح دے رہی ہے۔ نئے منصوبوں کے نتیجے میں صوبے میں روزگار، جدید ٹرانسپورٹ اور سماجی خوشحالی کے مواقع میں اضافہ ہوگا۔
.ذریعہ: Al Qamar Online
کلیدی لفظ: پاکستان کھیل سندھ حکومت کے لیے
پڑھیں:
کراچی، کورنگی میں مکان کی چھت گرنے سے بچی جاں بحق
شہر قائد کے علاقے کورنگی سیکٹر 32-اے تھانہ زمان ٹاؤن کی حدود میں واقعے ضیا کالونی میں گھر کے کمرے کی چھت گرنے سے ڈیڑھ سالہ بچی جاں بحق جبکہ ایک بچی سمیت دو خواتین زخمی ہوگئیں۔
تفصیلات کے مطابق حادثہ اس وقت پیش آیا جب خواتین اور بچے کمرے میں موجود تھے، اچانک چھت کا بیم ٹوٹنے سے ملبہ ان پر آ گرا۔
حادثے میں جاں بحق اور زخمی ہونے والی خواتین اور بچیوں چھیپا ایمبولنس کے ذریعے کو جناح اسپتال منتقل کیا گیا۔ جہاں جاں بحق بچی کی شناخت ڈیڑھ سالہ عائشہ دختر محسن کے نام سے ہوئی جبکہ زخمیوں میں 45 سالہ حمیدہ زوجہ امام الدین سمیت 2 خاتون اور ایک 7 سالہ بچی دعا دختر عامر کے ناموں سے کی گئی۔
پولیس کے مطابق ابتدائی تفتیش میں معلوم ہوا ہے کہ 40 سے 50 گز کے مکان کی چھت کمزور تھی حادثہ مبینہ طور پر چھت پر وزن بڑھنے سے حادثہ پیش آیا۔ مکان میں کرایہ دار مقیم تھے، جبکہ مالک مکان کی تلاش جاری ہے۔ پولیس نے واقعے کی مزید تحقیقات شروع کر دی ہیں۔
مریم نواز کا لندن ہائیکورٹ میں مقدمہ جیتنے پر چینل نے معافی مانگ لی