مجھے یحییٰ آفریدی پر ترس آتا ہے وہ سیکنڈ کلاس سول جج بنے ہوئے ہیں . اعتزازاحسن
اشاعت کی تاریخ: 7th, July 2025 GMT
اسلام آباد(اردوپوائنٹ اخبارتازہ ترین-انٹرنیشنل پریس ایجنسی۔07 جولائی ۔2025 )سابق وفاقی وزیرقانون اورمعروف قانون دان چوہدری اعتزاز احسن نے کہا ہے کہ مجھے یحییٰ آفریدی پر ترس آتا ہے وہ سیکنڈ کلاس سول جج بنے ہوئے ہیں نجی ٹی وی سے گفتگو کرتے ہوئے اعتزازاحسن نے کہا سپریم کورٹ میں 15جج لگا دیئے گئے ہیں جن کو سیکنڈ کلاس سول جج بنا دیا ہے، ان کےلئے سپریم کورٹ کے کوئی20 فیصد کیسز سننے والے ہوتے ہیں، جس کی وجہ سے مجھے جسٹس یحیی آفریدی پر ترس آتا ہے.
(جاری ہے)
انہوں نے کہا کہ میں جسٹس آفریدی کا بہت احترام کرتا تھا وہ چیف جسٹس تو ہیں لیکن اختیار کے حوالے سے سیکنڈ کلاس سول جج بنے ہوئے ہیں ، ان کے پاس اختیارات ہی نہیں ہے، جو 90 فیصد کیسز سپریم کورٹ میں آتے ہیں ان کے پاس وہ سننے کا اختیار بھی نہیں ہے. ایک سوال کے جواب میں اعتزازاحسن کا کہنا تھا کہ باجوہ کی آپ مہارت دیکھیں وہ فٹ بال طرح کھیلتا ہوا گیند کو ٹانگوں میں سے نکال کر لیے جاتا ہے، باجوہ کو نواز شریف نے تعینات کیا، سال کے اندر نواز شریف جیل میں ہوتا ہے، اس کے بعد نواز شریف کی جیل کی چھت سے نکل کر لندن پہنچ جاتا ہے جو کہ سزا یافتہ ہے اور کبھی کسی سزا یافتہ شخص کو عدالت کی اجازت کے بغیر جانے نہیں دیتے. انہوں نے کہا کہ نواز شریف لندن میں بٹھ کر باجوہ کے خلاف بیان دیتا ہے لیکن جب اس کی ایکسٹینشن کی باری آتی ہے تو نواز شریف اپنے اراکین قومی اسمبلی کو ہدایات دیتا ہے کہ سب نے صبح جاکر اپنی حاضری لگانی ہے، ناشتہ سپیکر لانج میں کرنا ہے اور باجوہ کو ووٹ دینا ہے.
ذریعہ
ذریعہ: UrduPoint
کلیدی لفظ: تلاش کیجئے نواز شریف نے کہا
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا