این ڈی ایم اے اور صوبائی ادارے فوری ایکشن میں آ جائیں، سیلابی خطرے پر تیاری مکمل رکھی جائے، وزیراعظم
اشاعت کی تاریخ: 7th, July 2025 GMT
وزیرِ اعظم محمد شہباز شریف نے ملک کے مختلف حصوں میں جاری شدید بارشوں اور ممکنہ سیلابی خطرات کے پیش نظر نیشنل ڈیزاسٹر مینجمنٹ اتھارٹی (NDMA)، صوبائی حکومتوں، ریسکیو اداروں اور مقامی انتظامیہ کو ہائی الرٹ رہنے کی ہدایت دے دی ہے۔
وزیراعظم آفس کے مطابق وزیرِ اعظم نے دریائے سندھ اور دیگر دریاؤں کے کنارے آباد علاقوں میں فوری حفاظتی اقدامات نافذ کرنے کا حکم دیا ہے۔ NDMA کو صوبائی ڈیزاسٹر مینجمنٹ اتھارٹیز (PDMAs) سے مزید قریبی اور مؤثر تعاون یقینی بنانے کی ہدایت کی گئی ہے۔
وزیراعظم نے پاکستان ٹیلی کمیونیکیشن اتھارٹی (PTA) کو ہدایت کی ہے کہ عوام کو حقیقی وقت (real-time) میں بارش، طوفان اور سیلابی صورتحال کے بارے میں آگاہ رکھنے کے لیے تمام دستیاب ذرائع استعمال کیے جائیں۔
مزید پڑھیں: آئندہ 6 سے 12 گھنٹوں کے دوران شدید بارشوں، طوفانی ہواؤں سیلابی صورتحال کا خطرہ
تربیلا ڈیم کے سپل وے کھولنے کے باعث دریائے سندھ کے زیریں اضلاع میں طغیانی کا خدشہ ظاہر کیا گیا ہے۔ وزیراعظم نے تمام صوبائی حکومتوں کو حکم دیا ہے کہ وہ سیلابی علاقوں میں مؤثر عوامی آگاہی مہم فوری طور پر شروع کریں۔
نیشنل ایمرجنسی آپریشن سنٹر (NEOC) کو ہدایت کی گئی ہے کہ وہ میڈیا کے ذریعے اونچے، درمیانے اور کم درجے کے خطرات والے علاقوں کی وضاحت کرے تاکہ عوام کو بروقت و درست انتباہ دیا جا سکے۔
وزیرِ اعظم نے واضح کیا کہ NDMA یہ یقینی بنائے کہ تمام صوبائی حکومتیں اور متعلقہ ادارے پیشگی تیاری مکمل رکھیں اور کسی بھی ہنگامی صورتحال سے نمٹنے کے لیے فوری ردعمل کی صلاحیت رکھتے ہوں۔
وزیرِ اعظم نے کہا کہ عوام کی جان و مال کا تحفظ ریاست کی اولین ذمہ داری ہے، لہٰذا تمام ادارے کسی قسم کی غفلت کے بغیر پوری مستعدی سے اپنی ذمہ داریاں ادا کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
NDMA تربیلا ڈیم سیلاب شدید بارشیں طوفانی ہوائیں وزیر اعظم محمد شہباز شریف.
ذریعہ
ذریعہ: WE News
کلیدی لفظ: تربیلا ڈیم سیلاب طوفانی ہوائیں وزیر اعظم محمد شہباز شریف
پڑھیں:
طوفانی سیلاب سے عوام شدید مشکلات کا شکار ہیں، حکومت فوری اقدامات اٹھائے، کاظم میثم
ممبر گلگت بلتستان اسمبلی نے ایک بیان میں کہا کہ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔ اسلام ٹائمز۔ سابق اپوزیشن لیڈر و ممبر گلگت بلتستان اسمبلی کاظم میثم نے اپنے ایک بیان میں کہا ہے کہ پورے گلگت بلتستان میں طوفانی سیلاب اور دریائی کٹاو سے عوام شدید مشکلات کے شکار ہیں، وفاقی اور صوبائی حکومت کو فوری اقدامات اٹھاتے ہوئے ریلیف اور بحالی کے لیے کام تیز کرنے کی ضرورت ہے۔ سکردو میں دریائی کٹاو کے سبب سترانگلونگما کواردو اور حوطو رنگاہ کے عوام شدید مشکلات کے شکار ہیں۔ زرعی اراضی اور درخت دریا برد ہو رہے ہیں لیکن تاحال کوئی ہنگامی بنیادوں پر بحالی کے لیے کوئی کام نہیں ہوا ہے۔ ضلعی انتظامیہ اور جی بی ڈی ایم اے کو کواردو حوطو رنگاہ اور رزسنا رنگاہ کے دریائی کٹاو روکنے کے لیے فوری اقدامات اٹھانا چاہیے۔ گزشتہ مہینے آنے والے شگریخورد میں سیلاب متاثرین کی بحالی کے بھی تاحال اقدامات نہیں اٹھائے گئے ہیں۔ جس کے سبب عوام میں شدید تشویش پائی جاتی ہے۔ کاظم میثم نے مزید کہا کہ طوفانی سیلاب کے سبب تقریبا تمام اضلاع میں تباہ کاریاں ہوئی ہیں اور شاہراہوں کی بندش کے سبب بھی مشکلات کے شکار ہیں۔ صوبائی اور وفاقی حکومت سے مطالبہ کرتے ہیں مشکل کی اس گھڑی میں عوام کے شانہ بشانہ کھڑے ہوں اور متاثرین سیلاب کو ریلیف دینے اور بحالی کے لیے جامع منصوبہ بندی کے ساتھ اقدامات اٹھائیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار