ٹک ٹاک اکاؤنٹ ڈیلیٹ نہ کرنے پر باپ نے 16 سالہ بیٹی کو قتل کردیا
اشاعت کی تاریخ: 9th, July 2025 GMT
راولپنڈی کے علاقے روات میں 16 سالہ لڑکی کو ٹک ٹاک اکاؤنٹ ڈیلیٹ نہ کرنے کی وجہ سے والد نے قتل کر دیا۔
ایف آئی آر کے مطابق واقعہ روات کے علاقے ڈھوک چوہدریاں تخت پڑی میں پیش آیا۔ جہاں ملزم اخلاق احمد فائرنگ کے بعد موقع سے فرار ہو گیا جبکہ پولیس نے واقعہ کا مقدمہ درج کر لیا ہے۔
یہ بھی پڑھیں: ’ملزم کا چہرہ سامنے لائیں اور اسے عبرت بنائیں‘، ثنا یوسف کے قتل پر شوبز ستارے بھی بول پڑے
راولپنڈی پولیس کے ترجمان کے مطابق ابتدائی تحقیقات میں یہ بات سامنے آئی ہے کہ لڑکی مہک شہزادی نے ٹک ٹاک اکاؤنٹ بنایا تھا، جب والد کو علم ہوا تو اسے اکاؤنٹ ڈیلیٹ کرنے کا کہا لیکن بیٹی نے ایسا نہیں کیا جس پر اخلاق نے طیش میں آکر غیرت کے نام پر بیٹی کو گولی مار کر قتل کردیا۔
پولیس کا کہنا ہے کہ ابتدائی طور پر واقعہ کو خودکشی کا رنگ دینے کی کوشش کی گئی لیکن پولیس نے قتل کا مقدمہ درج کر لیا۔ پولیس نے لاش کا پوسٹ مارٹم کروا لیا ہے اور جائے وقوعہ سے تمام شواہد اکھٹے کر لیے ہیں۔ پولیس کی جانب سے یہ بھی بتایا گیا ہے کہ واقعہ منگل کو دن ساڑھے 11 بجے کے قریب پیش آیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹک ٹاک ٹک ٹاکر قتل قاتل فرار.ذریعہ: WE News
کلیدی لفظ: ٹک ٹاک ٹک ٹاکر قتل قاتل فرار ٹک ٹاک
پڑھیں:
لاہور :ڈمپر نے موٹر سائیکل کو کچل دیا، 3 افراد جاں بحق
وقاص احمد: لاہورڈیفنس فیز 6 میں کوڑے کے ٹرک نے 3 موٹرسائیکل سواروں کو کچل دیا۔
پولیس نے جاں بحق ہونےوالے تینوں افراد کی لاشیں بغیر کارروائی کے ورثاء کے حوالے کر دیں۔ پولیس کاکہناہے کہ جاں بحق افراد کے لواحقین ٹرک ڈرائیور اور ٹرک مالکان کے خلاف کارروائی نہیں کروانا چاہتے۔
ڈی ایچ اے میں گاربیج ٹرک نے 3 موٹرسائیکل سواروں کو کچل دیاتھا،حادثے میں 27 سالہ ناصر ، 48 سالہ شان محمد اور 19 سالہ محمد حفیظ جاں بحق ہوگئے تھے،تینوں افراد کا تعلق قصور سے تھا۔
موٹرسائیکل فلائی اوور سے نیچے گر گئی،سوارموقع پر جاں بحق
اسرائیلی حملوں سے "غزہ میں جنگبندی" کی خلاف ورزی نہیں ہوتی، ٹرمپ کا دعوی