بروقت نالوں کی صفائی نہ کی گئی تو قابض مئیر کی نا اہلی کی سزا شہریوں کو بھگتنا پڑیگی،منعم ظفر
اشاعت کی تاریخ: 11th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)امیرجماعت اسلامی کراچی منعم ظفر خان نے شہر میں نالوں کی صفائی کی بدترین صورتحال اور کمشنر کراچی کی زیر صدارت اجلاس میں نالوں میں 400مقامات پر موجود چوکنگ پوائنٹس کی نشاندہی وصفائی شروع کرنے کی اعلانات پر اپنے شدید ردعمل کا اظہار کرتے ہوئے کہاہے کہ نمائشی اقدامات واعلانات کے بجائے اگر فوری اور ہنگامی طور پر نالوں کی صفائی مکمل نہ کی گئی تو قابض میئر اور کے ایم سی کی نااہلی و ناقص کارکردگی کی سزاکراچی کے عوام کو بھگتنا پڑے گی اور قیمتی انسانی جانوں کو بھی خطرات لاحق رہیں گے۔منعم ظفرخان نے کہاکہ قابض
میئر اور کے ایم سی کی ذمے داری تھی کہ نالوں کی صفائی کا کام مون سون بارشوں سے قبل ہی مکمل کرلیا جاتا لیکن ایسا نہیں کیا گیا اور ایک ہفتے قبل ہونے والی تھوڑی سی بارش میں بھی شہر کے بڑے نالے اوورفلو ہوگئے اور سڑکوں پر بارش کا پانی جمع ہوگیا جس سے شہریوں کو شدید ذہنی وجسمانی اذیت کا سامنا اور آمدورفت میں مشکلات و پریشانی اْٹھانی پڑیں،گزشتہ سال نالوں کی صفائی کے لیے 41کروڑ روپے مختص کیے گئے مگر صفائی مکمل نہیں کی گئی اور پیدا شدہ بدترین صورتحال سے عوام کو دوچار ہونا پڑا، اس سال نالوں کی صفائی کے لیے 60کروڑ روپے مختص کیے گئے تاحال صورتحال سب کے سامنے ہیں اور حکومتی سطح پر کہاجارہا ہے کہ 400مقامات پر چوکنگ موجود ہے، اس سے حالات کی سنگینی اور بارش ہوگئی تو جو صورتحال پیدا ہوگی اس کا اندازہ لگایا جاسکتا ہے۔جماعت اسلامی کی جانب سے مسلسل متوجہ کیا جارہا تھا کہ نالوں کی صفائی کی جائے اور اپوزیشن لیڈر کے ایم سی سیف الدین ایڈووکیٹ نے کافی عرصے قبل شہر کے کئی نالوں کا بذات خود دورہ کر کے صورتحال واضح کی تھی کہ نالے کچرے کے ڈھیر سے بھرے پڑے ہیں اور فی الفور صفائی شروع کی جائے لیکن قابض میئر کے کانوں پر جوں تک نہیں رینگی۔کے ایم سی اور قابض میئر نے آخر کیوں نالوں کی صفائی پہلے مکمل نہیں کی،اب عین وقت پہ جاگے ہیں اور اجلاس و صفائی شروع کرنے کے اعلان کیے جارہے ہیں۔گزشتہ سال بھی سارے دعوے اور اعلانات دھرے کے دھرے رہ گئے تھے اور بارش کے بعد نالوں کے بھرنے سے کئی حادثات رونما ہوئے،موٹر سائیکلیں اور گاڑیاں نالوں میں گریں اور قیمتی انسانی جانیں بھی ضائع ہوئیں اور کروڑوں روپے کا بجٹ بھی استعمال ہوگیا۔
ذریعہ: Jasarat News
کلیدی لفظ: نالوں کی صفائی کے ایم سی
پڑھیں:
موٹر سائیکل نمبر پلیٹوں کی جبری تبدیلی قبول نہیں ٗرشوت و کرپشن کا دھندا بند کیا جائے ٗ منعم ظفر
data-id="863a0a8" data-element_type="widget" data-widget_type="theme-post-content.default">
کراچی(اسٹاف رپورٹر)امیرجماعت اسلامی کراچی منعم ظفر خان نے ادارہ نورحق میں پریس کانفرنس سے خطاب کرتے ہوئے کہاہے کہ پیپلزپارٹی کی صوبائی حکومت کی سرپرستی اور وڈیرانہ ذہنیت میں کراچی سمیت پورے صوبے میں کرپشن کا سسٹم چل رہا ہے اوربربادی کا سفر جاری ہے ،ایس بی سی اے سمیت ہر ادارہ رشوت اور نااہلی کا گڑھ بنا ہوا ہے ،کراچی میں اس وقت 588 مخدوش عمارتیں موجود ہیں جن میں سے 51 انتہائی خطرناک قرار دی گئی ہیں۔گزشتہ 5سال میں تعمیر شدہ ایک لاکھ عمارتوں میں سے 85فیصد عمارتیں منظوری کے بغیر تعمیر کی گئیں ،40اور 60گز کی کئی کئی منزلہ عمارتیں بن گئیں ہیں ،حکومتی سرپرستی میں غیر قانونی تعمیرات نے کراچی کو کنکریٹ کا جنگل بنادیا ہے ،عوام کو پینے کاپانی میسرنہیں ،شہر کا انفرااسٹرکچر تباہ اور سڑکیں ٹوٹ پھوٹ کا شکار ہیں لیکن موٹر سائیکل سواروں کا چالان کرنے والے ہر چوک پر کھڑے ہیں ،جماعت اسلامی موٹر سائیکل کی نمبر پلیٹوں کی جبری تبدیلی ہرگز قبول نہیں کرے گی ،نمبر پلیٹوں کی تبدیلی کے نام پر رشوت اور کرپشن کا دھندا بند کیا جائے ،غیر قانونی تعمیرات کے ذمے داران کے خلاف سخت قانونی کارروائی کی جائے ،لیاری میں منہدم عمارت کے متاثرین کو متبادل جگہ اور 6ماہ کا کرایہ حکومت فراہم کرے ،شرجیل میمن بتائیں کہ متبادل جگہ فراہمی کی ذمے داری سندھ حکومت کی نہیں تو کس کی ہے ؟17سال میں کراچی کے لیے صرف 300بسیں چلا کر ٹرانسپورٹ کا مسئلہ حل نہیں ہوسکتا ،کراچی کو ماس ٹرانزٹ ،لائٹ ٹرین اور سرکلر ریلوے کی ضرورت ہے ،پیپلزپارٹی ،ایم کیو ایم اور نواز لیگ کو کراچی کے مسائل سے کوئی سروکار نہیں، فارم 13اورفارم 47کے ذریعے مسلط ہونے والے عوام کے مسائل حل نہیں کرسکتے ،جماعت اسلامی کراچی کے ساڑھے3 کروڑ عوام کے جائز وقانونی حقوق اور مسائل کے حل کے لیے جدوجہد جاری رکھے گی،بہت جلد کراچی کی ہر یونین کمیٹی کی سطح پرحق دو کراچی کنونشنزمنعقد کیے جائیں گے۔ منعم ظفر خان نے لیاری بغدادی میں پیش آنے والے دلخراش واقعے پر شدید افسوس کا اظہار کرتے ہوئے کہا کہ 27 قیمتی انسانی جانوںکا ضیاع بہت بڑا سانحہ ہے ۔ یہ سانحہ سندھ بلڈنگ کنٹرول اتھارٹی (SBCA) کی کھلی غفلت، کرپشن اور غیر قانونی تعمیرات کی حکومتی پشت پناہی کا منہ بولتا ثبوت ہے۔انہوں نے مزید کہا کہ کراچی میں حکومت نام کی کوئی چیز موجود نہیں۔ پیپلز پارٹی اور ایم کیو ایم کی ملی بھگت سے سندھ کے تمام ادارے مفلوج ہوچکے ہیں۔ ہر طرف کرپشن کا بازار گرم ہے، کوئی پوچھنے والا نہیں۔ کراچی میں ادارے بولیوں پر چل رہے ہیں۔ سندھ بلڈنگ کنٹرول اتھارٹی جیسے ادارے ناظم آباد، گلشن اقبال ، لیاقت آباد، پی ای سی ایچ ایس سمیت ہر علاقے میں غیر قانونی تعمیرات کی سرپرستی کر رہے ہیں۔منعم ظفر خان نے کہاکہ کراچی میں موٹر سائیکل نمبر پلیٹس کی جبری تبدیلی، بھاری جرمانے و چالان اور پولیس کے ذریعے شہریوں کو ہراساں کرنا کراچی کی توہین اور تذلیل ہے ،کراچی میں پانی نہیں، ماس ٹرانزٹ منصوبہ نہیں، سڑکیں ٹوٹی ہوئی ہیں، لیکن حکومت صرف چالان اور نمبر پلیٹ اسکیموں سے پیسہ بٹورنے میں مصروف ہے،ہیوی ٹریفک کے باعث حادثات میں 5ہزار افراد زخمی ہو چکے ہیں ، ان کے علاج معالجے اور جاں بحق ہونے والوں کے لیے کسی معاوضے کا اعلان نہیں کیا گیا ۔پریس کانفر نس میں سیکرٹری اطلاعات زاہد عسکری،پبلک ایڈ کمیٹی جماعت اسلامی کراچی کے سیکرٹری نجیب ایوبی،سینئر ڈپٹی سیکرٹری اطلاعات و انچارج میڈیا سیل صہیب احمد، نائب صدر پبلک ایڈ کمیٹی وانچارج کے الیکٹرک سیل عمران شاہد بھی موجود تھے ۔
لیاری واقعہ: بے گھر افراد کو ہوٹلوں میں ٹھہرانے کا انتظام کیا جاچکا: یوسف بلوچ