اسلام آباد میں وہیکل امیشن ٹیسٹنگ مہم کا آغاز، دھواں چھوڑنے والی گاڑیوں پر پابندی عائد
اشاعت کی تاریخ: 11th, July 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد: وزیر مملکت برائے داخلہ طلال چوہدری نے وفاقی دارالحکومت میں وہیکل امیشن ٹیسٹنگ مہم کا باقاعدہ افتتاح کر دیا، اس موقع پر اسلام آباد ٹرانسپورٹ اتھارٹی کی ٹیم نے جدید آلات کے ذریعے وزیر داخلہ کی گاڑی کا معائنہ بھی کیا۔
میڈیا رپورٹس کےمطابق طلال چوہدری نے اعلان کیا کہ اسلام آباد میں دھواں چھوڑنے والی گاڑیوں کو داخل ہونے کی اجازت نہیں دی جائے گی۔
وزیر مملکت نے کہا کہ وزیر اعظم اور وزارت داخلہ کی ہدایت پر اصلاحات کا عمل جاری ہے، جن میں نہ صرف بین الاقوامی معیار کا انفراسٹرکچر شامل ہے بلکہ ماحولیات کی بہتری کو بھی اہمیت دی جا رہی ہے، اسلام آباد کا ایئر کوالٹی انڈیکس گزشتہ کچھ برسوں میں خطرناک حد تک بڑھ چکا تھا جو بعض اوقات 200 تک جا پہنچا تھا۔
طلال چوہدری کاکہنا تھا کہ وہیکل انسپکشن کا آغاز بین الاقوامی معیار کے آلات سے کیا گیا ہے اور اس مقصد کے لیے حکومت پنجاب نے ماہرین پر مشتمل خصوصی ٹیم بھی اسلام آباد بھجوائی، جس پر انہوں نے شکریہ ادا کیا، ڈپٹی کمشنر اسلام آباد عرفان نواز میمن نے اس مہم کا آغاز اپنی نجی گاڑی سے کر کے ایک قابلِ تقلید مثال قائم کی۔
وزیر مملکت نے مزید کہاکہ سب سے پہلے سرکاری گاڑیوں کی انسپکشن کی جائے گی اور جو گاڑیاں ٹیسٹ میں کامیاب ہوں گی، ان پر مخصوص بار کوڈ آویزاں کیا جائے گا، اس کے برعکس، دھواں چھوڑنے والی گاڑیوں کے خلاف کارروائی کرتے ہوئے جرمانے عائد کیے جائیں گے۔
طلال چوہدری کامزید کہنا تھا کہ اسلام آباد میں آلودگی کے پھیلاؤ کی ایک بڑی وجہ اینٹوں کے بھٹے تھے، جنہیں مکمل طور پر زگ زیگ ٹیکنالوجی پر منتقل کر دیا گیا ہے اور جو بھٹے اس معیار پر پورا نہیں اترے، انہیں بند کر دیا گیا ہے۔
.ذریعہ: Jasarat News
کلیدی لفظ: طلال چوہدری اسلام آباد
پڑھیں:
عمران خان کے بیٹوں کے ساتھ ان کی بیٹی کو بھی پاکستان آنا چاہیے، وزیر مملکت برائے داخلہ
اسلام آباد:وزیر مملکت برائے داخلہ طلال چوہدری نے کہا ہے کہ عمران خان کے بیٹوں کے ساتھ ان کی بیٹی کو بھی پاکستان آنا چاہیے، اگر عمران خان کے بچے پاکستانی شہری نہیں ہیں تو انہیں ویزا لے کر آنا پڑے گا۔
پارلیمنٹ ہاؤس میں میڈیا کے سوالوں کے جواب دیتے ہوئے وزیرمملکت برائے داخلہ طلال چوہدری نے کہا کہ بانی پی ٹی آئی کے بچے اگرپاکستانی شہری نہیں ہیں تو ویزے کی پابندیاں لاگو ہوں گی اور کسی ملکی و غیرملکی کو پاکستان میں آکرقانون ہاتھ میں لینے کی اجازت نہیں ہوگی، عمران خان کے بیٹوں کے ساتھ ان کی بیٹی کو بھی پاکستان آنا چاہیے۔
انہوں نے کہا کہ بلوچستان میں حالیہ دہشت گردی آپریشن سندور کا تسلسل ہے، بھارت پراکسیزکے ذریعے سافٹ ٹارگٹس کو نشانہ بنا رہا ہے لیکن بھارتی پراکسیز کو ختم کریں گے۔
طلال چوہدری نے کہا کہ پاکستان کے خلاف جتنی رقم لگا کر لابنگ پی ٹی آئی نے کروائی ہے کسی نے نہیں کروائی، ان کے پیسے ضائع گئے ہیں،گولڈ اسمتھ کا خاندان آج بھی بانی پی ٹی آئی کی سپورٹ کر رہا ہے۔
دہشت گردی کے واقعات پر بات کرتے ہوئے انہوں نے کہا کہ بلوچستان اور خیبرپختونخوا (کے پی) میں بھارت کی پراکسیز بےگناہ اور معصوم لوگوں کو ٹارگٹ کر رہی ہیں، بلوچستان میں حالیہ دہشت گردی کا واقعہ آپریشن سندور کا تسلسل ہے۔
انہوں نے کہا کہ بھارت اپنی پراکسیزکے ذریعے اب پاکستان میں آسان اہداف کو نشانہ بنا رہا ہے لیکن پاکستانی ادارے، پاکستانی عوام تیار ہیں اور دشمن کامقابلہ کریں گے۔
ان کا کہنا تھا کہ کے پی اور بلوچستان میں انسداد دہشت گردی کے اداروں کو مضبوط کرنے کی ضرورت ہے، بلوچستان میں دہشت گردی کے واقعات میں کافی کمی آئی ہے۔
طلال چوہدری نے کہا کہ کالعدم ٹی ٹی پی اور بی ایل اے دونوں ہمسایہ پراکسیز ہیں اور ہمسایہ ممالک میں بیٹھ کر پاکستان کے خلاف کام کر رہی ہیں۔
6 ارب ڈالر کے ریفائنری منصوبوں کی بحالی، ایس آئی ایف سی کے تحت توانائی شعبے میں اہم اصلاحات متوقع