وزیراعلیٰ خیبرپختونخوا نے باجوڑ میں باقاعدہ آپریشن کی تردید کر دی
اشاعت کی تاریخ: 30th, July 2025 GMT
علی امین گنڈا پور نے باجوڑ میں باقاعدہ آپریشن کی تردید کرتے ہوئے کہا ہے کہ باجوڑ میں دہشت گردوں کے خلاف کارروائی جاری ہے۔ انہیں آبادیوں میں کسی صورت چھپنے نہیں دیں گے۔ یقینی بنائیں گے کہ عوام کا نقصان نہ ہو۔ دہشت گردی ترقیاقی کاموں میں بڑی رکاوٹ ہے۔
وزیراعلی علی امین گنڈا پور نے امن و مان کی صورتحآل پرایپکس کمیٹی کے بعد وڈیو پیغام جاری کیا، وزیر اعلی نے باجوڑ میں جاری آپریشن کو دہشت گردوں کے خلاف کارروائی قرار دے دیا۔
ویڈیو پیغام میں علی امین گنڈا پور نے کہا کہ دہشت گرد ایک پالیسی کے تحت عوام کو اداروں سے متنفر کرنے کے لئے آبادیوں میں پناہ لیتے ہیں اور آبادیوں سے فورسز پر حملہ کرتے ہیں۔ فورسز کی جوابی کاروائی سے کولیٹرل ڈمیج ہوتا ہے۔
وزیراعلی خیب پختون خوا نے کہا کہ ایک سازش کے تحت اداروں اور عوام میں فاصلے پیدا کیے جا رہے ہیں۔ دہشت گردون کا مقصد حکومت اور اداروں کے درمیان خلیج پیدا کرنا ہے۔ ہماری فورسزز ہماری مہمان ہیں۔ ہماری سرزمین پر ہمارے مہمان کو نقصان پہنچانا ہماری روایت کے خلاف ہے۔
علی امین گنڈا پور نے ویڈیو پیغام میں مزید کہا کہ مائنز اینڈ منرل ہمارا اثاثہ ہے اور اس کا اختیار ہمارے پاس ہے۔ آج تک کسی نے نہ ہم سے یہ اختیارمانگا ہے اور نہ میں دوں گا۔
ذریعہ
ذریعہ: Daily Mumtaz
کلیدی لفظ: علی امین گنڈا پور نے باجوڑ میں
پڑھیں:
خیبرپختونخوا؛ کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔
احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔
فیصلے کے مطابق نیب خیبرپختونخوا اپرکوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔
فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔
احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
فیصلے میں مزید بتایا گیا کہ عدالت نے درخواست منظور کرتے ہوئے ضبط شدہ رقم چیئرمین نیب کے نیشنل بینک آف پاکستان، پی ایم سیکریٹریٹ برانچ اسلام آباد کے اکاؤنٹ میں منتقل کرنے کا حکم دیا ہے۔
عدالتی فیصلے کے مطابق ضبط شدہ رقم ملزم کی پلی بارگین کے تحت واجب الادا رقم میں ایڈجسٹ کی جائے گی۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی