نجی تعلیمی ادارے پاکستان کی تعلیمی ترقی میں کلیدی کردار ادا کر رہے ہیں،ڈاکٹر ملک ابرار حسین
اشاعت کی تاریخ: 27th, July 2025 GMT
نجی تعلیمی ادارے پاکستان کی تعلیمی ترقی میں کلیدی کردار ادا کر رہے ہیں،ڈاکٹر ملک ابرار حسین WhatsAppFacebookTwitter 0 27 July, 2025 سب نیوز
اسلام آباد /اٹک(سب نیوز)آل پاکستان پرائیویٹ اسکولز اینڈ کالجز ایسوسی ایشن کے مرکزی صدر ڈاکٹر ملک ابرار حسین نے کہا ہے کہ نجی تعلیمی ادارے پاکستان کے تعلیمی شعبے میں ریڑھ کی ہڈی کی حیثیت رکھتے ہیں۔ پرائیویٹ سیکٹر نے ہمیشہ اعلیٰ تعلیمی معیار کو برقرار رکھتے ہوئے نمایاں کامیابیاں حاصل کی ہیں۔پسماندہ علاقوں میں قائم تعلیمی اداروں کی ترقی اور تعلیم کے فروغ میں گورنرپنجاب اپنا کردار ادا کریں۔
ان خیالات کااظہار انہوں نے گزشتہ روز اٹک اور جنڈ سمیت علاقہ کے دیگر نجی تعلیمی اداروں کے ہنگامی دورہ کے بعد پنجاب گروپ آف کالجز جنڈ میں میڈیا سے خطاب کرتے ہوئے کیا۔ پنجاب کالج جنڈ کے پرنسپل معروف ماہر تعلیم ملک مطیع اللہ, دانش اسکول کے ایڈمن آفیسر میجر (ر) شوکت خٹک، فورسز اسکول سسٹم جنڈ کے پرنسپل نوید نواز اور سابق صدر بار ایسوسی ایشن جنڈ، سفیر احمد فرخ بھی موجود تھے۔ ملک ابرار حسین نے کالج میں جاری شجرکاری مہم کے تحت پودا بھی لگایا اور پرنسپل کالج کو اعزازی شیلڈ پیش کی۔
ڈاکٹر ملک ابرار حسین نے بہترین نتائج پر پنجاب کالج انتظامیہ کو مبارکباد پیش کرتے ہوئے کہا کہ حالیہ میٹرک کے نتائج اس بات کا ثبوت ہیں کہ پرائیویٹ اسکولوں کے طلبہ نے ملک بھر کے تعلیمی بورڈز میں سب سے زیادہ پوزیشنز حاصل کی ہیں جو اس بات کی عکاسی کرتا ہے کہ نجی شعبہ کس قدر سنجیدگی اور ذمہ داری کے ساتھ ملک کے تعلیمی مستقبل کی تعمیر میں مصروف عمل ہے۔
ڈاکٹر ملک ابرار حسین نے گورنر پنجاب سے مطالبہ کیا کہ وہ اپنے حلقہ انتخاب، بالخصوص ضلع اٹک، تحصیل جنڈ اور دیگر پسماندہ علاقوں میں تعلیمی ترقی کے لیے سنجیدہ اقدامات کریں۔ وہاں کے طلبہ کو بھی وہی تعلیمی سہولیات فراہم کی جائیں جو شہری علاقوں کو حاصل ہیں تاکہ پورا ملک تعلیمی میدان میں یکساں ترقی کر سکے۔یہاں قائم نجی تعلیمی اداروں کی ترقی میں بھی اپنا کردار ادا کریں۔
انہوں نے کہا کہ نجی تعلیمی ادارے متعدد چیلنجز کا سامنا کر رہے ہیں، جن میں مہنگائی، بھاری ٹیکسز اور حکومتی سطح پر عدم تعاون شامل ہے۔ اگر حکومت واقعی تعلیمی ترقی چاہتی ہے تو نجی اداروں کو سہولتیں فراہم کی جائیں، پالیسی سازی میں ان کی مشاورت کو شامل کیا جائے اور تعلیمی میدان میں ان کے کردار کو سرکاری سطح پر تسلیم کیا جائے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرعمان میں موجود پاکستانیوں کیلیے اہم خبر، 31 جولائی تک یہ کام ضرور کر لیں مشرقی وسطی میں پائیدار امن کے قیام کیلئے دور ریاستی حل ضروری ہے، پاکستان وزیراعظم کی زائرین کیلئے خصوصی پروازوں کے انتظامات کی ہدایت راولپنڈی سے لاہور جانے والی بس کو حادثہ، 8افراد جاں بحق پی ٹی آئی مالی بحران کا شکار، سیکریٹریٹ کے ملازمین کی تنخواہوں میں 50 فیصد کمی پی ٹی آئی اے پی سی بلائے تو ہم جائیں گے: میاں افتخار حسین خیبر پختونخوا سے آزاد حیثیت میں منتخب ہونیوالے 5 سینیٹرز پی ٹی آئی میں شاملCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: ڈاکٹر ملک ابرار حسین ملک ابرار حسین نے نجی تعلیمی ادارے تعلیمی ترقی
پڑھیں:
اسرائیل کے حملوں کی صرف مذمت کافی نہیں اب واضح لائحہ عمل دینا ہوگا، اسحاق ڈار
دوحہ(نیوز ڈیسک) نائب وزیراعظم اسحاق ڈار کا کہنا ہے کہ اسرائیل کے حملوں کی صرف مذمت کافی نہیں اب واضح لائحہ عمل دیناہوگا کیونکہ اسرائیل کی اشتعال انگیزی سے واضح ہے وہ ہر گز امن نہیں چاہتے۔
تفصیلات کے مطابق نائب وزیراعظم اسحاق ڈار نے الجزیرہ کو انٹرویو دیتے ہوئے کہا کہ قطر پر اسرائیل کے حملے کی شدید مذمت کرتے ہیں۔ یہ حملہ مکمل طور پر غیر متوقع اور ناقابل قبول اقدام ہے، ایک خودمختار ملک پر حملے کا کوئی جواز نہیں بنتا۔
نائب وزیراعظم کا کہنا تھا کہ اسرائیل کے حملوں کی صرف مذمت کافی نہیں ہے، اب وقت آگیا ہے کہ ایک واضح لائحہ عمل سامنے لایا جائے، دنیا کو اسرائیل کا راستہ روکنا ہوگا۔
پاکستان کے کردار سے متعلق سوال پر اسحاق ڈار نے کہا کہ پاکستان نے ہمیشہ برادر ملک قطر کے ساتھ کھڑے ہوکر فعال کردار ادا کیا ہے۔ او آئی سی فورم سے اسرائیل کی بھرپور انداز میں مذمت کی گئی اور قطر پر حملے کے بعد ہم نے صومالیہ کے ساتھ مل کر اقوامِ متحدہ کے ہنگامی اجلاس کی درخواست بھی دی ہے۔
غزہ اور فلسطین کی صورتحال پر ان کا کہنا تھا کہ غزہ کے عوام انتہائی مشکل وقت گزار رہے ہیں، اب وقت آگیا ہے کہ وہاں غیر مشروط جنگ بندی ہونی چاہیے، اسرائیل کی اشتعال انگیزی سے یہ واضح ہے کہ وہ کسی صورت امن نہیں چاہتے۔
نائب وزیراعظم نے مزید کہا کہ پاکستان نے ہمیشہ مذاکرات اور بات چیت کے ذریعے پرامن حل کی حمایت کی ہے، میرے نزدیک مسائل کے حل کے لیے مذاکرات ہی بہترین راستہ ہیں، مگر اس کے لیے سب کو سنجیدگی کا مظاہرہ کرنا ہوگا۔
اقوامِ متحدہ اور سلامتی کونسل کے کردار کے سوال پر ان کا کہنا تھا کہ سلامتی کونسل کو کشمیر اور فلسطین جیسے تنازعات پر اپنی ذمہ داری پوری کرنی چاہیے، اس ادارے میں اصلاحات کی ضرورت ہے تاکہ عالمی امن کے حوالے سے اس کا کردار مؤثر ہوسکے۔
پاکستانی وزیر خارجہ نے کہا کہ بطور ایٹمی قوت پاکستان امتِ مسلمہ کے ساتھ کھڑا ہے، ہمارے پاس مضبوط فوج اور بہترین دفاعی صلاحیتیں موجود ہیں، ہم کسی کو بھی اپنی خودمختاری اور سالمیت کی خلاف ورزی کی اجازت نہیں دیں گے۔
بھارت کے حوالے سے وفاقی وزیر کا کہنا تھا کہ بھارت یکطرفہ طور پر سندھ طاس معاہدہ معطل نہیں کرسکتا تاہم بھارت سےکشمیرسمیت تمام مسائل پر بات چیت کے لئے تیار ہیں۔
Post Views: 6
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام