قومی ٹیم کے ہیڈ کوچ کا بابر اعظم کے ٹیم میں کھیلنے سے متعلق اہم بیان
اشاعت کی تاریخ: 10th, July 2025 GMT
پاکستان کرکٹ ٹیم کے ہیڈ کوچ مائیک ہیسن کا کہنا ہے کہ بابر اعظم سے وکٹ کیپنگ کے حوالے سے کوئی بات نہیں ہوئی،وہ بطور اوپنر ٹیم میں جگہ بنانے کیلئے کام کررہے ہیں۔اگر وہ ٹیم میں جگہ بنائیں گے تو صائم یا فخر کے ساتھ کھیلیں گے۔
نیشنل بینک اسٹیڈیم کراچی میں میڈیا سے گفتگو کرتے ہوئے قومی ٹیم کے ہیڈ کوچ کا کہنا تھا کہ ٹی 20 کرکٹ سیریز کے سلسلے میں کیمپ لگایا گیا ہے۔ کچھ چیزوں پر ہم کام کرنے کی کوشش کررہے ہیں۔ایک ہفتے تک ہمارا کیمپ جاری رہے گا۔
انہوں نے کہا کہ بابر اعظم وکٹ کیپنگ کے آپشن میں شامل نہیں ہیں۔بہت سی باتیں اس حوالے سے گردش میں ہیں۔بابر اعظم بطور اوپنر ٹیم میں جگہ بنانے کیلئے کام کررہا ہے۔ فخر زمان اور صائم ایوب اوپنر کے آپشنز ہیں۔
حسن علی سے متعلق گفتگو کرتے ہوئے انہوں نے کہا کہ حسن علی ویسٹ انڈیز میں ٹیم کے ساتھ ہوں گے۔حسن علی بہت اچھی کرکٹ کھیل رہے ہیں۔ ریگولرفاسٹ بولرز کی غیر موجودگی میں ہم نے دیگرکوموقع دیا ہے۔ایسے کھلاڑی کو زیادہ موقع دیا جائے گا جو انٹرنیشنل پلان پر پورا اترتے ہوں گے۔ سلمان مرزا کو حسن علی کی جگہ شامل کیا گیا ہے۔
ان کا کہنا تھا کہ شاہین شاہ آفریدی ورلڈ کلاس بولر ہیں۔حارث روف انجری کی وجہ سے ہمارے ساتھ نہیں ہیں
ان کا یہ بھی کہنا تھا کہ کسی بلے باز کو یہ نہیں کہا کہ 150 کے اسٹرائیک ریٹ سے کھیلیں۔اگر ہم ٹی 20 میں پیچھے ہیں اس کی وجہ ہماری بیٹنگ ہے۔مارڈرن ڈے کرکٹ میں آپ کو تیز کھیلنا ہوتا ہے۔
.ذریعہ: Express News
کلیدی لفظ: ٹیم میں حسن علی ٹیم کے
پڑھیں:
وزیر اعظم کے پنکھا تبدیلی پروگرام اور جلد اجرا سے متعلق جائزہ اجلاس
data-id="863a0a8" data-element_type="widget" data-widget_type="theme-post-content.default">
اسلام آباد (اے پی پی) وفاقی وزیر برائے خزانہ سینیٹر محمد اورنگزیب کی زیر صدارت اجلاس میں وزیر اعظم کے پنکھا تبدیلی پروگرام اور اس کے جلد اجرا کے حوالے سے تیاریوں کا جائزہ لیا گیا۔ پیر کو وفاقی وزارت خزانہ کی طرف سے جاری بیان کے مطابق اجلاس میں وفاقی وزیر برائے توانائی سردار اویس احمد خان لغاری، گورنر اسٹیٹ بینک، چیئرمین پاکستان بینکس ایسوسی ایشن، وزارت توانائی سمیت متعلقہ اداروں کے سینئر حکام نے شرکت کی۔ اجلاس میں وزیر خزانہ اور شرکا کو نیشنل انرجی ایفیشینسی اور کنزرویشن اتھارٹی کی جانب سے پروگرام کی عملی تیاریوں اور متوقع آغاز سے متعلق تفصیلی بریفنگ دی گئی۔ فنی معاونت اور سلوشنز کے ذریعے عملدرآمد کو تیز کرنے جیسے اہم نکات کا تفصیلی جائزہ لیا گیا۔ وزیر خزانہ نے تمام اسٹیک ہولڈرز خصوصا بینکاری شعبے کی بھرپور شرکت اور تعاون کو سراہا اور ہدایت دی کہ آئندہ 2 سے 3 ہفتوں میں تمام ضروری اقدامات مکمل کیے جائیں تاکہ مہینے کے اختتام تک پروگرام کے پہلے مرحلے کا تیار بینکوں کی شمولیت کے ساتھ آغاز ممکن بنایا جاسکے۔ اجلاس میں تمام شرکا نے حکومت کے معاشی و توانائی شعبے میں اصلاحاتی ایجنڈے کے تحت پروگرام کی بروقت اور موثر تکمیل کے عزم کا اعادہ کیا۔
عمران سے نوازشریف کا کچھ لینا دینا نہیں، عرفان صدیقی، اڈیالہ جانے کی بات غلط، رانا ثناء