صدر مملکت آصف زرداری کو عہدے سے ہٹانے کی خبریں، خواجہ آصف بھی بول پڑے
اشاعت کی تاریخ: 7th, July 2025 GMT
وزیر دفاع خواجہ آصف نے صدر مملکت آصف علی زرداری کو عہدے سے ہٹائے جانے کی خبروں کو من گھڑت قرار دے دیا۔
میڈیا سے گفتگو کرتے ہوئے انہوں نے کہاکہ صدر مملکت آصف زرداری کو عہدے سے ہٹانے کی کہیں پر کوئی کوشش نہیں ہورہی۔ دور دور تک اس کا نام و نشان تک نہیں۔
صدر آصف علی زرداری کو عہدے سےہٹانے کی نہ کوئی move ہے نہ کوئی initiative ہے،دور دور تک نام و نشان نہیں ہے،وزیر دفاع خواجہ آصف????????????
مجھےتو آصف زرداری صاحب پر پورا اعتماد ہے،میں تو100 فیصد زرداری صاحب کے حق میں ہوں،ان کی شخصیت سیاست میں توازن پیداکرتی ہے،خواجہ آصف@KhawajaMAsif pic.
— عماد احمد Amad Ahmed (@Amad_ahmed_) July 7, 2025
انہوں نے کہاکہ مجھے تو آصف زرداری پر پورا اعتماد ہے، میں تو 100 فیصد آصف زرداری کے حق میں ہوں، ان کی شخصیت سیاست میں توازن پیداکرتی ہے۔
واضح رہے کہ سینیئر صحافی اعزاز سیّد نے ایک پروگرام میں دعویٰ کیا تھا کہ آصف زرداری کو صدر مملکت کے عہدے سے ہٹانے کا فیصلہ ہوچکا ہے، اور اس پر ابتدائی کام بھی شروع کردیا گیا ہے۔
اعزاز سیّد کے اس انکشاف کے بعد مختلف حکومتی شخصیات نے اس خبر کی تردید بھی کی ہے، لیکن صحافی اعزاز سیّد اپنی خبر قائم ہیں۔
گزشتہ روز وزیر داخلہ محسن نقوی نے کہا تھا کہ پہلی مرتبہ سیاستدان، حکومت اور ملٹری اسٹیبلشمنٹ ایک پیج پر ہیں اس لیے کچھ لوگوں کو تکلیف ہورہی ہے اور اس طرح کی باتیں کرتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آصف زرداری اعزاز سید خبر من گھڑت قرار دعویٰ صدر مملکت محسن نقوی وزیر داخلہ وی نیوزذریعہ: WE News
کلیدی لفظ: خبر من گھڑت قرار دعوی صدر مملکت محسن نقوی وزیر داخلہ وی نیوز زرداری کو عہدے سے صدر مملکت
پڑھیں:
کشمیر کی آزادی ناگزیر، بھارت میں مسلمانوں پر مظالم کا بازار گرم ہے: صدر مملکت
صدر مملکت آصف علی زرداری کا کہنا ہے گلگت بلتستان نے 1947 میں جہاد کر کے پاکستان کے ساتھ الحاق کیا، جبکہ مقبوضہ کشمیر کی آزادی وقت کی ضرورت ہے۔گلگت بلتستان کے ڈوگرہ راج سے آزادی کے جشن کی تقریب سے خطاب میں صدر آصف علی زرداری نے کہا کہ آپ کی بہادری کو تاریخ کبھی نہیں بھلا سکتی، 1947 میں آپ نے جہاد کرکے پاکستان میں الحاق کیا، 1947 کی جنگ میں آپ کے 1700 جوان شہید ہوئے۔ان کا کہنا تھا گلگت بلتستان کو تعلیم اور صحت کی سہولیات ملنی چاہئیں، یہاں ہر وادی میں اسکول ہونے چاہئیں، گلگت بلتستان معدنیات سے مالا مال ہیں، یہ پہاڑ آپ کا اور میرا سرمایہ ہیں، یہاں سیاحت کو فروغ مل سکتا ہے، گلگت بلتستان کو اپنی ایئرلائن بھی ملنی چاہیے۔صدر مملکت آصف علی زرداری کا کہنا تھا بھارت میں مسلمانوں کے ساتھ ظلم کا بازار گرم ہے، بھارت میں کشمیریوں کی نسل کشی انتہا کو پہنچ چکی ہے، مقبوضہ جموں و کشمیر کی آزادی وقت کی ضرورت ہے، مقبوضہ کشمیر طویل عرصے سے بھارت کے مظالم کا شکار ہے۔انہوں نے کہا کہ سی پیک پاکستان کی ترقی کا مظہر ہے، چین ہمارا دوست اور شراکت دار ملک ہے، سی پیک فیز ٹو کامیابی سے اپنے مراحل طے کررہا ہے۔صدر آصف علی زرداری کا کہنا تھا گلگت بلتستان کو دیگر صوبوں کی طرح ترقی یافتہ دیکھنا چاہتے ہیں، گلگت بلتستان ترقی کرے گا تو پاکستان ترقی کرے گا۔
راولپنڈی کے کن روٹس پر الیکٹرک بس سروس کا آغاز کیا جا رہا ہے؟