پرانے وقتوں کے بچیوں کے وہ نام جو آج بھی مستعمل، برطانیہ میں کونسا مبارک نام سب سے زیادہ مقبول
اشاعت کی تاریخ: 22nd, July 2025 GMT
نام رکھنا ہمیشہ والدین کے لیے ایک اہم اور جذباتی مرحلہ ہوتا ہے۔ کچھ لوگ نئے، انوکھے ناموں کے شوقین ہوتے ہیں لیکن ایک ٹرینڈ جو ہر دور میں واپس آتا ہے وہ ہے ونٹیج یا روایتی ناموں کا انتخاب وہ خوبصورت اور باوقار نام جو وقت کی قید سے آزاد ہیں۔
یہ بھی پڑھیں: اٹلی میں ونٹیج کار فیسٹول کا شاندار انعقاد
سوشل میڈیا پر حال ہی میں ایک ویڈیو نے سب کی توجہ کھینچ لی ہے جس میں معروف ٹک ٹاک صارف @thebabynameconsultant نے 31 ونٹیج لڑکیوں کے نام شیئر کیے جو ایک بار پھر والدین کی پسند بن رہے ہیں۔ ان میں سے کئی نام صدیوں پرانے ہیں لیکن ان کی دلکشی آج بھی برقرار ہے۔
اگر کسی کی دلچسپی ‘S’ سے شروع ہونے والے ناموں میں ہے تو سرافینا، سوفیا یا سوفی جیسے دلکش نام ان کا بہترین انتخاب ہو سکتے ہیں۔
ان ناموں میں سے چند کچھ یوں ہیں۔ سوفیا (دانائی، عقل مند)
سرافینا (آسمانی، فرشتوں جیسی)، میو (دلکش، خوشنما)، آئرس (ایک پھول کا نام / قوس قزح کی دیوی)، فیبی (روشن، چمکدار)، روبی (قیمتی پتھر یاقوت)، فلورا (پھولوں سے بھری، فطرت سے جڑی ہوئی)، لیڈیا (ایک قدیم علاقہ/عزت دار عورت)، جولیئٹ (محبت کرنے والی، جوان)، ایلینا (روشنی، چمک)، جونو (باعزت عورت، رومن دیوی)، زوئی (زندگی)، ناؤمی (خوش مزاج، پیاری)، ہیلینا (چمکتی ہوئی، روشن)، لوئیس (بہادر، مشہور جنگجو)، لوشیا (روشنی والی)، جون(مہینے کا نام، سادگی کا اظہار)، ویوین (زندہ دل، جینے والی)، ایزادورا (خدا کی نعمت)، کلاڈیا (ایک قدیم رومن عورت کا نام)، ایلیس (خدا کی قَسم)، نینا (چھوٹی لڑکی، پیاری، محبت کرنے والی)، فرانسس (آزاد مزاج عورت)، جارجیا (کسان، زمین سے محبت کرنے والی)، جینیویو (قبیلے یا خاندان سے تعلق رکھنے والی عورت)، وغیرہ۔
روایتی ناموں کا جادو کیوں برقرار ہے؟بہت سے والدین اپنے خاندانی ورثے اور ماضی کی یادوں کو زندہ رکھنے کے لیے ایسے ناموں کا انتخاب کرتے ہیں جو ان کی نانی، دادی یا پردادی کے زمانے سے جڑے ہوں۔
یہ نام نہ صرف خوبصورت ہوتے ہیں بلکہ ان میں ایک وقار اور سنجیدگی ہوتی ہے جو ہر عمر میں اچھی لگتی ہے۔
مزید پڑھیے: چین کے انوکھے کھلونوں میں خاص کیا ہے؟
پرانے نام آج کے جدید دور میں ایک نئی تازگی کے ساتھ واپس آ رہے ہیں۔
برطانیہ میں بچوں کے نام مقبول ترینبرطانیہ کے Office for National Statistics (ONS) کی سال 2023 کی رپورٹ کے مطابق لڑکوں میں سب سے مقبول نام اب محمد ہے جس نے نوا (نوح) کو پیچھے چھوڑ دیا۔ جبکہ اولیور تیسرے نمبر پر ہے۔
لڑکیوں میں تبدیلی نہیں آئی ۔ اولیویا مسلسل 8ویں سال سب سے زیادہ پسندیدہ نام رہا، اس کے بعد ایمیلیا اور آئیلا۔
مزید پڑھیں: رنگوں کی کاریگری: صحت اور سکون کے لیے کون سا رنگ بہترین ثابت ہوتا ہے؟
ان دنوں سوشل میڈیا پر خصوصاً برطانوی افراد مشورے دے رہے ہیں کہ جو لوگ اپنی ننھی پری کے لیے ایک ایسے نام رکھنا چاہتے ہوں جو کلاسک بھی ہوں اور اسٹائلش بھی تو ونٹیج ناموں کی یہ فہرست ضرور دیکھیں کیوں کہ کچھ خوبصورتی کبھی پرانی نہیں ہوتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانیہ میں مقبول نام پرانے وقتوں کے مقبول نام ونٹیج نام.ذریعہ: WE News
کلیدی لفظ: برطانیہ میں مقبول نام پرانے وقتوں کے مقبول نام ونٹیج نام کے لیے
پڑھیں:
برساتی نالے میں بہنے والی کار کا بمپر مل گیا، گاڑی اور باپ بیٹی تاحال لاپتہ
راولپنڈی ( اُردو پوائنٹ اخبارتازہ ترین۔ 22 جولائی 2025ء ) صوبہ پنجاب کے شہر راولپنڈی کے پوش علاقہ ڈی ایچ اے کے برساتی نالے میں بہنے والی کار کا بمپر مل گیا۔ تفصیلات کے مطابق 64 سالہ ریٹائرڈ کرنل اپنی 25 سالہ بیٹی کے ہمراہ گاڑی میں گھر سے نکلے اور اس دوران جب انہوں نے برساتی نالے کے قریب سے گاڑی گزارنے کی کوشش کی تو سڑک پر پانی کا ریلہ گاڑی کو بہا کر لے گیا، بہاؤ تیز ہونے کی وجہ سے دونوں بات بیٹی بھی گاڑی کے ساتھ ہی پانی میں بہہ گئے، نالے میں کار سمیت بہہ جانے والے افراد گاڑی سے مدد کے لیے لوگوں کو پکارتے رہے، سوشل میڈیا پر سامنے آنے والی ویڈیو میں کار سواروں کو مدد کے لیے ہاتھ ہلاتے ہوئے بھی دیکھا جاسکتا ہے۔بتایا جا رہا ہے کہ ڈی ایچ اے 5 میں برساتی ریلے میں بہنے والی اِس گاڑی میں ریٹائرڈ کرنل اپنی بیٹی کے ہمراہ جا رہےتھے، ویڈیو میں دیکھا جا سکتا ہے کار سوار مدد کےلئے ہاتھ ہلا رہے ہیں، اللہ اِنہیں محفوظ رکھے۔۔!! pic.twitter.com/htEGrQJzG7
— Khurram Iqbal (@khurram143) July 22, 2025 اس حوالے سے ریسکیو حکام نے بتایا ہے کہ پانی میں بہہ جانے والے افراد کی تلاش کے لیے آپریشن کا آغاز کردیا گیا ہے، پولیس اور ریسکیو 1122 کے غوطہ خوروں نے سرچ آپریشن شروع کیا، جس کے نتیجے میں ڈی ایچ اے فیز 5 راولپنڈی کے برساتی نالے میں بہنے والی کار کا بمپر مل چکا ہے، تاہم گاڑی میں سوار باپ بیٹی تاحال لاپتہ ہیں اور کار سمیت بہہ جانے والے ریٹائرڈ کرنل اور اُن کی بیٹی کی تلاش کیلئے دریائے سواں میں بھی ریسکیو آپریشن شروع کردیا گیا۔(جاری ہے)
بتایا جارہا ہے کہ راولپنڈی اور اسلام آباد میں تیز بارش کے باعث نشیبی علاقے زیر آب آچکے ہیں، اس دوران راولپنڈی کی نجی ہاؤسنگ سوسائٹی میں بھی پانی داخل ہوگیا اور ملحقہ دیہات بھی زیر آب آگئے، شدید بارش سے متاثر ہونے والے گاؤں میں باغ راجگان، کھڑکن، سوہاوہ شامل ہیں جب کہ اڈیالہ سرکل اور بسکٹ فیکٹری چوک پر بارش کے پانی کے باعث ٹریفک کی روانی متاثر ہوگئی۔
مظفر گڑھ میں ڈکیتی کی حیران کن واردات، 30 ڈاکو 180 بھینسیں لے گئے