راجستھان میں بھارتی فضائیہ کا جگوار طیارہ گر کر تباہ، پائلٹ سمیت 2 افراد ہلاک
اشاعت کی تاریخ: 9th, July 2025 GMT
راجستھان کے ضلع چورو کے بھانوڑا گاؤں میں بھارتی فضائیہ کا جگوار جنگی طیارہ گر کر تباہ ہو گیا، جس کے نتیجے میں پائلٹ سمیت دو افراد ہلاک ہو گئے۔ حادثے کے بعد پولیس اور انتظامی ٹیمیں فوری طور پر جائے وقوعہ پر پہنچ گئیں۔
یہ بھی پڑھیں:بھارتی فضائیہ کا لڑاکا طیارہ ’جیگوار‘ گر کر تباہ
مقامی افراد کے مطابق، آسمان میں ایک زور دار دھماکے کی آواز سنائی دی، جس کے بعد کھیتوں سے آگ اور دھواں بلند ہوتا نظر آیا۔ طیارہ گرنے سے کھیتوں میں آگ لگ گئی، جسے دیہاتیوں نے اپنی مدد آپ کے تحت بجھانے کی کوشش کی۔
چورو کے سپرنٹنڈنٹ پولیس کے مطابق حادثے کی جگہ سے دو لاشیں برآمد ہوئی ہیں۔ پائلٹ کی لاش ملبے کے قریب سے ملی، جو بری طرح جھلس چکی ہے۔ لاش کی شناخت کا عمل فوج اور مقامی انتظامیہ کی جانب سے جاری ہے۔
یہ بھی پڑھیں:احمد آباد طیارہ حادثہ، بھارتی تاریخ کے بدترین فضائی سانحات میں المناک اضافہ
حادثے کی خبر جنگل میں آگ کی طرح پھیلنے کے بعد علاقے میں خوف و ہراس پھیل گیا۔ ضلع کلکٹر ابھیشیک سورانا اور مقامی پولیس افسران فوری طور پر جائے حادثہ کے لیے روانہ ہو گئے۔
واقعے کی اصل وجہ کا تعین فوجی تحقیقاتی ٹیم کرے گی۔ ابتدائی اطلاعات کے مطابق یہ ایک فنی خرابی یا پرواز کے دوران نقص کا نتیجہ ہو سکتا ہے، تاہم حتمی رپورٹ تفتیش کے بعد سامنے آئے گی۔
واضح رہے کہ رواں برس اپریل میں بھی ایک بھارتی جگوار طیارہ گر کا تباہ ہوگیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارتی فضائیہ پائلٹ ہلاک جگوار طیارہ راجستھان.ذریعہ: WE News
کلیدی لفظ: بھارتی فضائیہ پائلٹ ہلاک جگوار طیارہ راجستھان بھارتی فضائیہ طیارہ گر کے بعد
پڑھیں:
بلوچستان، کیچ میں آئی ای ڈی دھماکےمیں کیپٹن سمیت 5 جوان شہید،کلیئرنس آپریشن میں پانچ دہشت گرد ہلاک
راولپنڈی: بلوچستان کے ضلع کیچ میں آئی ای ڈی دھماکے میں کیپٹن سمیت پانچ جوان شہید جبکہ کلیئرنس آپریشن میں فتنہ الہندوستان کے پانچ دہشت گرد ہلاک ہوگئے۔
پاک فوج کے شعبہ تعلقات عامہ (آئی ایس پی آر) کے مطابق بلوچستان کے ضلع کیچ کے علاقے شیر بندی میں 15 ستمبر کو سیکیورٹی فورسز کی گاڑی کو آئی ای ڈی کے ذریعے نشانہ بنایا گیا۔
دھماکے کے نتیجے میں پاک دھرتی کے پانچ بہادر سپوت جامِ شہادت نوش کر گئے۔ شہداء میں کیپٹن وقار احمد ، نائیک اسمت اللہ، لانس نائیک جنید احمد، خان محمد اور سپاہی محمد ظہور شامل ہیں۔
آئی ایس پی آر کے مطابق کلیئرنس آپریشن کے دوران بھارتی پراکسی نیٹ ورک ’’فتنہ الہندستان‘‘ کے 5 دہشت گردوں کو جہنم واصل کر دیا گیا جبکہ علاقے میں سرچ اور سینیٹائزیشن آپریشن جاری ہے تاکہ کسی بھی دیگر بھارتی سرپرست دہشت گرد کو بھی انجام تک پہنچایا جا سکے۔
آئی ایس پی آر کا کہنا ہے کہ شہداء کی عظیم قربانیاں ہمارے عزم کو مزید مضبوط کرتی ہیں۔ ترجمان پاک فوج نے کہا کہ سیکیورٹی فورسز، پوری قوم کے ساتھ شانہ بشانہ، ملک کو بھارتی سرپرستی میں ہونے والی دہشت گردی سے مکمل طور پر پاک کرنے تک اپنی جدوجہد جاری رکھیں گی۔
نوشہروفیروز میں المناک حادثہ، ڈمپر کی ٹکر سے 7 افراد جاں بحق