ڈونلڈ ٹرمپ نے ٹرانسپورٹ کے سیکریٹری کو ناسا کا عبوری سربراہ مقرر کردیا
اشاعت کی تاریخ: 10th, July 2025 GMT
امریکی صدر ڈونلڈ ٹرمپ نے ٹرانسپورٹیشن کے سیکریٹری سیان ڈفی کو امریکا کی خلائی ایجنسی ناسا کا عبوری منتظم مقرر کرنے کا اعلان کردیا۔
ٹرمپ نے اپنے سوشل میڈیا پلیٹ فارم ‘ٹروتھ سوشل’ پر ڈفی سیان کو مبارکباد دیتے ہوئے لکھا کہ وہ ہمارے مواصلات کے امور کو زبردست انداز میں سنبھال رہے ہیں، جن میں جدید ترین ایئر ٹریفک کنٹرول سسٹم کی تیاری اور سڑکوں اور پلوں کی بحالی شامل ہے۔ وہ ناسا جیسے اہم ادارے کی قیادت کے لیے بہترین انتخاب ہوں گے، چاہے یہ عہدہ وقتی ہی کیوں نہ ہو۔
یہ بھی پڑھیے: ٹرمپ نے ناسا کے لیے ایلون مسک کے اتحادی جیرڈ آئزک مین کی نامزدگی واپس لے لی
سیان ڈفی نے اس اعلان کے فوراً بعد پلیٹ فارم ایکس پر اپنے ردعمل میں کہا کہ اس مشن کو قبول کرنا میرے لیے اعزاز ہے۔ اب خلا کو سنبھالنے کا وقت ہے۔
ٹرمپ کے اس اعلان میں یہ واضح نہیں کیا گیا کہ جانٹ پیٹرو، جو فلوریڈا میں کینیڈی اسپیس سینٹر کی ڈائریکٹر اور ٹرمپ کے دوسرے دورِ صدارت سے ناسا کی عبوری سربراہ کے طور پر کام کر رہی ہیں، ان کی حیثیت اب کیا ہوگی۔ ناسا کی ویب سائٹ پر تاحال انہیں ایڈمنسٹریٹر کے طور پر درج کیا گیا ہے۔
یاد رہے کہ مئی کے آخر میں صدر ٹرمپ نے ٹیکنالوجی کے ارب پتی جیرڈ آئزک مین کی ناسا کی سربراہی کے لیے کی گئی نامزدگی واپس لے لی تھی اور اس کی وجہ ان کے ایلون مسک سے قریبی رابط بتایا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا خلائی ادارہ ڈونلڈ ٹرمپ ناسا.ذریعہ: WE News
کلیدی لفظ: امریکا خلائی ادارہ ڈونلڈ ٹرمپ کے لیے
پڑھیں:
ڈونلڈ ٹرمپ اور اسرائیل کا فلسطین پر حملہ سنگین جرم ہے، حافظ نعیم الرحمن
امیر جماعت اسلامی کا کہنا ہے کہ اسرائیل کو تسلیم کرنے کیلئے حکومت نے کوشش کی تو جماعت اسلامی مزاحمت کو لیڈ کرے گی، جماعت اسلامی اسرائیل کو تسلیم کرنے پر پوری مزاحمت کرے گی،وزیر اعظم نوٹس لیں پالیسی واضح ہے دو ریاستی حل کی بات کرتے ہیں، حماس نے جس زمین پر حملہ کیا تو 181 کے تحت اسی کی تھی،اسرائیل کیخلاف مزاحمت کو اپنا فرض سمجھتے ہیں۔ اسلام ٹائمز۔ جماعت اسلامی پاکستان کے امیر حافظ نعیم الرحمان نے منصورہ لاہور میں لیاقت بلوچ، امیر العظیم سمیت دیگر رہنماؤں کے ہمراہ پریس کانفرنس کرتے ہوئے کہا کہ اس وقت بین الاقوامی و قومی سطح پر مسائل ہیں، فلسطین میں روزانہ کی بنیاد پر امریکی بیانات آ رہے ہیں، جنگی بندی ہو جائے گی لیکن مسلسل اسرائیلی دہشتگردی ہو رہی ہے، روزانہ سو سے زائد فلسطینیوں کو شہید کیا جا رہا ہے، بچوں اور کھانا لینے والوں پر بمباری کی جا رہی ہے۔ حافظ نعیم الرحمن کا کہنا ہے کہ ڈونلڈ ٹرمپ نے اسرائیلی امداد میں اضافہ کر دیا ہے، اسرائیل نے ایران پر حملہ کیا تو اسے شاندار کارنامہ انجام دیا اور پھر کانگریس سے پوچھے بغیر امریکہ نے ایران پر حملہ کیا، ڈونلڈ ٹرمپ اور اسرائیل کا فلسطین پر حملہ سنگین جرم ہے، امریکہ سیز فائر کروا کر نوبل انعام حاصل کرتا ہے۔
حافظ نعیم الرحمن کا کہنا ہے کہ امریکہ کا منافقانہ کردار دنیا کے سامنے آیا تو پاکستان امریکہ پر دبائو ڈالے، اسرائیل دہشت گرد ملک بن کر دنیا کے سامنے آیا ہے، ایسی باتیں ہو رہی ہیں کہ اسرائیل کو تسلیم کر سکتے ہیں، جس وزیر نے بھی اسرائیل کو تسلیم کرنے کی گفتگو کی، قوم بھرپور مزاحمت کرے گی۔ امیر جماعت اسلامی کا کہنا ہے کہ اسرائیل کو تسلیم کرنے کیلئے حکومت نے کوشش کی تو جماعت اسلامی مزاحمت کو لیڈ کرے گی، جماعت اسلامی اسرائیل کو تسلیم کرنے پر پوری مزاحمت کرے گی،وزیر اعظم نوٹس لیں پالیسی واضح ہے دو ریاستی حل کی بات کرتے ہیں، حماس نے جس زمین پر حملہ کیا تو 181 کے تحت اسی کی تھی،اسرائیل کیخلاف مزاحمت کو اپنا فرض سمجھتے ہیں۔
20 بچوں کی ہلاکت، مریم نواز کے حکم پر ایم ایس اور سی ای او ہیلتھ پاکپتن گرفتار