کراچی: 3 خواتین کی لاشیں ملنے والے کیس کا ڈراپ سین، اقبال جرم کس نے کیا؟
اشاعت کی تاریخ: 10th, December 2025 GMT
کراچی میں گلشن اقبال کے ایک فلیٹ سے 3 خواتین کی لاشیں ملنے کے معاملے میں اہم پیشرفت سامنے آئی ہے اور اس حوالے سے 2 ملزمان نے اقبال جرم بھی کرلیا ہے۔
یہ بھی پڑھیں: کراچی میں ماں نے اپنے 2 بچوں کو قتل کردیا، وجہ کیا بنی؟
یاد رہے کہ یاد رہے کہ چند روز قبل کراچی کے علاقے گلشن اقبال میں واقع فلیٹ سے 3 خواتین کی لاشیں ملی تھیں جبکہ ایک شخص نیم بے ہوشی کی حالت میں بھی ملا تھا۔ مرنے والی تینوں خواتین ماں، بیٹی اور بہو تھیں۔
پولیس ذرائع کے مطابق باپ اور بیٹے کی گرفتاری عمل میں لائی گئی اور دونوں نے تینوں خواتین کو قتل کرنے کا اعتراف کرلیا ہے۔
پولیس کے مطابق تحقیقات میں یہ اہم پہلو سامنے آیا ہے کہ لڑکے کی بیوی کو مبینہ طور پر جوس میں زہر ملائے جانے کا علم تھا جبکہ لڑکی کی ماں اور بہن کو اس بارے میں کچھ معلوم نہیں تھا۔ اس سے قبل باپ اور بیٹے کو پولیس حراست میں لیا گیا تھان تاہم اب باقاعدہ گرفتاری کرلی گئی ہے۔
زہریلا جوس کس نے پلایا؟پولیس ذرائع کے مطابق اگرچہ موت کا مقدمہ درج کر لیا گیا تھا مگر یہ بات واضح نہیں ہو پا رہی تھی کہ تمام افراد نے خود زہریلا مشروب پیا تھا یا کسی ایک نے باقیوں کو پلایا تھا۔
مزید پڑھیے: کراچی: فلیٹ سے 3 خواتین کی لاشیں ملنے کا واقعہ، نئے لرزہ خیز انکشافات سامنے آگئے
تاہم نئے شواہد سے معلوم ہوا ہے کہ باپ اور بیٹے کے ساتھ ان کی بہو کو بھی زہر ملائے جانے کا علم تھا لیکن مرنے والی خاتون کی ماں اور بہن لاعلم تھیں۔ اس بنیاد پر پولیس کا ماننا ہے کہ دونوں خواتین کا قتل ہوا ہے لہٰذا اب کیس قتل کی دفعات کے تحت آگے بڑھایا جا رہا ہے۔
گھر سے 2 مبینہ خودکشی کے خط بھی ملےپولیس کے مطابق گھر سے دو خط بھی برآمد ہوئے ہیں جن میں لکھا ہے کہ وہ قرض ادا نہ کرنے کی وجہ سے خودکشی کر رہے ہیں۔ خط میں مزید لکھا گیا ہے کہ گھر میں موجود کچھ قیمتی اشیا فروخت کرکے تدفین کا انتظام کیا جائے اور بچ جانے والی رقم مدرسے کو دے دی جائے۔
مزید پڑھیں: کراچی: جائیداد کے لالچ میں ماں کو قتل کرنے والا بیٹا گرفتار
پولیس ذرائع نے بتایا کہ پوسٹ مارٹم مکمل ہو چکا ہے اور رپورٹ بھی موصول ہو گئی ہے۔ باپ اور بیٹے کی تفتیش کے نتیجے میں کیس کے مزید پہلو سامنے آنے کی بھی توقع ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
کراچی کراچی 3 خواتین قتل کراچی میں خواتین کا قتل.
ذریعہ
ذریعہ: WE News
کلیدی لفظ: کراچی کراچی 3 خواتین قتل کراچی میں خواتین کا قتل خواتین کی لاشیں باپ اور بیٹے کے مطابق
پڑھیں:
بارشوں کے پانی نے لاہور انتظامیہ کی پول کھول دی‘ اقبال ٹاﺅن اور جوہر ٹاﺅن میں مرکزی شاہراﺅں پر شگاف پڑگئے
لاہور(اردوپوائنٹ اخبارتازہ ترین-انٹرنیشنل پریس ایجنسی۔23 جولائی ۔2026 ) صوبائی دارالحکومت لاہور میں علامہ اقبال ٹاﺅن مین بلیوارڈکی سروس روڈپربھیکے وال کے نزدیک 10فٹ گہرا شگاف پڑگیا ہے‘اسی طرح جوہر ٹاﺅن مصروف ترین شاہراہ خیابان فردوسی پر ایک اورگڑھا پڑ گیاہے گزشتہ تین روز کے دوران مذکورہ سڑک پریہ دوسرا گڑھا پڑا. بارش کے بعد مرکزی شاہراہ پر گڑھنے پڑنے سے حادثات کا خدشہ بڑھ گیا حکام کے مطابق سڑک کی مرمت کا کام شروع ہوگیا گڑھا پڑنے سے ٹریفک کی روانی جزوی طور پر متا ثر ہوئی دوسری جانب اقبال ٹاﺅن میں بھیکے والے موڑ جانب فاروق ہسپتال سروس روڈ پر 10 فٹ گہرا شگاف پڑ گیا.(جاری ہے)
سڑک کے درمیان پڑنے والے گہرے شگاف کے باعث ٹریفک کی روانی متاثر ہو رہی ہے شگاف پڑنے سے کوئی جانی نقصان نہیں ہوا، متعلقہ افسران اور واسا کی ٹیمیں موجود ہیں ٹریفک پولیس کا کہنا ہے کہ متعلقہ محکموں نے سروس روڈ پر شگاف پر کرنے کیلئے کام شروع کردیا. واضح رہے کہ 17جولائی کو ہونے والی بارش سے فیروزپور روڈ پرنشتر کالونی کے قریب سروس روڈ کا ایک حصہ بیٹھ گیا تھا جس کے نتیجے میں وہاں کھڑی تین موٹر سائیکلیں گڑھے میں جا گریں تھیں. شہریوں کا کہنا ہے کہ پورے شہر کے اندر یہی حال ہے بارشوں میںمتوسط آبادیوںکے اندر سڑکوں کے بیٹھ جانے کے واقعات زیادہ ہوتے ہیں مگر انہیں کوریج نہیں ملتی‘نجی یونیورسٹی کے لیکچرار معاذالاسلام سول انجینئرنگ پڑھاتے ہیں ان کا کہنا ہے کہ بدقسمتی سے پاکستان میں سب سے زیادہ بدعنوانی اس شعبے میں ہے ناقص میٹریل اور زمین کی کمپریشن عالمی لیول کی نہیں کی جاتی . ان کا کہنا ہے کہ ٹھیکے دار اب کئی دن مٹی کو کمپریس کرنے میں نہیں لگا اور نہ ہی میٹریل ڈالنے کے بعد ٹھیک طریقے سے اسے کمپریس کیا جاتا ہے ‘مٹی نرم ہونے سے اگر پانی راستہ بنالے تو چند ہفتوں میں ہی اس ایریا کے نیچے زمین کھوکھلی ہوجاتی ہے اور بارشوں کے دوران شگاف پڑنے لگتے ہیں. انہوں نے بتایا کہ لاہور فیصل آباد موٹر وے کو جب تجرباتی طور پرچھوٹی گاڑیوں کے لیے کھولا گیا تھا تو لاہور سے فیصل آباد کے سفر کے دوران انہوں نے نوٹ کیا تھا کہ کئی سو ارب کی لاگت سے بنی اس سڑک میں لیول کا بھی خیال نہیں رکھا تھا اور یہ موٹروے مکمل طور پر ناہموار تھا جس پر انہوں نے کچھ دیگر انجینئرز کے ساتھ مل کر ایک تجزیاتی رپورٹ این ایچ اے اور پنجاب حکومت کو ارسال کی تھی تاہم آج تک ہمیں اس پر کوئی جواب نہیں ملا.
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار