ڈیجیٹل معیشت کا فروغ ناگزیر، وزیراعظم شہباز شریف کا کیش لیس اکانومی اہداف دگنا کرنے کا حکم
اشاعت کی تاریخ: 4th, July 2025 GMT
اسلام آباد(نیوز ڈیسک) وزیراعظم محمد شہباز شریف کی زیر صدارت کیش لیس اور ڈیجیٹل معیشت سے متعلق ہفتہ وار اجلاس ہوا جس میں ڈیجیٹل ادائیگیوں کے فروغ اور معیشت میں شفافیت لانے کے لیے مختلف اقدامات پر غور کیا گیا۔ وزیراعظم نے کہا کہ معیشت کو جدید اور شفاف بنانے کے لیے ڈیجیٹل ٹرانزیکشن سسٹم کا نفاذ ناگزیر ہو چکا ہے۔ انہوں نے زور دیا کہ شہریوں اور کاروباری اداروں کے درمیان ادائیگیوں کو آسان بنانے اور ڈیجیٹل نظام کے استعمال کے بارے میں عوامی آگاہی پیدا کرنا وقت کی اہم ضرورت ہے۔
وزیراعظم کو اجلاس میں بتایا گیا کہ گزشتہ اجلاس میں قائم کی گئی تین اہم کمیٹیاں تشکیل دے دی گئی ہیں جن میں ڈیجیٹل پیمنٹس انوویشن اینڈ ایڈوپشن کمیٹی، ڈیجیٹل پبلک انفراسٹرکچر کمیٹی، اور گورنمنٹ پیمنٹس کمیٹی شامل ہیں۔ ان کمیٹیوں نے ڈیجیٹل معیشت کو فروغ دینے کے لیے اپنی تجاویز اور حکمت عملی پیش کی۔
اجلاس میں اسٹیٹ بینک آف پاکستان کی جانب سے بریفنگ دی گئی جس میں بتایا گیا کہ تاجر برادری کے لیے ڈیجیٹل ادائیگیوں کا طریقہ کار مزید آسان اور مؤثر بنانے پر کام جاری ہے۔ چھوٹے کاروباری اداروں کی شمولیت بڑھانے کے لیے ایک سہولت بخش پیکج بھی متعارف کرایا جائے گا تاکہ وہ بھی اس نظام کا حصہ بن سکیں۔
حکام نے بتایا کہ موبائل ایپلی کیشنز کے ذریعے ڈیجیٹل ادائیگی کرنے والے صارفین کی تعداد کو موجودہ 95 ملین سے بڑھا کر 120 ملین تک پہنچانے کا ہدف رکھا گیا ہے۔ اسی طرح کیو آر کوڈ کے ذریعے ادائیگی کرنے والے تاجروں کی تعداد کو 0.
بریفنگ میں بتایا گیا کہ “ڈیجیٹل نیشنل پاکستان” منصوبہ عملی طور پر شروع ہو چکا ہے اور اس کے تحت کئی اہم اقدامات کیے جا رہے ہیں۔ اسلام آباد سٹی موبائل ایپ کو اب تک 1.3 ملین بار ڈاؤن لوڈ کیا جا چکا ہے اور اس پر 15 سرکاری سروسز دستیاب ہیں۔ اس ایپ کے ذریعے ایکسائز اینڈ ٹیکسیشن کے شعبے میں اب تک 15.5 بلین روپے جمع ہو چکے ہیں۔
اجلاس میں یہ بھی بتایا گیا کہ ڈیجیٹل پاکستان آئی ڈی منصوبے پر تیزی سے کام جاری ہے، جبکہ اسلام آباد میں ای-اسٹیمپنگ کی سہولت جلد متعارف کروائی جائے گی۔ اس کے علاوہ اسلام آباد بھر میں، خصوصاً اسپتالوں، تعلیمی اداروں، سرکاری دفاتر، پارکس اور میٹرو بس لائنز پر فری وائی فائی کی سہولت فراہم کرنے کے لیے بھی اقدامات جاری ہیں۔
وزیراعظم نے ہدایت کی کہ یہ تمام سہولیات وفاقی دارالحکومت کے ساتھ ساتھ آزاد جموں و کشمیر اور گلگت بلتستان میں بھی جلد از جلد متعارف کروائی جائیں تاکہ پورے ملک میں ڈیجیٹل معیشت کے فوائد یکساں طور پر پہنچ سکیں۔
مزیدپڑھیں:بھارتی فوج کے اعلیٰ افسر نے مان لی پاکستان کی فوجی طاقت، حیران کن انکشاف
ذریعہ: Daily Ausaf
کلیدی لفظ: ڈیجیٹل معیشت بتایا گیا کہ اسلام آباد میں ڈیجیٹل اجلاس میں کے لیے
پڑھیں:
وزیراعظم شہباز شریف نے شالیمار ایکسپریس کی اپ گریڈیشن کے بعد افتتاح کردیا
وزیراعظم شہباز شریف نے شالیمار ایکسپریس کی اپ گریڈیشن کے بعد افتتاح کردیا WhatsAppFacebookTwitter 0 17 November, 2025 سب نیوز
کراچی(سب نیوز)وزیراعظم شہباز شریف نے شالیمار ایکسپریس کی اپ گریڈیشن کے بعد افتتاح کردیا۔شہرِ قائد کے کینٹ سٹیشن کی اپ گریڈیشن منصوبے کی افتتاحی تقریب سے خطاب کرتے ہوئے شہباز شریف کا کہنا تھا کہ اِس سٹیشن کی شاندار طریقے سے تزئین وآرائش کی گئی۔
انہوں نے کہا کہ کینٹ سٹیشن کی اپ گریڈیشن دیکھ کر بہت خوشی ہوئی، فرسٹ کلاس اور اکانومی کلاس قابل دید ہیں، شالیمار ایکسپریس کو نئی ٹرین بنا دیا گیا۔وزیراعظم کا کہنا تھا کہ مسافروں کی انتظار گاہ، ڈائنگ روم اور خود کار ٹکٹ سسٹم شاندار ہیں، ٹرین کو آوٹ سورس کرکے بہترین کام کیا گیا، میں حنیف عباسی کو دل کی اتھاہ گہرائیوں سے مبارکباد پیش کرتا ہوں۔شہباز شریف نے کہا کہ کراچی روشنی کا شہر تھا، یہاں کا ریلوے نظام بوسیدہ ہو چکا تھا، سٹیشن کی صفائی کراچی ویسٹ مینجمنٹ کے ذمے ہے ، وسطی ایشا تک روٹ کو بحال کیا جائے تو معیشت کو چار چاند لگ سکتے ہیں۔
ان کا کہنا تھا کہ مجھے یقین ہے یہ منصوبہ جلد حقیقت بنے گا، ریلوے کی اپ گریڈیشن کیلئے درکار رقم فوری طور پر دلوائیں گے۔وزیراعظم نے کہا کہ حنیف عباسی کی قیادت میں پاکستان ریلوے جدید نظام کی جانب گامزن ہے، پاکستان ریلوے کی صوبوں کے ساتھ اشتراک کے مثبت نتائج سامنے آئیں گے، پارٹنرشپ کا دائرہ کار بلوچستان اور خیبرپختونخوا حکومتوں کے ساتھ بھی بڑھایا جائے۔شہباز شریف کا کہنا تھا کہ پاکستان ریلوے کا دائرہ کار مزید بڑھایا جائے، امید ہے آپ پاکستان ریلوے کو چند برسوں میں خطے کا شاندار ٹرانسپورٹ سسٹم بنائیں گے، فریٹ سسٹم کو بھی پوری طرح منظم کیا جارہا ہے۔
ان کا کہنا تھا کہ میں نے ہر جگہ کراچی سرکلر ریلوے لائن کی بات کی ہے، مل کر کام کریں گے، ریلوے کا یہ منصوبہ کراچی کے عوام کیلئے انتہائی ناگزیر ہے، ملک بھر میں ریلوے سٹیشنز پر جدید سہولیات فراہم کی جارہی ہیں۔وزیراعظم نے کہا کہ ریلوے کی پرانی عمارتوں کی تزئین و آرائش کررہے ہیں، وزیرریلوے حنیف عباسی نے اپنی کارکردگی سے مخالفین کے منہ بند کر دیے۔حنیف عباسی کا کہنا تھا کہ کینٹ سٹیشن کی اپ گریڈیشن قلیل مدت میں کی گئی، گزشتہ 8ماہ میں ریلوے میں بہت ساری اصلاحات کی گئیں۔
وزیر ریلوے نے کہا کہ جب میں نے چارج لیا تو ریلوے زبوں حالی کا شکار تھا، 150سال بعد روہڑی جنکشن کو بھی اپ گریڈ کرنے جارہے ہیں اور پرانی عمارتوں کی بحالی کیلئے بھی جلد کام شروع کریں گے۔ان کا کہنا تھا کہ آوٹ سورس کے عمل میں ملازمین کے حقوق کا تحفظ کریں گے،انہوں نے تقریب میں شرکت پر وزیراعظم شہباز شریف اور وزیراعلی سندھ سید مراد علی شاہ کا شکریہ بھی ادا کیا۔وزیراعلی سندھ سید مراد علی شاہ نے کہا کہ وزیراعظم شہبازشریف اور وزیر ریلوے حنیف عباسی کا شکرگزار ہوں، کراچی کے لوگوں کیلئے ٹرانسپورٹ کی سہولیات کیلئے بہت کام کررہے ہیں، یہاں کے شہریوں کیلئے الیکٹرک بسیں لارہے ہیں۔ان کا مزید کہنا تھا کہ سندھ حکومت ریلوے کی ترقی کیلئے وفاق کی مکمل حمایت کیلئے تیار ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرسزائے موت کا حکم، بنگلادیش کا بھارت سے فوری طور پر شیخ حسینہ واجد کی حوالگی کا مطالبہ سزائے موت کا حکم، بنگلادیش کا بھارت سے فوری طور پر شیخ حسینہ واجد کی حوالگی کا مطالبہ چیئرمین سی ڈی اے کی زیر صدارت اجلاس ، اسلام آباد کے اہم ترین منصوبوں پر ابتک ہونے والی پیشرفت کا جائزہ ہر چیز کا حساب لیا جائیگا، عدالتی فیصلے پر شیخ حسینہ واجد کا دھمکی آمیز ردعمل وراثت خدائی حکم ہے، وراثت کا حق دلانا ریاستی ذمہ داری ہے، خواتین کی حق وراثت سے متعلق فیصلہ جاری وفاقی وزیر داخلہ محسن نقوی سے چین کے سفیر کی ملاقات،انسدادِ دہشت گردی اور سیکیورٹی تعاون مزید مضبوط بنانے پر اتفاق آزاد کشمیر اسمبلی میں انورالحق کیخلاف تحریک عدم اعتماد کامیاب، فیصل ممتاز راٹھور وزیراعظم منتخبCopyright © 2025, All Rights Reserved
رابطہ کریں ہماری ٹیم
پنجاب بھر کی عدالتوں میں سیکیورٹی انتظامات مزید سخت