ٹیکساس میں ہلاکت خیز سیلاب: 120 افراد جاں بحق، 172 لاپتا، خصوصی اجلاس طلب
اشاعت کی تاریخ: 10th, July 2025 GMT
امریکا کی ریاست ٹیکساس میں آنے والے تباہ کن سیلاب کے نتیجے میں ہلاکتوں کی تعداد 120 ہو گئی جبکہ 172 افراد تاحال لاپتا ہیں۔ سب سے زیادہ جانی نقصان کریر کاؤنٹی میں ہوا جہاں 96 افراد، جن میں 36 بچے شامل ہیں، جاں بحق ہوئے۔
یہ بھی پڑھیں:امریکا: ٹیکساس میں شدید سیلاب سے 13 افراد ہلاک، 20 بچے لاپتا، ایمرجنسی نافذ
سیلابی ریلوں سے کئی اضلاع متاثر ہوئے، خاص طور پر گوادالوپ دریا کے کنارے واقع کیمپ مسٹک میں کم از کم 27 بچوں اور کیمپرز کی ہلاکت کی تصدیق ہوئی ہے۔
ریاستی گورنر گریگ ایبٹ نے ہنگامی صورتحال کے پیش نظر پیر کو اسمبلی کا خصوصی اجلاس طلب کر لیا ہے۔ اجلاس میں سیلاب سے تحفظ، ابتدائی وارننگ سسٹم، اور متاثرہ علاقوں کے لیے مالی امداد جیسے اقدامات زیر بحث آئیں گے۔
ریسکیو آپریشنز میں مقامی، ریاستی اور وفاقی ادارے شریک ہیں۔ ناسا نے فضائی نگرانی کے لیے جدید طیارے تعینات کیے ہیں، تاہم آخری زندہ بچاؤ جمعہ کو ہوا تھا۔
سیلاب سے اب تک 12,000 سے زائد مکانات کو نقصان پہنچا ہے، جبکہ صرف 7 فیصد ٹیکساس کی رہائشی املاک کے پاس فلڈ انشورنس ہے۔
وفاقی ایجنسی FEMA کی کارکردگی پر بھی سوالات اٹھے ہیں، اور وزیرِ داخلہ کرسٹی نوم نے ایجنسی کو ختم کر کے ایک نئے نظام کی تشکیل کا مطالبہ کیا ہے۔
امدادی فنڈز کے لیے ریڈ کراس، سیلویشن آرمی اور کر کاؤنٹی فلڈ ریلیف فنڈ میں عطیات دیے جا سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکا سیلاب ٹیکساس ٹیکساس سیلاب ریڈ کراس سیلاب ہلاکتیں.ذریعہ: WE News
کلیدی لفظ: امریکا امریکا سیلاب ٹیکساس ٹیکساس سیلاب ریڈ کراس سیلاب ہلاکتیں کے لیے
پڑھیں:
امریکی ریاست ٹیکساس میں سیلاب سے ہلاک ہونے والوں کی تعداد 104 سے زیادہ ہو گئی
آسٹن(اردوپوائنٹ اخبارتازہ ترین-انٹرنیشنل پریس ایجنسی۔08 جولائی ۔2025 )امریکی ریاست ٹیکساس میں سیلاب کے نتیجے میں ہلاک ہونے والوں کی تعداد 104 سے زیادہ ہو گئی ہے جبکہ 41 لاپتہ افراد کی تلاش کا سلسلہ جاری ہے حکام نے ریاست میں مزید بارش کی پیش گوئی کی گئی ہے. جمعہ کے روز آنے والے سیلاب کے نتیجے میں سب سے زیادہ ہلاکتیں کیئر کاﺅنٹی میں ہوئیں جن کی تعداد 75 بتائی جاتی ہے کاﺅنٹی میں لڑکیوں کا مسٹک نامی سمر کیمپ متاثر ہوا جس میں طالبات اور عملے کے افراد سمیت 27 ہلاک ہوئے تاہم سیلاب کے وقت علاقے میں اور لوگ کیمپنگ کر رہے تھے اس حوالے سے اب تک کچھ سامنے نہیں آیا.(جاری ہے)
کیمپ انتظامیہ کی جانب سے بتایا گیا ہے کہ 10 لڑکیاں اور کیمپ کاﺅنسلر اب بھی لاپتہ ہیں دیگر متاثرہ کاﺅنٹیز میں ٹریوس کاﺅنٹی، برنیٹ کاﺅنٹی، ولیمسن کاﺅنٹی، کنڈل کاﺅنٹی اور ٹام گرین کاﺅنٹی شامل ہیں. علاقے میں سرچ اینڈ ریسکیو آپریشن جاری ہے اور حکام کا کہنا ہے ہلاک شدگان کی تعداد مسلسل بڑھ رہی ہے جبکہ بہت سی لاشوں کی شناخت ہونا ابھی باقی ہے دوسری جانب وائٹ ہاﺅس نے یہ تجاویز مسترد کر دیں ہیں کہ قومی سطح پر موسم کی صورتحال کا الرٹ جاری کرنے والے این ڈبلیو ایس میں بجٹ کٹوتیاں ممکنہ طور پر آفت کی امداد میں رکاوٹ بن سکتی ہیں. رپورٹ میں بتایا گیا ہے کہ شدید موسم کے باعث امدادی ٹیموں کو مشکلات کا سامنا کرنا پڑ سکتا ہے جو پہلے ہی کیچڑ اور ملبے سے گزرتے ہوئے زہریلے سانپوں کا سامنا کر رہے ہیں ٹیکساس کے گورنر گریگ ایبٹ کا کہنا تھا کہ حکام اس بات کو یقینی بنائیں گے کہ ہر لاپتہ شخص کی تلاش کو یقینی بنایا جائے.
بھارت کا پاکستان پر حملہ خطے کو غیرمستحکم کرنے کی کوشش تھی، وزیراعظم کا ای سی او اجلاس سے خطاب