شوگرملز مالکان جان بوجھ کر کرشنگ کا آغاز نہیں کررہے ہیں،کامریڈ اقبال
اشاعت کی تاریخ: 5th, December 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)سندھ میں شوگر ملز کی کریشنگ کا آغاز 15 نومبر سے ہونا تھا لیکن مالکان شوگر ملز نے جان بوجھ کر کریشنگ میں تاخیر کی جو خلاف قانون ہے ۔ شوگر ملز مالکان جن کی اکثریت سندھ حکومت کے اقتدار اعلیٰ پر براجمان ہے ، نہ وہ مل مزدوروں کے خیر خواہ ہیں ،نہ ہی کسانوں اور گنے کے کاشت کاروں سے ہمدردی رکھتے ہیں ۔ یہ بات سندھ شوگر ملز ورکرز فیڈریشن کے رہنما کامریڈ اقبال نے ایک بیان میں کہی ۔ کامریڈ اقبال نے کہا کہ ایک طرف شوگر ملز مالکان مل مزدوروں کو حکومت کی اعلان کردہ 40,000 تنخواہ کی ادائیگی کرتے ہیں نہ مزدوروں کو کوئی قانونی مراعات ، سہولیات دیتے ہیں ۔ لیبر ڈپارٹمنٹ اس سلسلے میں ان سے پوچھنے کی ہمت ہی نہیں رکھتا تو دوسری طرف کسان اور کاشت کاروں کو گنے کی مناسب سرکاری قیمت بھی نہیں دیتے ، جس کے باعث کسان اور کاشت کار سراپا احتجاج ہیں ۔ الائنس شوگر مل نے کسانوں اور کاشت کاروں کو گنے کی قیمت 450 روپے فی دینا شروع کی تو مل ہی کو سیل کردیا گیاجو انتہائی قابل مذمت عمل ہے ۔ کامریڈ اقبال نے حکومت سندھ سے مطالبہ کیا کہ کسانوں اور کاشت کاروں کی آواز کو سنا جائے تاکہ ملز کا پیداواری عمل جاری و ساری رہے ۔
ذریعہ
ذریعہ: Jasarat News
کلیدی لفظ: کامریڈ اقبال کاشت کاروں شوگر ملز اور کاشت شوگر مل
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی