وکلا میری غلطیوں پر انحصار نہیں کرسکتے، جسٹس منصور علی شاہ
اشاعت کی تاریخ: 8th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد (صباح نیوز) عدالت عظمیٰ پاکستان کے سینئر ترین جج جسٹس سید منصورعلی شاہ نے کہا ہے کہ میں نے زندگی میں غلطیاں کی ہوں گی تاہم وکیل ان پر انحصار نہیں کرسکتے۔ میاں بیوی کے درمیان بنیادی دستاویز نکاح نامہ ہوتا ہے اور اسی سے چیزیں آگے چلتی ہیں، اگر خاتون کی وجہ سے رخصتی نہیں ہورہی تو اسے نتائج بھگتنا ہوں گے اور اگر مردکی وجہ سے نہیں ہورہی تواسے نتائج بھگتنا ہوں گے۔ جسٹس سید منصور علی شاہ کی سربراہی میں 2 رکنی بینچ نے سوموار کے روز امبرین اکرم کی جانب سے اسداللہ خان اور ایڈیشنل ڈسٹرکٹ جج فیصل آباد اور دیگر کے خلاف رخصتی کے بغیر نکاح کے 2 سال بعد طلاق دینے کے معاملہ پر بیوی کو خرچ نہ دینے کے حوالے سے پر دائر درخواست پر سماعت کی۔ جسٹس سید منصور علی شاہ کا کہنا تھا کہ اگر دھوکا ہوا تو دوسرے دن طلاق دے دیتے، 2 سال بندہ کہاں تھا؟۔ خرچ دینے سے کیسے انکارکرسکتے ہیں؟ کیا شوہر اتنے کمزور تھے کہ اپنی اہلیہ کو دیکھ بھی نہیں سکتے تھے، کیا پریشانی تھی، شادی کیوں کی؟ 2 سال بعد طلاق دی، کیا خاتون نے گن پوائنٹ پرشادی کرلی تھی؟ جبکہ جسٹس عقیل احمد عباسی نے ریمارکس دیے ہیں کہ خاتون 2 سال گھر بیٹھی رہی کیا وہ نقصانات کے ازالہ کادعویٰ کرتی یا خرچ کا ہی دعویٰ کرتی۔ بینچ نے مزید سماعت آج(منگل)تک ملتوی کردی۔ جسٹس سید منصورعلی شاہ کاکہنا تھا کہ کیس پہلے نمبرپرسنیں گے، عدالتی معاونین اور درخواست گزار کے وکیل بھی سماعت میں موجود ہوں۔
.ذریعہ: Jasarat News
پڑھیں:
جسٹس جنید غفار سندھ ہائیکورٹ کے نئے چیف جسٹس بن گئے
گورنر کامران خان ٹیسوری نے چیف جسٹس سندھ ہائیکورٹ سے ان کے عہدے کا حلف لیا۔ تقریب حلف برداری میں وزیر اعلیٰ سندھ سید مراد علی شاہ ، ایڈووکیٹ جنرل سندھ جواد ڈیرو، قونصل جنرل آف جاپان، قونصل جنرل متحدہ عرب امرات، قونصل جنرل سعودی عرب، قونصل جنرل اومان، قونصل جنرل بنگلہ دیش سمیت دیگر موجود تھے۔ اسلام ٹائمز۔ جسٹس جنید غفار سندھ ہائیکورٹ کے نئے چیف جسٹس بن گئے۔ کراچی میں گورنر ہاؤس سندھ میں جسٹس محمد جنید غفار نے چیف جسٹس سندھ ہائیکورٹ کا حلف اٹھایا، گورنر کامران خان ٹیسوری نے چیف جسٹس سندھ ہائیکورٹ سے ان کے عہدے کا حلف لیا، تقریب حلف برداری پہلی بار اس جگہ ہوئی جہاں بانی پاکستان قائد اعظم محمد علی جناح نے پہلے گورنر جنرل کے عہدہ کا حلف لیا تھا۔ تقریب حلف برداری میں وزیر اعلیٰ سندھ سید مراد علی شاہ ، ایڈووکیٹ جنرل سندھ جواد ڈیرو، قونصل جنرل آف جاپان، قونصل جنرل متحدہ عرب امرات، قونصل جنرل سعودی عرب، قونصل جنرل اومان، قونصل جنرل بنگلہ دیش، سندھ ہائیکورٹ کے جسٹس عمر سیال، جسٹس ارشد حسین، جسٹس آغا فیصل، جسٹس ذولفقار سانگی، جسٹس مبین لاکھو اور دیگر ججز سمیت انسپکٹر جنرل (آئی جی) سندھ پولیس غلام نبی میمن بھی موجود تھے۔ جسٹس جنید غفار سندھ ہائیکورٹ نے چھبیسویں چیف جسٹس بن گئے، جس کے بعد چیف جسٹس سندھ ہائیکورٹ نے مزار قائد پر حاضری دی، فاتحہ خوانی کی اور پھولوں کی چادر چڑھائی۔
پاکستان ائیرپورٹ اتھارٹی کا کارگو چارجز میں 100 گنا اضافہ