شفیق آباد، گودام میں آتشزدگی، ریسکیو اہلکار ملبے تلے آ کر جاں بحق، 3 زخمی
اشاعت کی تاریخ: 11th, July 2025 GMT
لاہور (نامہ نگار) شفیق آباد کے علاقے میں بند روڈ کھوکھر ٹاؤن سٹاپ کے قریب پلاسٹک کے گودام میں آتشزدگی کے بعد چھت زمین بوس ہوگئی۔ جس سے امدادی سرگرمیوں میں مصروف ریسکیو 1122 کا ایک اہلکار ملبے تلے دب کر جاں بحق جبکہ تین اہلکار شدید زخمی ہو گئے ہیں۔ گودام میں آتشزدگی کی اطلاع پر ریسکیو 1122 کے فائر فائٹرز عملے نے موقع پر پہنچ کر آگ پر قابو پانے کے لئے امدادی کارروائیاں شروع کر دیں۔ اس دوران عمارت کی چھت زمین بوس ہو گئی۔ جس سے ملبے تلے دب کر 38 سالہ فائر ریسکیور ناظم حسین جاں بحق ہو گیا جبکہ تین ریسکیو اہلکار 40 سالہ طیب، 36 سالہ جہانگیر اور 28 سالہ شعیب شدید زخمی ہو گئے ہیں۔ ریسکیو حکام کا کہنا ہے کہ گودام میں آگ بجھانے کے بعد ریسکیو اہلکار عمارت کا معائنہ کر رہے تھے، آتشزدگی سے شدید متاثر گودام کی چھت اچانک گر گئی۔ صوبائی وزیر ایمرجنسی سروسز خواجہ سلمان رفیق اور سیکرٹری ایمرجنسی سروسز ڈاکٹر رضوان نصیر نے ریسکیو آپریشن کی جگہ کا دورہ کیا اور شہید کی خدمات کو خراج عقیدت پیش کیا ہے۔
.
ذریعہ
ذریعہ: Nawaiwaqt
پڑھیں:
گلگت بلتستان انتخابات کیلئے سیکیورٹی ہائی الرٹ، 13 ہزار سے زائد اہلکار تعینات کرنے کا فیصلہ
اویس کیانی: گلگت بلتستان میں ہونے والے انتخابات کے پرامن انعقاد کو یقینی بنانے کیلئے وفاقی حکومت نے جامع سیکیورٹی پلان کی منظوری دے دی ہے، جس کے تحت مختلف سیکیورٹی اداروں کے ہزاروں اہلکار تعینات کیے جائیں گے۔
ذرائع کے مطابق انتخابی عمل کے دوران امن و امان برقرار رکھنے کیلئے پاک فوج، سول آرمڈ فورسز، پنجاب پولیس، اسلام آباد پولیس، پنجاب رینجرز، فرنٹیئر کور (ایف سی) اور جی بی اسکاؤٹس کے اہلکار فرائض سرانجام دیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
حکومتی منظوری کے بعد پاک فوج اور سول آرمڈ فورسز کی تعیناتی آئین کے آرٹیکل 220 اور انسداد دہشت گردی ایکٹ 1997 کے تحت عمل میں لائی جائے گی۔
سیکیورٹی پلان کے تحت پاک فوج کے 985 جوان، پنجاب پولیس کے 6 ہزار اہلکار، اسلام آباد پولیس کے 1500 اہلکار، پنجاب رینجرز کے 2 ہزار جوان، ایف سی کے ایک ہزار اہلکار جبکہ جی بی اسکاؤٹس کے 1500 اہلکار انتخابی ڈیوٹی انجام دیں گے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
ذرائع کا کہنا ہے کہ حساس پولنگ اسٹیشنز اور اہم مقامات پر خصوصی سیکیورٹی انتظامات کیے جائیں گے تاکہ ووٹرز محفوظ ماحول میں اپنا حق رائے دہی استعمال کر سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ