کراچی، ڈکیتی مزاحمت پر فائرنگ، سعودی عرب سے آئے نوجوان کی جان چلی گئی
اشاعت کی تاریخ: 10th, July 2025 GMT
کراچی:
شہر قائد میں اورنگی ٹاؤن نمبر ایک کے قریب ڈکیتی مزاحمت پر فائرنگ کے واقعے میں 24 سالہ نوجوان جبران ولد جمعہ جاں بحق ہو گیا۔
ریسکیو حکام کے مطابق مقتول کو سینے میں گولی لگی، جو زخموں کی تاب نہ لاتے ہوئے موقع پر ہی دم توڑ گیا۔
علاقہ مکینوں کے مطابق جبران روزگار کے سلسلے میں سعودی عرب میں مقیم تھا اور گزشتہ ہفتے والد کے انتقال پر کراچی آیا تھا۔
جاں بحق نوجوان اہل خانہ کی کفالت کے لیے بیرون ملک محنت مزدوری کرتا تھا۔
پولیس کے مطابق واردات کے دوران ملزمان نے موبائل فون چھیننے کی کوشش کی، جس پر جبران نے مزاحمت کی، تو ملزمان نے فائرنگ کر دی۔
.
ذریعہ
ذریعہ: Express News
پڑھیں:
راولپنڈی: 1300 روپے کیلئے 2 نوجوان قتل، 7 ملزمان گرفتار
— فائل فوٹوراولپنڈی میں 13 سو روپے کے لین دین پر 2 نوجوانوں کے قتل میں ملوث دونوں فریقین کے 7 افراد کو پولیس نے گرفتار کر لیا۔
پولیس کے مطابق مقتول زین شاہ کے قتل میں ملوث 6 افراد کو گرفتار کر لیا گیا ہے، ملزمان نے زین شاہ کو ٹارچر کر کے سفاکانہ طریقے سے قتل کیا تھا جبکہ مقتول سراج کے قتل میں ملوث ایک شخص کو گرفتار کیا گیا ہے۔
پولیس کا کہنا ہے کہ گرفتار ملزم نے ساتھیوں کے ہمراہ مقتول سراج پر گولی چلائی تھی، واقعہ 8 مئی کو تھانہ دھمیال کے علاقے پیر مہر علی شاہ ٹاؤن میں پیش آیا تھا۔
راولپنڈی میں کلرسیداں کے علاقے بشندوٹ میں 4 روز قبل دوران ڈکیتی قتل کا ڈراپ سین ہو گیا۔
پولیس کے مطابق مقتول زین شاہ نے مقتول سراج کی دکان سے گھر کے لیے خریداری کی تھی، مقتول سراج نے بقایا رقم 13 سو روپے کا تقاضہ کیا تو جھگڑا ہوا تھا۔
جھگڑے کے دوران گولی چلی جس سے مقتول سراج موقع پر جاں بحق ہو گیا تھا جبکہ مقتول سراج کا بدلہ لینے کے لیے اس کے رشتے داروں نے زین شاہ کو اغواء کر کے قتل کر دیا تھا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ